Dhaniyeli 9:2 - Bhiblia Yo Sawuleka

² Ka dilembe do khata da kufuma kwakwe, ani Dhaniyeli, ni to pfisisa ngu mu ka mabhuku, ti taku mtengo wa malembe ale Mkoma a nga khene ka mprofeti Jeremiya, Jerusalema ku na xaselwa mndani ka mtxhanu wa magumi ni mambidi a malembe.

Dhaniyeli 9:2 Referans Kwoze

Jeremiya 29:10

Nguko, Mkoma a khene: Aha ku no pinda mtxhanu wa magumi ni mambidi a malembe Bhabhilona, ni na mi alakanya, ni txi mi mahela ta tinene, ni txi mi wuyisa ka wuwa wukhalo.

2 Makronika 36:21

kasiku txi na tatiseka dipswi di Mkoma, a di womba ngu txisofu txa mprofeti Jeremiya, kala ku ditiko di txi titsakela ngu Masabbata a dona; di humula mbimo yotshe, kala mu ka mtxhanu wa magumi ni mambidi wa malembe.

Mtuletelo 1:3

A katekile awule a gondako ni vale va engisako dipswi da txiprofeto txiya, ngako va txi vekisa ati ti nga bhalwa, nguko mbimo yi hafuhi.

Zakariya 7:5

Gela votshe vathu va ditiko diya, ni votshe vaphaxeli, u txi khawe: Mbimo yile mi nga ti tona, ni kudila, ka mtxima wa wutxhanu ni wa wutxhanu ni yimbidi, mndani ka malembe awa a mtxhanu wa magumi ni magumi mambidi, ina anu mi ti tonete ani, ngu ditshuri mi ti tonete ani kani?

Ezra 1:1

Ka dilembe do khata da Siro, mfumeli wa Persiya (kuva di txi na tatiseka dipswi da Mkoma ngu txisofu txa Jeremiya), Mkoma a to wusa moya wa Siro, mfumeli wa Persiya, a nga kwangula ka dotshe ditiko dakwe, kumweko ni kubhala, a txi khene:

Mika 3:12

Sekoko, ngu mhaka yanu, Siyoni a na dimwa nga thembwe, Jerusalema a na maha mmumbu wa marigwi, se mmango wa nyumba yiya, wu na va makhalo o guleka a txitinga.

Jeremiya 27:7

Otshe matiko ma na mthumela, ene ni mwanana wakwe ni mtukulu wakwe, kala ku txi hoka mbimo ya ditiko dakwe, ngu msana keto nene a na khoziswa, ngu matiko amangi ni vafumeli va hombe.

Jeremiya 25:18

I Jerusalema ni madhoropa a ka Judha, ni vafumeli va kona ni tinduna tawe, ti taku si txi maha marumbi, ni txidiwukiso, ni txiruko, nga ti ma ku ngu tona nyamsi.

Jeremiya 7:34

Madhoropani ka Judha, ni mu magondoni ka Jerusalema, ni na malata dipswi da kuzumbiseka, ni dipswi da litsako, ni dipswi da mteki, ni dipswi da mtekiwa; nguko ditiko di na maha dirumbi.

Isaya 64:10

Madhoropa ako o sawuleka ma mahile txiwula; Siyoni a mahile txiwula, Jerusalema a xasetwe.

1 Timoti 4:13

Na u txi verela kubwaka kwangu, ti ningetele amu ka kugonda dibhuku, amu ka kulaya, amu ka kugondisa.

Mithumo 8:34

Se nduna yile ya mthenwa yi to kha yona ka Filipi: “Hi ngani gela, mprofeti a womba mani ngu mapswi awa kani? A ti ko ti womba ene apune mwendo a ti ti womba mmwani kani?”

Marku 13:14

“Ngako mi txi wona manyala a kuthisa ma di zumbile ahawa ku si faneliko (awu a gondako a na pfisise), ka yoneyo mbimo, ava va ku Judheya va na tutumele mimangoni.

Matewu 24:15

“Ngu konaho, mbimo yi mi no wona manyala a kuthisa, ma nga songolela kuwombwa ngu mprofeti Dhaniyeli ma di talete wukhalo wo sawuleka, (awu a gondako a na ti pfisise!)

Sidilo 1:1

Hi nga wonani txiwunda txa didhoropa dileya, adiya kale di nga ti ti ni vathu votala! Se konkuwa di hundukile nga noni adi i nga ti da hombe hagari ka matiko; ni mfumeli wa txisikati ka sidhoropana, di hundukile di txi maha m'dihi wa resa.

Jeremiya 26:6

ani ni na maha ti to nyumba yiya yi txi nga Silo, ni didhoropa diya ni na di maha txiruko ka totshe tihunzu ta mafu.

Masalmo 119:24

Milayo yako ya ni tsakisa, ngu yona yi ni ningako wusungukati.

Jeremiya 26:18

Mika a to profeta, ka masiku a Ezekhiya, mfumeli wa ka Judha, e gela votshe vathu va ka Judha, a txi khene: Mkoma wa Mabutho a Tiyimbi a khene: “Siyoni ku na dimwa nga thembwe. Ni Jerusalema ku na maha mmumbu wa marigwi; ni ku kuguleka ka dithepele ku nava mmango wa txitinga.”

Jeremiya 1:1

Dipswi da Jeremiya, mwana Hilikiya, mmweyo wa vaphaxeli va nga ti ti Anatote, ditikoni ka Bhenjamini.

Dhaniyeli 9:3

Se ni to rendekelisa khohe yangu ka Mkoma Txizimu, kasiku ni txi mlava ngu mikombelo ni mikhongelo, ni ti tona sakudya, ni ambala nguwo ya disaka, ni ku ti theletela dikhuma.

Zakariya 1:12

Sekoko, Ngelozi ya Mkoma yi to xamula yi txi kha yona: Awe Mkoma wa Mabutho a Tiyimbi, khu na mbi pfela wumbilu Jerusalema ni madhoropa a ka Judha, kala ka yihi mbimo, awa u nga ma henyela ka malembe awa a mtxhanu wa magumi ni magumi mambidi kani?

Ezekhiyele 29:11

Kha ku na mbi pinda mkondo wa m'thu ngu ka dona, hambi mkondo wa txihari kha wu na mbi pinda ngu ka dona, kha ku na mbi va ni vo zumba amu ka mune wa magumi a malembe.