Ekleziyaste 1:17 - Bhiblia Yo Sawuleka

¹⁷ Se ni to ningetetela mbilu yangu kuziva wutxhari, ni kuziva lihuhe ni wuphukuphuku, se ni wona taku, eto ni tona ngu xanisa moya.

Ekleziyaste 1:17 Referans Kwoze

Ekleziyaste 2:3

Ni to lava kuziva mbiluni kwangu tito, ni nga pfanisa kutxani ni vhinya (kambe na ni txi thumisa mbilu yangu ngu wutxhari), ni ti ni ndi no xayisisa tona wuphukuphuku, kala kuza ni wona ti ti no va ta txhuko, kasi ku vanana va vathu va txi ti maha, hahatshi ka nzuma, mndani ka mtengo wa masiku a kuhanya kwawe.

1 Vatesalonika 5:21

Kambe wonisisani sotshe, mi ñolisisa asi i ku sa sinene.

Ekleziyaste 2:17

Ngu kumaha keto, ni to nyenya kuhanya kuwa, nguko mthumo wule wu mahwako hahatshi ka ditambo i ti ti wo karata; ina, totshe mbukanganyisi, ni kuxaniseka ka moya.

Ekleziyaste 4:4

Kambe ni to wona ti to wotshe mthumo, ni kotshe ku ti ningela kuthumani, si tisa kubavelwa ka m'thu, ngu mwakelani wakwe. Eto ni tona mbukanganyisi, ni kuxaniseka ka moya.

Ekleziyaste 4:6

I txhuko dianza dimwedo do tala ngu kuthutha, kupinda manza mambidi o tala ngu mthumo ni kuxaniseka ka moya.

Ekleziyaste 6:9

I txhuko kuwona ngu maso, kupinda kuxengwa ngu kunavela; eto ni tona mbukanganyisi, ni kuxaniseka ka moya.

Ekleziyaste 9:3

Awuwa mbubihi wu wu ku hagari ka totshe ti ti mahwako hahatshi ka ditambo: I ku tito, ka votshe, kuhumelela to fana; ni ti to, timbilu ta vanana va vathu ti tate ngu wubihi; wupumbu wu mu ka timbilu tawe, amu kuhanyani kwawe, ngu magwito vaya kufani.

Masalmo 73:16

Mbimo yi ni nga kulava ku ti pimisa tiya, ti manekile ti txi ni karatela.

Ekleziyaste 3:19

Nguko ati ti mahekako ka vanana va vathu, toneto kambe ta maheka ni ka sihari; kumaheka toneto tatimweto: A ti a fisako tona m'thu, ni txona txihari txi fisa toneto, sotshe si ni m'hefumulo wumwewo; kambe m'thu kha pali txihari ngu txilo, nguko sotshe mbukanganyisi.

Ekleziyaste 8:16

Ni txi maha ti to mbilu yangu yi thuma ngu wutxhari, ni kuwona mthumo wu wu ku txitimwi ka mafu (m'thu koko kha mani wukohe, ni wusiku, mwendo ni mitshikari),

Ekleziyaste 12:8

Wukanganyisi wa wukanganyisi, kuwomba M'gondisi, sotshe mbukanganyisi.