Biblia Todo Logo
Bib sou entènèt

- Piblisite -




Dhaniyeli 9:9 - Bhiblia Yo Sawuleka

9 Wumbilu ni kudivalela si lumba Mkoma, Txizimu txathu; nguko hi mueyisile, hi m'wukete.

Gade chapit la Kopi




Dhaniyeli 9:9
28 Referans Kwoze  

Kulamula kulumba awe Mkoma, aniko kwathu ndingana ti wonekako nyamsi, tikhoheni kwathu; ka vavamna va ka Judha, ni vaaki va Jerusalema, ni dotshe ditiko da ka Israyeli; ka va hafuhi, ni ka va kule, ka otshe matiko ale u nga va hangalasa ka ona, ngu mhaka ya wuhambunyeti wawe, wule va nga kuhambunyeta ngu wona, ngu ku kuwukela.


hi onhile, hi mahile to biha, hi tsimbite ngu kuonhetela, kambe hi eyisile, hi lekile sirumo sako, ni sileleto sako;


Aniko awe, Mkoma, u Txizimu txa wunene ni wumbilu, u wa kutimisela, u di tate ngu wunene ni kuthembeka.


Israyeli, rinzela Mkoma, nguko Mkoma ana ni wumbilu, wa hi hulukisa ka tiphango to tala.


Hambi ngako sionho sathu si txi hi xowokisa, awe Mkoma hi vhune ngu mhaka ya ditina dako. Nguko hi tiwukile kakungi, hi txi kuonhela.


Aniko awe wa ziva kudivalela, kasiku athu hiva ni txithavo.


Ni wona wunene mbwako, Mkoma u hakelako m'thu, madingano ni mithumo yakwe.


Se a to kombela ka Mkoma, a txi khene: Yowe! Mkoma! Ina hi nga tona tiya ni nga womba, ni di ngadi ditikoni kwangu kani? Ngu mhaka yeto, ni ti vhikete, ni tutumela kuya Tarxixi, ngu kuziva taku, u Txizimu txo pfela, ni wumbilu, txo timisela, ni kutala ngu wunene, ni ti taku wa hunduluka ka to biha.


Ni na khumbuka wunene wa Mkoma, ni wungi wa wudhumo wa Mkoma, madingano ni totshe ti Mkoma a nga hi ninga, ni wunene wakwe wa hombe ka nyumba ya ka Israyeli, a nga va mahela madingano ni wumbilu wakwe, ni madingano ni kutala ka wunene wakwe.


M'bihi a na leke nzila yakwe, m'thu wa kwa mbi lulama a na leke mipimiso yakwe, se a na hundulukele ka Mkoma, ene a na mpfele wusiwana; a na tshumelele ka Txizimu txathu, nguko nja hombe ngutu mu ko divalela.


Aniko nyumba ya ka Israyeli yi ni wukete txiwulani, va si tsimbili ngu sileleto sangu, kambe va lekile milayo yangu, taku ngako m'thu a txi si londeta, a nga hanya ngu sona; kambe va nyetisete ngutu Masabbata angu; se ani ni va gete ku khani ni na theketa txiviti txangu txitimwi kwawe, amu txiwulani, kasi ku va heta.


Nguko awe, Mkoma, u wamnene, wa divalela; wa amukela ngu mbilu votshe vale va ku khozelako.


Kambe, ngu mhaka ya wunene wako wa hombe, khwa va haxula, hambi ku va leka; nguko awe u Txizimu txa wunene ni wumbilu.


Engisa kudila ka txithumi txako ni ka vathu vako va ka Israyeli, mbimo yi va khongelako ka wuwa wukhalo; kambe awe engisa, ka wukhalo wu u zumbako ka wona nzumani, engisa kambe divalela.


aniko kha ha engisa sithumi sako, i ku vaprofeti, vale va nga womba-womba ngu ditina dako ka vafumeli vathu, ka vathangeli vathu, ka vatate vathu, ni ka votshe vathu va ditiko.


Awe Mkoma, athu, ni vafumeli vathu, ni vathangeli vathu, ni vatate vathu, hi lumbwa ngu tingana, nguko hi kuonhete.


Sekoko Dhavhidha a to khene ka Gadhi: Ni ha kuxanisekani ka hombe; kambe he weleni manzani ka Mkoma, nguko wumbilu wakwe mbwa hombe ngutu; aniko manzani ka vathu ni nga wele kona.


Swiv nou:

Piblisite


Piblisite