Dhaniyeli 9:5 - Bhiblia Yo Sawuleka

⁵ hi onhile, hi mahile to biha, hi tsimbite ngu kuonhetela, kambe hi eyisile, hi lekile sirumo sako, ni sileleto sako;

Dhaniyeli 9:5 Referans Kwoze

Malakiya 3:7

Kukhukhela ka masiku a vatate vanu, mi lekile sileleto sangu, kambe kha ma si xayisa; tshumelelani kwangu, se na ni ni na tshumelela kwanu, kuwomba Mkoma wa Mabutho a Tiyimbi; kambe anu mi khanu: Hi na tshumelela txani kani?

Dhaniyeli 9:11

Ina, votshe va ka Israyeli va ndakile milayo yako, va hambukile, va si engisi dipswi dako; ngu kumaha keto, txiruko, ni txixambanyo si si nga bhalwa ka Mlayo wa Mosi, txithumi txa Txizimu, si tshakunutilwe txitimwi kwathu; nguko hi kuonhete.

Dhaniyeli 9:15

Kha ditshuri, awe Mkoma, Txizimu txathu, u nga humisa vathu vako ditikoni ka Egipta ngu dianza dako da mtamo, aniko u mana ditina, i ku ti ti wonekako nyamsi, hi onhile; hi mahile kubiha.

Masalmo 106:6

Hi onhile kufana ni vakale vathu; hi onhile, hi mahile kubiha.

Vahebheru 3:12

Wonani, vanathu, ti to ku si thuki ku txi va ni wammweyo hagari kwanu, wa mbilu yo biha, ni ya ku ambi kholwa, yi txi mi hambanisa ni Txizimu txi txi hanyako.

Hoseya 1:2

Makhato a dipswi da Mkoma ngu ka Hoseya; Mkoma a to khene koko ka Hoseya: Tsula uya teka wamsikati wa wugelegele ni vanana va wugelegele; nguko ditiko di mahile wugelegele, ngu kutshuralela Mkoma.

Ezekhiyele 6:9

Sekoko va na ni alakanya avale hagari kwanu va no huluka, matikoni mule va no yiswa wukhumbini ka ona; nguko ni henyisilwe ngu timbilu tawe to biha, ti nga hambana ni nani, ngu mhaka ya maso awe ma nga xengwa, ve londetela sithombe sawe; va na ti laya vapune, ngu mhaka ya wubihi wu va nga wu maha, ka otshe manyala awe.

Sidilo 1:20

Wona Mkoma, ati ni xanisekisako tona; moya wangu wu ha kukaratekani ngutu. Ni ha kupandisekani ka hombe ngutu, nguko ni ti lambisile ngutu. Hahanze kheya, ni dawetwe vanana ngu ditxhari; mndani kwangu ku ni lifo.

Jeremiya 14:7

Hambi ngako sionho sathu si txi hi xowokisa, awe Mkoma hi vhune ngu mhaka ya ditina dako. Nguko hi tiwukile kakungi, hi txi kuonhela.

Masalmo 18:21

nguko ani ni londetile tinzila ta Mkoma kha ni zivi kutshuralela Txizimu txangu.

Jeremiya 3:25

Ahiweni hahatshi tinganani kwathu, hi fenengela tona, nguko hi onhete Mkoma, Txizimu txathu, athu kumweko ni vatate vathu, kukhukhela ha wuphyani kwathu kala nyamsi; kha ha engisa dipswi da Mkoma, Txizimu txathu.”

Isaya 59:13

hi nga hambukisa kutxani, hi hembela Mkoma, hi khukha ka Txizimu txathu, ni kuwombawomba to xanisa vamwani hi hundulukela kwako, makungo athu ni tile hi ti wombako, makuhu dwe.

Isaya 53:6

Athu hotshethu hi ti ti hangalakile kufana ni tinvuta; mmweyo ni mmweyo a ti ti tsimbila ngu nzila yakwe, aniko Mkoma a mrwekile wubihi wathu hotshethu.

Masalmo 119:102

Txima kha ni zivi kueyisa mithetho yako, nguko ngawe u ni gondisako.

Ezra 9:6

Se ni ti khani: Awe Txizimu txangu! Ni kanganyisekile, ni ni tingana, kuva ni guleta khohe yangu kwako awe Txizimu txangu: Nguko wubihi wathu, wu andile ngutu amu ka misungo yathu, ni txionho txathu txi gulekile kala nzumani.

Masalmo 119:176

Ni pepesekile kufana ni nvuta yo mwalala; tsimbita txithumi txiya txako, nguko ani kha na divala sirumo sako.

Jeremiya 44:3

ngu mhaka ya kubiha ku va nga kumaha, va txi ni henyisa, ve hisela miphaxo sizimu sa walo ni ku si thumela, vona, anu, ni vatate vanu.

Sidilo 1:18

“Mkoma a lulamile, nguko ani koko ni eyisile milayo yakwe; engisani koko anu motshenu, vathu, mi txi wona kupandiseka kwangu; votuma vangu ni majaha angu va tsute wukhumbini.

Sidilo 3:42

Hi ti lambisile hi kuonhela, awe Mkoma, ngu mhaka yeto, khwa hi divavela.

Dhaniyeli 9:9

Wumbilu ni kudivalela si lumba Mkoma, Txizimu txathu; nguko hi mueyisile, hi m'wukete.

2 Vafumeli 18:12

Aniko kha va londisa dipswi da Mkoma, Txizimu txawe; va to hambunyeta txitumelelano txakwe, ni totshe tile Mosi, txithumi txa Mkoma, a nga ti ti va leletete; kha va ti pfisisa hambi ku ti maha.

2 Vafumeli 21:15

Nguko va nga maha wubihi masoni kwangu, ve ni wusela txiviti, kukhukhela ka ditshiku dile vatate vawe va nga huma ngu Egipta, kala nyamsi.

Isaya 64:4

Nguko kukhukhela ka kale kha ka pfiwa, hambi ngu tinzeve kha ka engiswa, hambi ngu maso kha ka wonwa Txizimu tximwani, txi txi mahako mithumo ka vale va txi thembako.

Jeremiya 14:20

Athu ha ziva kubiha kwathu, awe Mkoma, ni sionho sa vatate vathu, nguko athu hi kuonhete.

Jeremiya 30:14

Votshe va va kurandako va ku divate, kha va ku khataleli. Nguko ni ku dayisisile ku nga wo va mlala, ngu txitsayiso txa timbiti; ngu kukula ka wubihi wako, ni wungi wa sionho sako.

Ezekhiyele 5:6

Ene koko, valamuli vangu a va onhisile ngutu kupinda matiko, ni sileleto sangu kupinda matiko ale ma nga mrandela; nguko va lambile wulamuli wangu, kambe kha va londisa silayelo sangu.