Dhaniyeli 9:26 - Bhiblia Yo Sawuleka

²⁶ Se msana ka mtxhanu wa magumi ni dimwedo a mavhiki ni mavhiki mambidi, Mesiya a na thaviswa, kha na mbi vaho kambe; se vathu va mthangeli wule a nota, va na haxula didhoropa ni wukhalo wo sawuleka, kambe magwito a sona ma na fana ni dambi, ku nava ni yimbi kala magwito; si emisetwe kuhoxotwa.

Dhaniyeli 9:26 Referans Kwoze

Nahume 1:8

Se ngu ndambi yo khulunga, a na lovisa wukhalo wawe do gwita, se txidema txi na tutumisa valala vakwe.

Isaya 53:8

A thavisilwe ngu kutsindavetwa ni kulamulwa; se i mani a no xawutela ta kuhanya wakwe kani? Nguko a wilisilwe mafuni ka va va hanyako, kambe a manetwe ngu wuhambunyeti wa vathu vangu.

Marku 13:2

Jesu a txi khene kwakwe: “Wa ti wona tinyumba tiya ta hombe kani? Kha ku na mbi sala dirigwi txitimwi ka dirigwi, adi di no mbi khundumuswa.”

1 Pedro 2:24

Ene a nga rwala sionho sathu ngu mmidi wakwe, ha txihambanoni, kasiku, ngako hi txi fa ka txionho, hi na sikota kuhanya ngu kululama. Anu mi hanyisilwe ngu silonda sakwe.

Luka 24:26

Ina ti si laveki ti to Mesiya e xanisekisa tiya, se e wulela kudhumiswani kwakwe kani?”

Marku 9:12

A to va angula a txi khene: “Kha ditshuri Elija a nata kuthanga, a ta wuseta sotshe; kambe ti bhalisilwe kutxani ngu mhaka ya Mwanana wa M'thu, ti ta ku a fanete kuxaniseka ngutu ni kunyenywa kani?

Matewu 24:2

Aniko ene a to va gela ku khene: “Ma si wona sotshe siya, kani? Kha ditshuri na mi gela ku khani: Kha ku na mbi sala dirigwi txitimwi ka dirigwi, adi di no mbi khundumuswa.”

1 Pedro 3:18

Kha ditshuri, Kristu nene a fite ka kumweko ngu mhaka ya sionho sanu, ene i ku wo lulama, a txi fela vale vo mbi lulama, kasi ku mi yisa ka Txizimu. A fite ngu ka mmidi, aniko a hanyisilwe ngu ka moya.

Vagalatiya 3:13

Kristu a dihile kasiku a txi hi tirula ka dikhombo da kuruketelwa ngu Mlayo, ene a ti mahile wo ruketelwa ha wukhaloni kwathu, nguko Mibhalo yi kha yona: “A na ruketelwe wuhi ni wuhi a nga hayekwa ha phandeni.”

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

Dhaniyeli 11:10

Aniko vanana vakwe va na lwa, va na sengeleta mtengo wa hombe wa mabutho; se mmweyo wawe a nata ngu kukuluveta e ta fenengeta e pinda; se a txi wuya a na teka yimbi kala mkhokholani kwakwe.

Dhaniyeli 9:27

Aniko ene a na tsanisa txitumelelano ni votala ngu divhiki dimwedo; se ka hafu ya divhiki a na emisa miphaxo ni miningelo ya sakudya; muhoxoti a nata ngu tibhapini ka vanyenyeki, kambe eto ngu ha ku sigwitiko; ni sile si nga emiswa si na theketwa txitimwi ka muxaseli.

Isaya 8:7

Wona taku, Mkoma a na tisa mati a mtamo, a mnamboni, txitimwi kwawe, ngu ti to, mfumeli wa Asiriya ni wudhumo wakwe wotshe a nata ngu milonga yakwe yotshe e khulungela ka yotshe milonga yakwe;

1 Pedro 2:21

Ngu toneto, mi nga dhanelwa tona, nguko hambi Kristu nene, a tumete kuxaniswa ngu mhaka yanu, kasi ku mi siyela txikombiso, ti to mi na sikota kulondetela mkondo wakwe.

Johani 14:30

Kha ni na mbi womba-womba to tala ni nanu, nguko awu a fumako, wa mafu awa wata. Kambe kha nga ni mtamo wa txilo txitimwi kwangu.

