Ekleziyaste 1:16 - Bhiblia Yo Sawuleka

¹⁶ Ani ni to womba mbiluni kwangu ni txi khani: Wona taku ni ti kulisile, kambe ni ti manete wutxhari, ka votshe vale va nga maneka Jerusalema, ni sanzi ku va ho ani; ngu ditshuri, mbilu yangu yi ningilwe wutxhari ni mapimo ngu mtalo.

Ekleziyaste 1:16 Referans Kwoze

Ekleziyaste 2:9

Se ni to kula, ni anda kupinda votshe vale va nga fuma Jerusalema, ni sanzi ku va ho; ni wutxhari wangu wu to simama kwangu.

1 Vafumeli 4:30

Wutxhari wa Solomoni i ti wa hombe kupinda wutxhari wa votshe vathu va Wutxani, ni kupinda wotshe wutxhari Vaegipta.

1 Vafumeli 10:7

Se ani ni si ma kholwi mapswi ale, niza ni txita, se maso angu ma ti woni; wona ku kha va siyeta ku ni gela ka kona; u pindisile ngutu ngu wutxhari ni tithomba ka nduma yile ni nga yipfa.

Vahebheru 5:14

Kambe sakudya si so banga, nza vahombe, i ku va vo tolovela, ava va zivako kuhambanisa totshura ni to biha.

Masalmo 4:4

Dhudhumelani kambe mi nga goheni. Wombawombani ngu mbilu mi di malate mi txi otela matahoni kwanu.

2 Makronika 2:12

Hiramu a to womba kambe a txi khene: Kukateka ku nave ka Mkoma Txizimu txa Israyeli, txi nga maha nzuma ni mafu, txi nga ninga Dhavhidha, mwanana wa wuzivi, wa wutxhari wa hombe ni kupfisisa, a na ake Nyumba ya Mkoma ni ya mfumo wakwe.

Dhaniyeli 4:30

mfumeli a to wotisa, a txi khene: Ina hi nga ene Bhabhilona wa hombe wu ni nga muaka kasi kumaha nyumba ya wukoma, ngu mtamo wa mfumo wangu, ni wudhumo wa wuhombe wangu kani?

Jeremiya 22:14

Awu a ku khene: “Ni na ti akela nyumba ya hombe. Ni sibhiya so anama, a txi dhoda mafasitela; a txi nameketela makedhari, ni ku yi penda ngu mxowo wo bhilivila.”

Masalmo 77:6

Ni wotshe wusiku na pimisela mbiluni kwangu; mbiluni kwangu na alakanyela, ni txi ti wotisa ani nipune, ni txi khani:

2 Vafumeli 5:20

Sekoko Gehazi, dijaha da Elixa, m'thu wa Txizimu, a to khene: Hi nga wonani, nyamne wangu a tsimbile musiriya wule Nahanani, ku mninga ngu dianza dakwe, sa sidotho ka sile a ngadi naso. Ni xambanya ngu Mkoma wo hanya a tito, ni na tutuma ngu msana kwakwe ni ya teka txokari.

1 Vafumeli 5:9

Sithumi sangu si na ma rwala kukhukhela Libhanoni kala lineneni, se ani ni na va ruma kuheleketa ngu sitataru ngu lineneni kala ka wukhalo wu u no ni elela kuya veka kona; se awe u na ma amukela; na nawe u na maha ti ni no ti lava, u na dyisa m'ti wangu.

Ekleziyaste 2:1

Ani ni to khani mbiluni kwangu: Ngono, ni ta kuduka ngu kutsaka; ti phine ngu litsako; kambe wona taku eto ni tona i ti ti wunkanganyisi.

Ekleziyaste 2:15

Ngu kumaha keto, ni ti khani mbiluni kwangu: Atile ti mahekako ka txiphukuphuku, ti na maheka ni kwangu; ngu kutxani ni nga lava wutxhari kani? Sekoko ni ti khani mbiluni kwangu, eto ni tona mbukanganyisi.

Ekleziyaste 3:17

Ani ni to khani mbiluni kwangu: Txizimu txi na lamula wo lulama ni wo biha; nguko ku ni mbimo ya wotshe wubihi, ni mbimo ya wotshe mthumo.