Dhaniyeli 9:18 - Bhiblia Yo Sawuleka

¹⁸ Awe Txizimu txangu, namisa tinzeve tako u engisa; tula maso ako u wona marumbi athu, ni didhoropa di di dhanwako ngu ditina dako, nguko kha hi ya tisa kudila kwathu masoni kwako, ngu kululama kwathu, kambe ngu mhaka ya wumbilu wako wo tala.

Dhaniyeli 9:18 Referans Kwoze

Isaya 37:17

Namisa nzeve yako awe Mkoma, u engisa; tula maso Mkoma u wona; kambe pfana otshe mapswi a Senakeribhe, ale a nga ma rumela ku ta sola Txizimu txa kuhanya.

Jeremiya 36:7

Mwendo va na khongela masoni ka Mkoma, se ve hunduluka mmwani ni mmwani ka nzila yakwe yo biha, nguko kuhenya ni txiviti txa Mkoma nza hombe, asi a wukelako ngu sona vathu vava.

Jeremiya 25:29

Nguko hi nga wonani didhoropa di di dhanwako ngu ditina dangu, na khata ku di tsayisa; ina anu mi na lekwa mi si tsayiswi kani? Kha mi na mbi divalelwa, nguko ni na xomisa ditxhari, di na peka votshe vazumbi mafuni, kuwomba Mkoma wa Mabutho a Tiyimbi.

2 Vafumeli 19:16

Namisa nzeve yako Mkoma, u engisa; tula maso ako Mkoma u wona: Hi nga pfa mapswi a Senakeribhe a nga ma rumela ku ta emisana ni Txizimu txa kuhanya.

Ezekhiyele 36:32

Kha ni mahi tiya ngu ku mi randa, kuwomba Mkoma Txizimu; ti woneni: Wanani tingana, ni kukanganyiswa ngu tinzila tanu, anu nyumba ya ka Israyeli.

Jeremiya 15:16

Timhaka tako ni ti mani, ngu tona i nga ti ti kudya kwangu; tona i ti ti litsako ni kuzilimuka ka mbilu yangu, nguko ni dhanwa ngu ditina dako, awe Mkoma, Txizimu txa Mabutho a Tiyimbi.

Jeremiya 14:7

Hambi ngako sionho sathu si txi hi xowokisa, awe Mkoma hi vhune ngu mhaka ya ditina dako. Nguko hi tiwukile kakungi, hi txi kuonhela.

1 Vakorinto 1:2

ka Dibanza da Txizimu, adi di ku Korinto, ka va va nga sawulekiswa ngu Kristu Jesu, ava va nga dhanelwa ku ta maha vasawuleki kumweko ni votshe va va khongelako, hani ni hani, ngu ditina da Mkoma Jesu Kristu, i ku Mkoma wawe ni wathu.

Jeremiya 37:20

Sekoko mfumeli, nyamne wangu, pfana txikombelo txangu, u nga ni tshumetele nyumbani ka Jonatani mabhalani, ni nga fela kona.

Jeremiya 14:9

Ngu kutxani u txi nga u m'thu wo dhukiswa, nga ndena yile yi si sikotiko kuhanyisa kani? Kuve awe waho hagari kwathu, awe Mkoma, hi dhanwa ngu ditina dako; u nga hi leke!

Isaya 64:6

Kambe athu hotshethu hi fana ni m'thu wa kwa mbi basa, kotshe kululama kwathu kufana ni txigwanda txa nzambwa; se athu hotshethu ha mora kufana ni mazokoro, ni minandu yathu ya hi handa kufana ni moya.

1 Vafumeli 8:29

Kasi ku maso ako me wonelela txitimwi ka nyumba yiya wusiku ni mitshikari, txitimwi ka wukhalo wuwa, aha u nga womba ngu yona ku khawe: Ditina dangu di nave hale; kasi u engisa mkombelo wu txithumi txako txi no maha ka wukhalo wuwa.

Eksodha 3:7

Se Mkoma a to khene: “Ni woni kuxupheka ka ngamu yangu, ayi yi ku ditikoni ka Egipta, ni engisile kudila kwawe ngu mhaka ya vaxuphi vawe; nguko ani na ziva kupandiseka kwawe.

Isaya 64:12

Ina u ndi na simama u ti ñola awe, txitimwi ka yotshe xomulo yiya, awe Mkoma, kani? U ndi na malala, u hi xanisa kani?

Masalmo 116:1

Na mranda Mkoma, nguko a engisile dipswi da mkombelo wangu.

Dhaniyeli 9:7

Kulamula kulumba awe Mkoma, aniko kwathu ndingana ti wonekako nyamsi, tikhoheni kwathu; ka vavamna va ka Judha, ni vaaki va Jerusalema, ni dotshe ditiko da ka Israyeli; ka va hafuhi, ni ka va kule, ka otshe matiko ale u nga va hangalasa ka ona, ngu mhaka ya wuhambunyeti wawe, wule va nga kuhambunyeta ngu wona, ngu ku kuwukela.

Mitengo 6:27

Ngu kumaha keto, ditina dangu, di na va txitimwi ka vanana va ka Israyeli, se ani ni na va katekisa.

Masalmo 25:6

Mkoma, khumbula wunene wako, ni wumbilu wako nguko i kale u txi hi mahela toneto.

Isaya 43:7

ka votshe vale va dhanwako ngu ditina dangu, ni vale ni nga va wunja, kasi kuva wudhumo wangu; ani ni va wumbile, ina, ani ni va vangile.

Ezekhiyele 36:22

Womba koko ka nyumba ya ka Israyeli, u txi khawe: Mkoma Txizimu a khene; kha ni mahi tiya ngu mhaka yako, awe nyumba ya ka Israyeli, aniko ngu mhaka ya ditina dangu do sawuleka, adi u ngadi nyenyezisa hagari ka matiko ale u nga ya ka ona.