Luka 24:46

Se a txi khene kwawe: “Ti bhatwe ti to Mesiya a ti fanela kuxaniseka, a txi wuka ngu hagari ka vakufa ngu ditshiku da wuraru,

Luka 21:24

Va na wa ngu kudawa ngu ditxhari, va na payulwa ve yiswa ka otshe matiko; se Jerusalema a na kandetelwa ngu vamatiko, kala kuza mbimo ya vamatiko yi va yi di tatisekile.

Marku 13:7

Ngako mi txi pfa tiyimbi ni nduma ya tiyimbi, mi nga thaveni, nguko ati ti fanete kuhumelela. Aniko hi nga ona magwito.

Matewu 22:7

Se mfumeli a di ti pfite eto, a to henya ngutu e ruma tiyimbi takwe kuya fuvisa sigevenga sile, ve hisa didhoropa da sona.

Matewu 22:2

“Mfumo wa nzumani wu fananiswa ni mfumeli wokari, a nga lulamisa m'buso wa mtxhadho wa mwanana wakwe wa dijaha.

Amosi 9:5

Nguko Mkoma, Mkoma wa Mabutho a Tiyimbi, a gwesa mafu, me nyivilika, se votshe va va hanyako ka ona va na dila; kambe ma na kwela nga mnambo wa hombe ni kubhwabhwamela nga Egipta.

Amosi 8:8

Ditiko di na mbi zinginika ngu kona ha ka tiya kani? Kha va na mbi dila votshe va va hanyako ka dona kani? Kha ditshuri dotshe ditiko di na guleka ku nga mnambo wa hombe, di na ginyalatwa, di na nyuvela ku nga mnambo wa Egipta.

Hoseya 1:9

Se Mkoma a to khene: Mraye ditina daku i Lo-Ami, nguko anu kha mi nga vathu vangu, nani kha ni na mbi va Txizimu txanu.

Jeremiya 46:7

I mani wu a gulekako nga mnambo wa Nilo, awuwa mati a wona ma tutumako kani?

Masalmo 22:15

Mkolo wangu wu omile kufana ni mraka wo hiswa ni lidimi langu li namarete mkanani kwangu. Awe u ni lekile hafuhi ka diphala.

Luka 21:6

“Mata masiku, aawa, ka sotshe si mi si wonako, ku no mbi sala dirigwi txitimwi ka dirigwi: Sotshe si na khundumuselwa.”

Matewu 23:38

Ngu toneto, m'ti wako wu na maha dirumbi.

Dhaniyeli 11:17

Se a na ti emisela ku yalwa ngu mtamo wa mfumo wakwe wotshe, kambe ene ni vo lulama, a na maha ti a no ti lava; a na mninga mwanana wakwe wa m'horana kuva msikati wakwe, kasiku mulovisa; aniko ene kha na mbi timisela, kambe kha na mbi mlumba.

Jeremiya 51:42

Linene li gulekile kupinda Bhabhilona, li txi mfenengeta ngu mavimbi amangi.

Dhaniyeli 11:22

Se ngu mawoko amangi, va na thaviswa masoni kwakwe; kambe va na fuviswa kufana ni mthangeli wa txitumelelano.

2 Samuwele 21:5

Se va to kha vona ka mfumeli: Hi lava wamwamna wule a nga hi xasela, ni kumaha makungo o hi fuvisa, kasiku ku si sale ni wammweyo wathu ka yotshe mihangano ya ka Israyeli,

Isaya 28:2

Wonani taku Mkoma a na rumela wamwamna wa ndena, wa mtamo ngutu, kufana ni kuwa ka maralala, kuxanisa ko khundumusa, ni ku nga txihuhuri txo karata ngutu, txa mati ya ma khulungako, a na va wisa ha mafuni.

Isaya 28:22

Konkuwa koko, mi nge ngadi mi tseketsela; kasi ku asi mi nga sungwa ngu sona si si pswitwi; nguko se ni pfite Mkoma, Txizimu txa Mabutho a Tiyimbi, a txi womba-womba ngu kuhoxota, se atiya ti tsanisilwe txitimwi ka otshe mafu.

Dhaniyeli 11:36

Se mfumeli wuwa a na maha madingano ni kuranda kwakwe, a na tiguleta, e tikulisa txitimwi ka sotshe sizimu; a na womba-womba wubihi ngu Txizimu txa sizimu, kambe a na humelela an'ze magwito ka kuhenya; nguko ti ti nga vekiswa ti na maheka.