Dhaniyeli 9:24 - Bhiblia Yo Sawuleka

²⁴ Mtxhanu wa magumi ni mambidi a mavhiki ma emisetwe txitimwi ka vathu vako ni txitimwi ka didhoropa dako do sawuleka, kasi kufuvisa wuhambunyeti ni kuheta sionho, ni kubasisa wubihi, ni kutisa kululama ko mbi na magwito, ni kutsanisa txiwoniso ni txiprofeto, ni kutota Msawuleki wa vasawuleki.

Dhaniyeli 9:24 Referans Kwoze

Varoma 5:10

Kha ditshuri, hambiko hi nga ti valala, hi mani kutshanganiswa ni Txizimu, ngu mhaka ya kufa ka Mwanana wa txona; se ngutu-ngutu aku hi nga tshanganiswa, hi na hanyiswa ngu wutomi wakwe.

Isaya 61:1

Moya wa Mkoma Txizimu, wu txitimwi kwangu, nguko Mkoma a ni totile, kasi kuya txhumayela mahungu amanene ka sisiwana, a ni rumete kuya tirula vale va ku ni kuxaniseka mbiluni, ni kuya nuwela mhaka ya kuthukunyulwa ka va vo sungwa, ni kutulelwa ka vale vo ñolwa;

Mitengo 14:34

Nga ha mi nga heta mune wa magumi a masiku ngu kuxola ditiko, konkuwa mi na heta kambe mune wa magumi a malembe; nguko dilembe dimwedo di dingana ditshiku, kasi mi tiziva tito, kuhambana kwangu ni nanu nga kutxani!

Levhi 25:8

U na bala mtxhanu wa mavhiki ni mambidi a malembe, i ku mtxhanu wa malembe ni mambidi a ku wuyeletwa mtxhanu ni kumbidi, se ku ma pata otshe ma dinganako mtengo wa mune wa magumi ni mtxhanu ni mune wa malembe.

Mithumo 3:22

Mosi a wombile, a txi khene: ‘Mkoma, Txizimu txanu, a na mi humisela, hagari ka vananu, mprofeti wu a fanako ni nani, mi na mu engisa ka totshe ti a mi gelako tona;

Isaya 56:1

Mkoma a womba tiya: “Xayisani wulamulo, mi maha kululama, nguko kuhanyisa kwangu ku hafuhi ni kuta, ni kululama kwangu ku na ti wonekiswa.”

Isaya 51:6

Guletani maso mi wona nzumani, mi wona ni mafu hahatshi, nguko nzuma yi na mwalala nga wutshi, ni mafu ma na sakala nga txyambalo, ni va va zumabako ka ona va na fisa ku nga titshuna; aniko kuhanyisa kwangu ku na zumba kala kupinduka, ni kululama kwangu kha ku na mbi funywa.

Masalmo 2:6

“Ngani ni nga fumisa mfumeli wangu txitimwi ka wukhalo wangu wo sawuleka, mmango wangu wa Siyoni.”

Isaya 51:8

Nguko sumba yi na va sakata nga syambalo, kambe va na dyiwa ngu timbungu kufana ni matoya; aniko kululama kwangu ku na zumba kala kupinduka, ni kuhanyisa kwangu ka liveleko ni liveleko.

Masalmo 45:7

Awe u fanete kuranda kululama, u txi nyenya wubihi; ngu mhaka yeto, Txizimu, Txizimu txako, txi ku sawulete toneto hagari ka majaha kuloni txi kusawulekisa ngu mafura kasi ku kumaha mfumeli.

Mtuletelo 14:6

Ni to wona yimwani ngelozi yi nga ti puruma hagari ka mpfhuka, yi di ni Evhangeli yo mbi na makhato ni magwito, kasiku yi huwelela ka vaaki va ha mafuni, ni yotshe mifumo, totshe tixaka, totshe tidimi ni votshe vathu.

Vahebheru 2:17

Ngu toneto, ti ti fanete ku e fananiswa ka totshe ni vanawe, kasiku, masoni ka Txizimu e va mphaxeli wa hombe, wa kutala ngu wumbilu ni kuthembeka, ti to e sikota kudihela sionho sa vathu.

Ezekhiyele 4:6

Se u di mahile tiya, u na otela kambe ngu didhawa dako da txinene, u rwala txionho txa ka Judha, amu ka mune wa magumi a masiku; ni ku ningile ditshiku dimwedo ka dilembe ni dilembe.

Mtuletelo 3:7

Ka ngelozi ya Dibanza da Filadhelfiya, bhala u txi khawe: “A womba tiya msawuleki, awu wa Ditshuri, awu a ku ni khiya ya Dhavhidha, awu a tulako, ku si maneki ni wammweyo wo seka, awu a sekako, ku si maneki ni wammweyo wo tula.

Vahebheru 9:26

Idiku a to mahisa toneto Kristu a ndi na fanekela kuxaniseka sikhati sasingi kukhukhela makhatoni ka kuvangwa ditiko; aniko a humelete kumweko dwe, kuhetisekani ka timbimo, a ta fuvisa txionho ngu mhamba ya mmidi wakwe wupune.

1 Vakorinto 1:30

Txona ngu txona txi nga hi tshanganisa kumweko ni Jesu Kristu, awule a nga ti maha wutxhari wathu wa kuta ngu ka Txizimu, ni kululama kwathu ni kusawulekiswa kwathu ni kutirulwa kwathu;

Johani 3:34

Awu a nga rumwa ngu Txizimu a womba-womba mapswi a Txizimu, nguko ngu txona txi nga mninga Moya i si nga ngu mpimo.

