Dhaniyeli 9:21 - Bhiblia Yo Sawuleka

²¹ ni txi ngadi ni womba-womba mkombeloni, wamwamna Gabriyele, awule ni nga mu wona amu ka txiwoniso txangu do khata, a tota a txi puruma ngu kukuluveta, e ta ni gwesa ngu mbimo ya mphaxo wa minova.

Dhaniyeli 9:21 Referans Kwoze

Luka 1:19

Ngelozi yi xamute yi txi kha yona: “Ani ngani Gabriyele, wule a emako masoni ka Txizimu, ni rumetwe ku ta womba-womba ni nawe ni ku ta ku xawutela mahungu awa amanene.

Dhaniyeli 8:16

Se ni to pfa dipswi da m'thu mabambe ka mnambo wa Ulayi, di nga kwangula di txi kha dona: Gabriyele, txhamusela ka m'thu wuwa txiwoniso.

Dhaniyeli 10:16

Se tximwetxo txo fana ni vanana va vathu txi to gwesa txisofu txangu, sekoko ni to tula txisofu txangu ni womba-womba, ni txi khani ka wule a nga ti ti masoni kwangu: Nyamne wangu, ngu mhaka ya txiwoniso, ni pandisekile, ha koza ni guma ni mtamo.

1 Vafumeli 18:36

Ku to maheka koko a ti to ku txi ningelwa mningelo wa sakudya, mprofeti Elija a to tshuketa, a txi ta khene: Mkoma, Tixizimu txa Abrahama, txa Isaake ni Israyeli, ti kombekisi nyamsi ti to awe u Txizimu amuwa Israyeli, ni ti taku ani ni txithumi txako, niku ni mahile totshe ti u nga leleta ngu dipswi dako.

Vahebheru 1:14

Ina tingelozi totshe hi nga mimoya yi yi thumako mithumo, ayi yi nga rumelwa kuthumela avale va fanelako kuamukela thomba ya kuhanyiswa, kani?

Mithumo 10:3

Ka ditshiku dokari a to wona txiwoniso ngu txikhati txo lava kuva txa wutxhanu ni mune; a to wona ta tinene Ngelozi ya Txizimu, yi txi mu tela, yi ta mu gela, yi txi kha yona: “Korneliyo!”

Dhaniyeli 10:18

Se tximwetxo txo fana ni m'thu txi to ni gwesa txisofu da wumbidi, txi ni tsanisa.

Dhaniyeli 8:18

Se a txi nga txi womba-womba ni nani, ni to wa hahatshi ngu khohe yangu, ni tsivala; ene koko a to ni ñola e ni emisa.

Isaya 6:2

Txitimwi kwakwe ku ti emile maserafima; dimwani ni dimwani di ti ti ni mtxhanu wa tibhapi ni limwelo: Ngu timbidi ma to fenengeta tikhohe ta ona, ngu tibimdi me fenengeta mikondo, se ngu timbidi me puruma ngu tona.

Masalmo 103:20

Dhumisani Mkoma, anu tingelozi takwe, anu sirumwa sakwe sa mtamo, anu mi londetako sileleto sakwe ni ku mu engisa.

Eksodha 29:39

U na ningela txihambana tximwetxo ni mixo, ni minova u na ningela tximwani txihambana.

Vahebheru 1:7

Se ngako Txizimu txi txi womba ngu tingelozi, txi ti kha txona: “Txizimu txi mahile tingelozi ta txona kota mimoya, ani sithumi sa txona, txi si mahile midhikila ya mndilo.”

Mithumo 12:7

Kunukunuko Ngelozi ya Mkoma yi to woneka, se kukhanya ku txi woninga nyumbani. Se ngelozi yi to gwesa Pedro, ha didhawa, yi mu wusa yi txi kha yona: “Kuluveta u txi khukha!” Se titxhini ti nje kuwa ngu manzani kwakwe.

Mithumo 10:9

Mangwanani ka kona, ngako va di ngadi hanzila, na va di hafuhi ni didhoropa, Pedro a to kwela txitimwi ka nyumba eya khongela kona; kutilava kuva txikhati txa dhina.

Mithumo 3:1

Pedro ni Johani va to kwela veya Dithepeleni kuya maha mkombelo ngu txikhati txa wuraru txa minova.

Matewu 27:46

Kambe ngu txikhati txa wutxhanu ni mune, Jesu a to kwangula ngu dipswi da hombe, a txi khene: “Eli, Eli, lama sabaktani, kani?” Ati ti wombako ku: “Txizimu txangu, Txizimu txangu, u ni lekete txani kani?”

Dhaniyeli 10:10

Wonani, dianza di to ni gwesa, di ni khizamisa ngu mazola angu di ni tsanisa ngu manza angu.

Ezekhiyele 1:14

Se sihari si ti tutuma, si tshumela si wuya, kufana ni tinyangafula.

Ezekhiyele 1:11

Se tikhohe ta sona ni tibhapi ta sona ti abanete txitimwi; tximwetxo ni tximwetxo txi ti ti ni tibhapi timbidi to patana ka timwani, se timbidi ti txi fenengeta mimidi ya sona.

Masalmo 104:4

Maphuho u ma mahile sirumwa sako ani tinyangafula ngu tona i ku sirumwa sako.

Luka 1:26

Se ka mtxima wa wutxhanu ni wumwewo wa txirumbu txa Izabheli, yi rumetwe ngelozi Gabrieli ngu Txizimu ka didhoropa da Galileya, adiya di dhanwako ku i Nazareta;

Mtuletelo 9:17

Amu ka txiwoniso txangu, ntengo wa mahantxhi ni vagadhi va ona, ni si wonisile tiya: Va ti ambate sikatawu so vhika ngu sona, so bhilivila nga mndilo, ni nkuxe nga jakinta ni halandi nga txivavula, misungo ya mahantxhi yi ti fana ni ya tingonyamo, se ngu mkanani ka ona ku txi huma mndilo ni wutshi ni txivavula.

Masalmo 141:2

Mkombelo wangu wu na fane ni dibaselo di di hiswako masoni kwako ni kuguletwa ka manza angu ku na fane ni mhamba ya minova.

Ezekhiyele 14:14

hambi va ti ko vaho hagari ka ditiko vavamna vava vavararu i ku Nowa, Dhaniyele ni Jobe, vona ngu kululama kwawe, va ndi na hulukisa mihefemulo yawe dwe, kuwomba Mkoma Txizimu.

1 Vafumeli 18:29

Se ku to maheka a ti to ku di pindile hagari ka mitshikari, va to profeta, kala kuza mphaxo wa sakudya wu txi ningelwa; hambiketo kha ka pfala dipswi hambi xamulo, ni kwa mbi khatala ngu txilo.