Dhaniyeli 9:25 - Bhiblia Yo Sawuleka

²⁵ Tizive u pfisisa, kukhukhela kuhumani ka txileleto txa kutshumetela ni kuaketa Jerusalema kala ka Mesiya, Mthangeli, ku nava ni mtxhanu wa mavhiki ni mambidi, ni mtxhanu wa magumi ni dimwedo a mavhiki ni mavhiki mambidi, magondo ni madhoropa si na aketwa; kambe ngu mbimo ya xomulo.

Dhaniyeli 9:25 Referans Kwoze

Ezra 4:24

Se ku to ema kuakwa ka Nyumba ya Mkoma, a nga ti ti maneka Jerusalema, ku to ema kala ka dilembe da wumbidi da kufuma ka Dhariyo, mfumeli wa Persiya.

Johani 4:25

Wamsikati a to engeta a txi khene: “Na tiziva ti to wata Mesiya, awu a dhanwako ku i Kristu, se a di tile, Ene a nata hi gondisa totshe.”

Johani 1:41

Ene a thangile ngu mwanawe Simoni, a txi mu mana, se a txi mu gela ku khene: “Hi mmani Mesiya!” Ati ti wombako ku Kristu.

Isaya 55:4

Wonani taku ani ni m'vekile kuva fakazi ka vathu, kuva mthangeli ni mfumeli wa vathu.

Isaya 9:6

Nguko hi veleketwe mfana, hi ningilwe mwanana wa mfana; se wukoma wu txitimwi ka makata akwe; ditina dakwe a na dhanwa ku Didhota do Xamalisa, Txizimu txa Mtamo, Tate wa Mbimo Yotshe, Mkoma wa Kudikha.

Mika 5:2

Awe Bhetlehema wa Efrata, awe u ku wam'dotho hagari ka Judha, ku na huma ngu kwako awu a no va Mfumeli wa Israyeli, eyo makhato akwe i ku a kukhukhela kale, kukhukhela ka masiku a kaleko.

Dhaniyeli 9:23

Kukhatani ka mikombelo yako, ku humile txileletelo txi ani ni telako ku ta ku gela, nguko wa randeka ngutu; ngu toneto, xiyisisa kha kwati dipswi, u pfisisa txiwoniso.

Dhaniyeli 8:25

Se ngu wuzivi wakwe kambe, a na humelelisa wukanganyisi manza kwakwe, se mbiluni kwakwe a na tikulisa, ngu mhaka ya kuthutha a na lovisa votala e wukela mthangeli wa vathangeli, kambe a na funywa na i si nga ngu diwoko da m'thu.

Nehemiya 6:15

Sekoko diguma di to guma ngu ditshiku da magumi mambidi ni mtxhanu, ka mtxima wa Eluli, ngu mtxhanu wa magumi a masiku ni mambidi.

Nehemiya 4:8

Votshe vava, va to patana ve wukela Jerusalema, ni kuwusa vhilinganya.

Nehemiya 3:1

Eliyasibhe, mphaxeli wa hombe, a to khukha ni vanawe, i ku vaphaxeli kulowe, veya aka Txike txa Sifuyo, atxi va nga txi tsanisa, ve guleta ni matimba a txona; va to aka diguma an'ze ka Txitezi txa Meya, ve di tsanisa kala ka Txitezi txa Hananeli.

Mtuletelo 19:16

Kubhatwe ditina ha nguwoni kwakwe ni ha nyongani kwakwe: “Mfumeli wa vafumeli, Mkoma wa vakoma!”

Mtuletelo 1:5

ni ka Jesu Kristu i ku fakazi ya kuthembeka, matiwula ya vafi, Mkoma wa votshe vafumeli va mafu. Kwakwe, ene a hi randako, ene a nga hi kuwula sionho sathu ngu mnoha wakwe,

Mithumo 5:31

Txizimu txi mu guletile ngu dianza da txona da txinene txi txi mu maha Mkoma ni Muhanyisi, kasi ku ta tulela Israyeli nzila ya kuhunduluka, ni kudivalelwa ka sionho.

Mithumo 3:15

mi txi dayisisa mningi wa wutomi. Txizimu txi mwusile ngu ka vakufa; athu hi tifakazi ta eyo mhaka.

Marku 13:14

“Ngako mi txi wona manyala a kuthisa ma di zumbile ahawa ku si faneliko (awu a gondako a na pfisise), ka yoneyo mbimo, ava va ku Judheya va na tutumele mimangoni.

Matewu 24:15

“Ngu konaho, mbimo yi mi no wona manyala a kuthisa, ma nga songolela kuwombwa ngu mprofeti Dhaniyeli ma di talete wukhalo wo sawuleka, (awu a gondako a na ti pfisise!)

Dhaniyeli 8:11

Se li li to ti tikulisa kala ka mthangeli wa dibutho; li mu tekela mphaxo wo hiswa wa ditshiku ni ditshiku, li wisa hahatshi wukhalo wakwe wo sawuleka.

Masalmo 71:10

Valala vangu va womba-womba ngu ku ni wukela; avale va lavako ku ni daya va langana txikungo,

Ezra 7:8

Sekoko ka mtxima wa wutxhanu, a tile Jerusalema, na i di dilembe da wutxhanu ni mambidi da mfumeliyo;

Ezra 7:1

Se ti di pindile totsheto, ka mbimo ya kufuma ka Aritasasta, mfumeli wa Persiya, Ezra mwana Seraya, mwana Azariya, mwana Hilikiya,

2 Samuwele 15:25

Sekoko mfumeli a to khene ka Zadhoki: Tshumeta dibhokiso da Txizimu didhoropani; kambe ni txi na mana mathomo masoni ka Mkoma, a na ni tshumetela eya ni komba dona ni nyumba ya dona.

Vaefesu 5:16

londolani mbimo yi mi ku nayo, nguko masiku a ngweno ma bihile.

Mithumo 8:30

Se Filipi a to tutuma eya koneho, ngako a txi engisa Muetiyopiya a txi gonda dibhuku da mprofeti Isaya, a to khene kwakwe: “Wa ti pfisisa ti u gondako kani?”

Matewu 13:23

Ani wule a nga amukela mbewu ka mafu amanene, ngu wule a engisako dipswi, e di veketa; eyo ngene a velekako mihando, ahawa a txi veleka dizana, ahawa mtxhanu wa magumi ni dimwedo, ahawa makumararu.”

Nehemiya 4:2

Se a to womba masoni ka vanawe, ni ka dibutho da yimbi da Samariya, a txi khene: Va maha txani Vajudha va vo pwata mtamo kani? Va nga tumelelwa tona eto kani? Va na maha mhamba kani? Ina va heta kuaka ngu ditshiku dimwedo kani? Ina va na wusa amu ka simbwindinga sa lithulu, marigwi ale ma nga hiswa kani?

Ekleziyaste 3:3

mbimo ya kudaya, ni mbimo ya kuhanyisa; mbimo ya kuhaxula, ni mbimo ya kuaka;

Mika 5:1

Konkuwa zumba ngu mabutho, awe dihorana da mabutho; nguko hi na randelwa; va na balisa txiletu txa mlamuli wa Israyeli ngu ndonga.