Ekleziyaste 1:6 - Bhiblia Yo Sawuleka

⁶ Moya wu pekela wulambwe, wu jika wu ya wuphemba, wu horolokela ka otshe madhawa, wu tshumela kambe wu horolokela.

Ekleziyaste 1:6 Referans Kwoze

Johani 3:8

Diphuho di futeta mu di randako kona, se u pfa txiwudi txa dona, aniko khu ti zivi ti to di ta ngu hani ni ti to di ya hani. Ngu toneto, ti mahekako ni ka votshe va va nga velekwa ngu Moya wa Txizimu.”

Ekleziyaste 11:5

Nga ha u si ziviko nzila ya moya, hambi ni ti ma wumbiswako tona marambu mndani ka wu a ku ni txirumbu, ngu toneto, khu yi zivi mithumo ya Txizimu, txi txi vangako sotshe somaha.

Masalmo 107:29

A malatile txihuhuri, ku txi tenga, ni mavimbi a linene me renga.

Masalmo 107:25

Ngu kurumwa ngu Mkoma, diphuho da futeta ngu mtamo, adi di kukumukisako mavimbi a linene;

Jobe 37:17

Mwendo txi txi futumelisako syambalo sako, mbimo yile kupepa kutako ngu wuphemba kani?

Jobe 37:9

Txihuhuri txi khukhela wuphemba, se pheho yi txi ta ngu wutxani.

Matewu 7:27

Se nzuma yi nite, minambo yi tala kuva ni ndambi, txingulu txi peka ngu mtamo txitimwi ka nyumba yile, se yona yi khundumuka yi txi wa. Kuwa ka yona yi wisa manyala.”

Matewu 7:24

“Ngu toneto, awu a engisako mapswi angu e ma veketa, a fana ni m'thu wo txhariha, a nga aka nyumba yakwe txitimwi ka dirigwi.

Jona 1:4

Aniko Mkoma a to rumela moya wa hombe lineneni, se ku to maheka txihuhuri txa hombe lineneni, se txitimela txi txi nga txo lava ni kubhandeka.

Ekleziyaste 1:7

Sotshe sinambwana siya lineneni, hambi keto, linene kha li tali; aha minambo yi khukhelako kona yi tshumela yiya koneho.