Dhaniyeli 9:4 - Bhiblia Yo Sawuleka

⁴ Se ni to khongela ka Mkoma, Txizimu txangu, ni ti tshanza, ni txi khani: Yowe! Mkoma! Txizimu txa hombe, txo thaviseka, awe u xayisako txitumelelano ni wumbilu, ka vale va kurandako, va xayisako sirumo sakwe;

Dhaniyeli 9:4 Referans Kwoze

Varoma 8:28

Athu ha tiziva ti to Txizimu txa tshanganisa sotshe si txi maha wunene ka vale va txi dhundako, avale txona txi nga va dhana ngu kuranda ka txona.

Eksodha 20:6

Kambe na maha wumbilu kala ka liveleko la digumi da mazana, ka vale va ni randako, avale va xayisako milayo yangu.

Dhewuteronome 5:10

Kambe na maha wumbilu ka magumi a mazana a vale va ni randako, ni kuvekisa sirumo sangu.

2 Makronika 7:14

Ngako vathu vangu, avale va dhanwako ngu ditina dangu, va txi ti sola, ve khongela, ve leka tinzila tawe to biha, ani ni na va engisa ni di nzumani, ni va divalela sionho sawe, ni holisa ditiko dawe.

Nehemiya 9:32

Konkuwa koko, awe Txizimu txathu, awe Txizimu txa hombe, txa mtamo ni kuthisa, txi xayisako txitumelelano ni wunene, yi nga maneke i di yidotho yotshe xomulo yi yi nga hi hokela, ni vafumeli vathu, ni vathangeli vathu, ni vaphaxeli vathu, ni vaprofeti vathu, ni vatate vathu, ni votshe vathu vako, kukhukhela ka masiku a vafumeli wa va Asiriya, kala ka ditshiku da nyamsi.

Dhewuteronome 7:9

U na ti zive koko ti to Mkoma, Txizimu txako, Njizimu, Njzimu txo thembeka, a xayisako txitumelelano ni wumbilu, kala ka 1.000 wa tiveleko, ka vale va mrandako, ni kuvekisa sirumo sakwe;

1 Vafumeli 8:23

a txi khene: O Mkoma, Txizimu txa ka Israyeli, kha ku nga ni Txizimu txo ngawe, txitimwi nzumani, hambi hahatshi ha mafuni, u xayisako txitumelelano ni wunene, ka sithumi sako si tsimbilako ngu mbilu yawe yotshe masoni kwako;

Masalmo 32:5

Ni ti tshanzile kwako sionho sangu, kha na sisa wubihi wangu, ni txi khani: “Ni na ti tshanza ka Mkoma, sihambunyeto sangu”; se u divalete mnandu wa txionho txangu.

Dhewuteronome 7:21

U nga dhudhumele masoni kwawe, nguko Mkoma Txizimu txako, Njizimu txa hombe, kambe njo thisa.

Jakobe 2:5

Engisani, vanathu vo randeka: Ina kasi Txizimu kha txa langa vathu va sisiwana ditikoni muwa, kufela kuve maha vanyatithombe mu ka likholo, ni vadyi va thomba ya Mfumo wu txona Txizimu txi nga wu thembisa ka vale va txi randako, kani?

Jakobe 1:12

A katekile m'thu wu a amukelako txiduko ngu kutimisela; nguko, a di gwitile kudukwa, a na amukela m'bhoti wa wutomi, awu Mkoma a nga wu thembisa ka vale va mrandako.

Luka 1:72

Kasiku e maha wumbilu ka vatate vathu, a txi khumbuka txitumelelano txakwe txo sawuleka.

Jeremiya 3:13

U fanete kutumela wubihi wako dwe, ti taku u lekile Mkoma, Txizimu txako, na u txi tutuma ka madhawa otshe uya ka sizimu sa vamatiko, hahatshi ka mindonga yotshe yo nyuka, kha ma engisa dipswi, kuwomba Mkoma.

Nehemiya 1:5

Ni txi khani: Awe, Mkoma, Txizimu txa nzumani, Txizimu txa hombe txo thaviseka, awe u xayisako txitumelelano, ni kupfela wusiwana vale va ku randako, va xayisako sirumo sako!

Ezra 10:1

Se mbimo yile Ezra a nga khongela, e ti sola, e dila, e ti namisa masoni ka Nyumba ya Mkoma, vathu va msengeletano wa hombe wa va ka Israyeli, vavamna ni vavasikati, ni vanana, va to ta patana nayo, na va txi dila, ngu huwa ya hombe.

Dhaniyeli 6:10

Se mbimo yi Dhaniyeli a nga ziva ti to mibhalo yi sayinilwe, a to wulela nyumbani kwakwe, (kambe ku ti ti ni mafasitela o rendekela didhawa da Jerusalema ma nga ti ti tutwe), e khizama kuraru ngu ditshiku, e kombela, a txi ninga kubonga masoni ka Txizimu txakwe, kufana ni tile a nga ti tolovela kumaha.

Dhaniyeli 9:3

Se ni to rendekelisa khohe yangu ka Mkoma Txizimu, kasiku ni txi mlava ngu mikombelo ni mikhongelo, ni ti tona sakudya, ni ambala nguwo ya disaka, ni ku ti theletela dikhuma.

Dhewuteronome 7:12

Ngako u txi engisa, u txi si vekisa sileleto siya, Mkoma, Txizimu txako, nene a na xayisa txitumelelano ni lirando, ali ene a nga xambanya ka vatate vako;

Jeremiya 32:23

va tota ve ta di khozisa, aniko kha va engisa dipswi dako, hambi kutsimbila ngu mlayo wako; ni totshe ti u nga ti va layile ku ti maha, kha va ti maha; uza u txi va humisela otshe makhombo awa.