Ekleziyaste 1:14 - Bhiblia Yo Sawuleka

¹⁴ Ni to wonisisa yotshe mithumo yi yi mahwako hahatshi ka ditambo, se ni wona ti to totshe mbukanganyisi, ni kuxaniseka ka moya.

Ekleziyaste 1:14 Referans Kwoze

Ekleziyaste 2:11

Se ani ni wonisisa yotshe mithumo yile yi nga mahwa ngu manza angu, kumweko ni mthumo wule ni nga wu maha, mbimo yile ni nga ti thuma; se wona taku totshe i ti ti wukanganyisi, ni kuxanisa moya, kambe ku ti si nga ni dibhindu hahatshi ka ditambo.

Ekleziyaste 2:26

Nguko Txizimu txa ninga wutxhari, ni wuzivi, ni litsako ka m'thu wule i ku mnene masoni ka txona; aniko ka muonhi txi mninga mthumo, kasi ku e sengeletela ni kuwungeletela, se e ninga wule a nga maha ta tinene masoni ka Txizimu. Eto ni tona mbukanganyisi, ni kuxaniseka ka moya.

Ekleziyaste 2:17

Ngu kumaha keto, ni to nyenya kuhanya kuwa, nguko mthumo wule wu mahwako hahatshi ka ditambo i ti ti wo karata; ina, totshe mbukanganyisi, ni kuxaniseka ka moya.

Ekleziyaste 6:9

I txhuko kuwona ngu maso, kupinda kuxengwa ngu kunavela; eto ni tona mbukanganyisi, ni kuxaniseka ka moya.

Ekleziyaste 4:4

Kambe ni to wona ti to wotshe mthumo, ni kotshe ku ti ningela kuthumani, si tisa kubavelwa ka m'thu, ngu mwakelani wakwe. Eto ni tona mbukanganyisi, ni kuxaniseka ka moya.

Ekleziyaste 4:16

Votshe vathu kha va nga ni magwito, votshe vale a va fumako; ni ka kudotho, tiveleko takwe, kha ti na mbi mtsakela. Ngu ditshuri eto ni tona mbukanganyisi, ni kuxanisa moya.

Ekleziyaste 8:16

Ni txi maha ti to mbilu yangu yi thuma ngu wutxhari, ni kuwona mthumo wu wu ku txitimwi ka mafu (m'thu koko kha mani wukohe, ni wusiku, mwendo ni mitshikari),

Ekleziyaste 3:19

Nguko ati ti mahekako ka vanana va vathu, toneto kambe ta maheka ni ka sihari; kumaheka toneto tatimweto: A ti a fisako tona m'thu, ni txona txihari txi fisa toneto, sotshe si ni m'hefumulo wumwewo; kambe m'thu kha pali txihari ngu txilo, nguko sotshe mbukanganyisi.

Ekleziyaste 4:6

I txhuko dianza dimwedo do tala ngu kuthutha, kupinda manza mambidi o tala ngu mthumo ni kuxaniseka ka moya.

Ekleziyaste 12:8

Wukanganyisi wa wukanganyisi, kuwomba M'gondisi, sotshe mbukanganyisi.