Dhaniyeli 9:13 - Bhiblia Yo Sawuleka

¹³ Dotshe dikhombo dile di hi wete madingano ni tile ti nga bhalwa Mlayoni ka Mosi; hambi keto, kha ha dila masoni ka Mkoma, Txizimu txathu, ngu kuleka sionho sathu, ni ti to hi xayisa wunene wako.

Dhaniyeli 9:13 Referans Kwoze

Dhaniyeli 9:11

Ina, votshe va ka Israyeli va ndakile milayo yako, va hambukile, va si engisi dipswi dako; ngu kumaha keto, txiruko, ni txixambanyo si si nga bhalwa ka Mlayo wa Mosi, txithumi txa Txizimu, si tshakunutilwe txitimwi kwathu; nguko hi kuonhete.

Jeremiya 2:30

Ni pekile walo vanana vanu, kha va tumela kukawukwa. Ditxhari danu di date vaprofeti vanu nga ngonyamo yi hasamulako.

Isaya 9:13

Hambi keto, vathu vava, kha va tshumelela ka wule a va lwisako, kha va lava Mkoma wa Mabutho a Tiyimbi.

Hoseya 7:10

Se kutikulisa ka Israyeli mbu fakazi masoni kwakwe; hambi keto, kha va na mbi tshumelela ka Mkoma, Txizimu txawe, hambi ku mlava ka totshe tiya.

Jeremiya 31:18

Ni pfite Efrayime atxi titsetsa, a txi khene: U ni tsayisile, ni txi kwapwa kufana ni txidhunana txa kwa mbi tolovela dikange, ni hunduluse, ni na hunduluka, nguko ngawe Mkoma, Txizimu txangu.

Jeremiya 5:3

O Mkoma, ina maso ako kha ma vereli tinene kani? Awe u va pekile, aniko kha vapfa kupanda. U va lovisile, aniko kha va tumela kulaywa. Va bangisile tikhohe tawe kupinda ni dirigwi Va lambile kuhunduluka.

Masalmo 119:27

Ni ninge mapimo a kulondeta sileleto sako, se ani ni na alakanya mithumo yako ya kuxamalisa.

Jobe 36:13

Se va timbilu to kanganyisa, va ti ndindela kuhenyelwa; txi txi va sunga, kha va na mbi kombela kulamulelwa.

Jakobe 1:5

Se ngako mmweyo wanu a txi pwata wutxhari a na wu kombele ka Txizimu, atxi txi ningako votshe vathu ngu wunene, na txi si feleli, a na ningwa.

Vaefesu 4:21

nguko timhaka takwe mi ti engisile, se akuwa mi ku vathu vakwe Jesu, mi gondisilwe ditshuri di di ku kwakwe,

Johani 10:35

Amu ka Mlayo va dhanwa ku i sizimu ava dipswi da Txizimu di nga rumelwa kwawe; se awalo wu a sikotako kufuvisa Mibhalo.

Johani 8:32

Mi na ziva ditshuri, se ditshuri di na mi khulula.”

Johani 6:45

Ti bhatwe ka mabhuku a vaprofeti, va txi kha vona: Votshe va na gondiswa ngu Txizimu. Wuhi ni wuhi a nga engisa Tate, a txi amukela sileleto sakwe, wata kwangu.

Luka 24:45

Sekoko a to va tula mapimo awe, kasiku ve mana kupfisisa Mibhalo;

Hoseya 7:14

Se kha va dila kwangu ngu timbilu tawe, kambe va txi keta va di hamatahoni kwawe; va tshanganete fulaho ni vhinya, aniko ani va ni tshuralete.

Hoseya 7:7

Votshe va hisa kufana ni txikho, kambe va heta valamuli vawe; votshe vafumeli wawe va wite, kha ku na ni wammweyo hagari kwawe a ni dhanako.

Sidilo 5:21

Awe Mkoma, hi wuyisele kwako, kasi ku hi txi tshumelela kwako ngu ditshuri, hi tshumetele ka txiemo txile hi nga ti ka txona kale.

Jeremiya 44:27

Sekoko ni na va pfisa kupanda na i si nga wunene; se votshe vathu va ka Judha va ku ditikoni ka Egipta va na hetwa ngu ditxhari ni nzala, veza votshe va txi bhi.

Isaya 64:7

Se kha ku na m'thu wu a dhanako ditina dako, wu a wukako e namarela kwako; nguko u hi sisete khohe yako, se u hi leka hi lova ngu mhaka ya wubihi wathu.

Isaya 42:9

Wona taku, timhaka ta kale ti pindile, na mi zivisa timhaka ta tiphya, na mi zivisa ti sanzi kuwoneka.

Masalmo 119:73

Ani u ni vangile, u txi ni wumba ngu manza ako; ni ninge mapimo, kasiku ni gonda sirumo sako!

Masalmo 119:18

Tula maso angu, kasiku ni wona sidiwukiso sa mlayo wako.

Masalmo 85:4

Hi wuyise kwako, Txizimu, muhanyisi wathu; u txi leka ku hi henyela!

Dhewuteronome 29:4

Aniko, kala ka ditshiku da nyamsi, Mkoma a ti sanzi ku mi ninga mbilu yo pimisa, ni maso o wona, ni tinzeve to engisa ati ta ku khene:

Isaya 31:1

Dikhombo ka vale va relelako Egipta kuya kombela kuvhunwa; kambe va thembako mahantxhi! Va ku ni themba ni sikotxikani, nguko i ku sasingi, ni vagadhi va mahantxhi, nguko mba mtamo ngutu; va singako ni mhaka ni Msawuleki wa ka Israyeli, kambe kha va lavi Mkoma.

2 Vafumeli 22:16

Mkoma a womba tiya: Ni na tisa dikhombo ka wuwa wukhalo, ni ka vale va zumbako ka wona, i ku otshe mapswi a dibhuku dile di nga gondwa ngu mfumeli wa ka Judha.

Isaya 43:22

Hambi keto, khwa ni dhana awe Jakobe, aniko u karate ngu ngani, awe Israyeli.

Isaya 64:6

Kambe athu hotshethu hi fana ni m'thu wa kwa mbi basa, kotshe kululama kwathu kufana ni txigwanda txa nzambwa; se athu hotshethu ha mora kufana ni mazokoro, ni minandu yathu ya hi handa kufana ni moya.

Jeremiya 30:14

Votshe va va kurandako va ku divate, kha va ku khataleli. Nguko ni ku dayisisile ku nga wo va mlala, ngu txitsayiso txa timbiti; ngu kukula ka wubihi wako, ni wungi wa sionho sako.

Jeremiya 44:23

Ti komba ku mi hisile dibaselo, mi onhete Mkoma, kambe kha ma thava dipswi da Mkoma, kha ma tsimbila ngu sileleto ni wufakazi wakwe, mi humeletwe ngu dikhombo diya, nga ti ti wonekisako tona ni ka diya ditshiku.

Ezekhiyele 16:43

Ngako u nga mbi alakanya masiku a wuhorana wako, u txi ni wusela kuhenya ngu totshe tiya, wona taku ni na kutshumetela madingano ni mithumo yako, kuwomba Mkoma Txizimu, kambe khu na mbi ngadi u maha to hambana, ta manyala.