2 Makronika 29:24

Se vaphaxeli va to daya tiphongo ve teka mnoha wa tona va txi miyatela txitimwi ka txiluvelo ve maha mhamba yo thavisa sionho sa votshe va ka Israyeli, nguko mfumeli a to leleta to kumahwa mningelo wa hiswa ni kumaha mhamba yo thavisa sionho sa votshe va ka Israyeli.

1 Johani 3:8

Awule a mahako txionho mbwa Sathani nguko Sathani, njionhi kukhukhela makhatoni. Mwanana wa Txizimu a ti wonekisile, kasi ku ta fuvisa mithumo ya Sathani.

2 Pedro 1:1

Ani Simoni Pedro, txithumi ni mpostoli wa Jesu Kristu, ni bhalela vale va nga amukela likholo la lisima kufana ni lathu, ngu kululama ka Txizimu, ni Muhanyisi wathu Jesu Kristu.

Vahebheru 10:14

Kha ditshuri, ngu mhamba yimweyo dwe, ene a va ningile kusawuleka ko hetiseka, vona vathu vava a va sawulekisako.

Vahebheru 7:26

Kha ditshuri, ngene mphaxeli wa hombe wu a hi fanelako: Wa kusawuleka, a si nga ni mnandu, wa kubasa mbilu, wa kuhambana ni vaonhi, wa kuguletwa txitimwi ka tinzuma.

Vakolosa 2:14

txi pfhutile mibhalo ya dipapilo da minandu yathu, adi di nga ti bhaletwe ku hi mangalela masoni ka mlayo; di fuvisilwe dipapilodo ngu ku di bethela ha txihambanoni.

Vakolosa 1:20

ti txi tsakisile kambe Txizimu ti to kwakwe Kristu, sotshe simaha si txi mana kupfana, a txi si ninga kuthutha ngu mtamo wa txihambano txakwe, hambi sa ha mafuni, mwendo sa nzumani.

Mithumo 3:14

Mi lambile Msawuleki ni Mlulami, mi tamarisa mi txi kombela kuthukunyulwa ka txigevenga,

Johani 1:41

Ene a thangile ngu mwanawe Simoni, a txi mu mana, se a txi mu gela ku khene: “Hi mmani Mesiya!” Ati ti wombako ku Kristu.

Luka 1:35

Se ngelozi yi to mu angula tiya: “Moya wo Sawuleka wu na txhika txitimwi kwako, se mtamo wa Nyatxitimwi wu na kufenengeta ngu mtsudi wakwe. Ngu toneto, Msawuleki wu a no velekwa a na dhanwa ku Mwanana wa Txizimu.

Marku 1:24

“Nji txani u ku natxo ni nathu, Jesu wa Nazareta kani? U tela ku ta hi lovisa kani? Ani na kuziva ti to ngawe mani: U Msawuleki wa Txizimu.”

Matewu 11:13

Nguko vaprofeti votshe ni Mlayo va to profeta kala Johani eta.

Matewu 1:21

a na veleka mwanana wa m'zambi, awu u no m'raya ditina daku i Jesu, nguko Ene a na hanyisa ngamu yakwe ka sionho sawe.”

Ezekhiyele 28:12

Awe mwanana wa m'thu, wusa txidilo txitimwi ka mfumeli wa Tiro, u txi m'gela ku khawe: Mkoma Txizimu a khene: Awe mfumeli u lipimo lo hetiseka, wo tala ngu wutxhari ni kutshura ko hetiseka.

Sidilo 4:22

Anu vanana va Siyoni, kupekwa kwanu ku gumile Mkoma kha na mbi ngadi a txi mi yisa wukhumbini. Kasi anu vanana va Edhomi, a ngadi a txi na mi pekela sionho sanu a txi humisa minandu yanu hakubasani.

Levhi 8:15

Se Mosi a to wila thamo ya txirolyana; e nakanisa litiho mu ka mnoha, se e totela ngu wona ka madhawa a txiluvelo, ngu kurendelekisa, kasi kusawulekisa txiluvelo. Mnoha wu wu nga sala, a to wu thela hafuhi ka txiluvelo, e txi sawulekisa, ti to mhamba yo kuwula txionho yi txi mahelwa konaho.

Vafilipiya 3:9

se ni maneka ni di kwakwe, na i si nga ngu mhaka ya kululama kwangu, kutako ngu ka mlayo, aniko ngu mhaka ya kululama ku kuhumako ngu ka likholo ka Kristu; kululama kuwa kutako ngu ka Txizimu akuwa ku tsaniswako ngu likholo.

Matewu 4:5

Sathani a mu tekile e tsula nayo Didhoropani ko Sawuleka, a txi ya mu veka txiroroni ka Dithepele;

Luka 21:22

nguko masikuyo masiku a kupharela, kasiku totshe ti ti nga bhalwa ti hetiseka.

Mithumo 4:26

Vafumeli va mafu va xomile ni tinduna ti buthanile, kasi kulwa ni Mkoma ni Kristu wakwe.’ ”

Ezekhiyele 4:5

Nguko ni vekile malembe a kuonha kwawe, o dingana ni 390 wa masiku; se u na rwala txionho txa nyumba ya ka Israyeli.

Zakariya 4:14

Sekoko ene a to khene kambe: Avava ngu vale vavambidi va nga totwa, va ku masoni ka Mkoma wa otshe mafu.

Isaya 42:4

Kha na mbi pwateka, kambe kha na hambi funywa, kala kuza e veka wululamo ha mafuni. Se sitondolo si na vereka mlayo wakwe.