Dhaniyeli 9:3 - Bhiblia Yo Sawuleka

³ Se ni to rendekelisa khohe yangu ka Mkoma Txizimu, kasiku ni txi mlava ngu mikombelo ni mikhongelo, ni ti tona sakudya, ni ambala nguwo ya disaka, ni ku ti theletela dikhuma.

Dhaniyeli 9:3 Referans Kwoze

Jeremiya 33:3

Kwangula kwangu ni na kuxamula, ni na kukomba silo sa hombe, u si si ziviko.

Esteri 4:16

Tsula u ya sengeleta votshe Vajudha vale va manekako Susani, mi titona sakudya ngu mhaka yangu, mi heta masiku mararu mi si dyi txilo hambi kusela wusiku ni mitshikari, se ani ni mahorana angu hi na maha toneto, hi titona sakudya nathu; ngu kumaha keto, ni na tsula kuya wonana ni mfumeli, hambi ku i singako mlayo; aniko ni txi lova, ni na love.

Ezra 9:5

Hafuhi ka mbimo ya miphaxo, ni to khukha kuhenyanimo kwangu, na ni ti vharulete syambalo sangu, ni to khizama, ni guleta manza angu ka Mkoma, Txizimu txangu.

Ezra 10:6

Se Ezra a to khukha ngu masoni ka Nyumba ya Txizimu, e wulela ka txibhiya txa Jehohanani, mwana Eliyasibhe, a di hokile, kha ngadya dipawu, kambe kha sela mati, nguko a ti pandisekile ngu sihambunyeto sa vale va wukhumbini.

Ezra 8:21

Sekoko ni to huwelela kutitona hafuhi ni mnambo wa Ahavha, kasi hi txi ti namisa masoni ka khohe ya Txizimu txathu, hi txi txi kombela nzila ya yinene yathu, ya vanana vathu, ni ya totshe tithomba tathu.

Mithumo 10:30

Se Korneliyo a to xamula, a txi khene: “Kupindile masiku mararu kala konkuwa, ni ti maneka ni txi khongela nyumbani kwangu, ngu txikhati txa wutxhanu ni mune. Konako ni to wona m'thu a di emile masoni kwangu, na a di ambate tinguwo to phatima, a txi khene:

Luka 2:37

A ti tekilwe i di ngadi mbiri, e zumba ni mwamna wakwe mtxhanu wa malembe ni mambidi. Se konkuwa i ti noni ya mtxhanu ni mararu magumi, ni mune wa malembe. A ti si khukhi Dithepeleni, amuwa a nga txi khozela Txizimu, ngu kutitona sakudya ni kumaha mikombelo wusiku ni mitshikari.

Joyeli 2:12

Hambi keto, konkuwa, kuwomba Mkoma: Hundulukelani kwangu ngu mbilu yanu yotshe; totshe eto, ngu kutitona, ni kudila, ni huwa.

Joyeli 1:13

Ti khutareleni mi ti dilela anu vaphaxeli; kumani anu vathumeli va txiluvelo; wulelani mi pinda mi di ambate masaka, ni wusiku anu, vathumeli va Txizimu txangu; nguko miningelo ya sakudya ni sa kusela si nga wilwa, nza nyumbani ka Txizimu txanu.

Ezekhiyele 36:37

Mkoma Txizimu a khene: Kambe ngu mhaka ya tona eto, nyumba ya ka Israyeli yi na ni kombela, ati to ni txi yi mahela: Kuandisa vathu va yona, kufana ni mtxhambi.

Masalmo 35:13

Kambe, mbimo yi vona va nga txi lwala, ani ni ti ambala disaka ni txi va xanisekela ngu kutitona sakudya ni ku va kombelela.

Dhaniyeli 6:10

Se mbimo yi Dhaniyeli a nga ziva ti to mibhalo yi sayinilwe, a to wulela nyumbani kwakwe, (kambe ku ti ti ni mafasitela o rendekela didhawa da Jerusalema ma nga ti ti tutwe), e khizama kuraru ngu ditshiku, e kombela, a txi ninga kubonga masoni ka Txizimu txakwe, kufana ni tile a nga ti tolovela kumaha.

Nehemiya 9:1

Se ka ditshiku da magumi mambidi ni mune, ka wona mtxima wuwa, vanana va ka Israyeli va to sengeletana, ve ti tona sakudya, va di ambate syambalo sa masaka, va di ti theletete mafu ha msungo kwawe.

Isaya 22:12

Se Mkoma, Mkoma wa Mabutho a Tiyimbi, a na mi dhana ka ditshiku dile, kuya dila, ni kuya peka huwa, ni ku kuyula misungo, ni ka muambalisi wa masaka.

Dhaniyeli 9:2

Ka dilembe do khata da kufuma kwakwe, ani Dhaniyeli, ni to pfisisa ngu mu ka mabhuku, ti taku mtengo wa malembe ale Mkoma a nga khene ka mprofeti Jeremiya, Jerusalema ku na xaselwa mndani ka mtxhanu wa magumi ni mambidi a malembe.

Dhaniyeli 9:4

Se ni to khongela ka Mkoma, Txizimu txangu, ni ti tshanza, ni txi khani: Yowe! Mkoma! Txizimu txa hombe, txo thaviseka, awe u xayisako txitumelelano ni wumbilu, ka vale va kurandako, va xayisako sirumo sakwe;

Dhaniyeli 9:20

Ni txi ngadi ni womba-womba ni kukombela, ni titshanza sionho sangu, ni sionho sa vathu vangu va ka Israyeli, ni txi veka kudila kwangu masoni ka Mkoma, Txizimu txangu, ngu mhaka ya mmango wo sawuleka wa Txizimu txangu,

Jona 3:5

Se vathu va Ninivha va to kholwa ka Txizimu, se ve nuwela mhaka ya kutitona. Se va to ambala masaka, kukhukhela ka wa hombe kala ka wam'dotho.

2 Samuwele 12:16

Se Dhavhidha a to kombelela mwanana ka Txizimu; kambe Dhavhidha e ti tona sakudya, e wulela nyumbani e otela hahatshi wusiku wotshe.

Jobe 42:6

Ngu mhaka yeto, na ti sola, ni kutilaya, ni di mu ka lithulu ni mu ka dikhuma.

Matewu 17:21

[Aniko lixaka liya la madhimoni kha li tovelwi, hahanze ka kukombela ni kutitona sakudya.”]