Dhaniyeli 9:12 - Bhiblia Yo Sawuleka

¹² Se ene a to tsanisa dipswi dakwe, dile a ngadi womba kwathu, ni ka valamuli vathu vale va nga ti lamula, ngu kutisa dikhombo da hombe txitimwi kwathu; ngu kumaha keto, mhaka yile yi nga humelela Jerusalema, kha yi khali kumaheka hahatshi ka yotshe nzuma.

Dhaniyeli 9:12 Referans Kwoze

Ezekhiyele 5:9

Ni na maha kwako ati ni si ziviko kumaha, kambe ni no mbi ngadi ni ti maha, ngu mhaka ya manyala ako.

Sidilo 1:12

Kha ti pandisi tiya, kwanu motshenu mi pindako ngu nzila, kani? Emani, mi wonisisa, mwendo ku ni mpando wo nga wangu! Mkoma a nga ni tisela wona, ngu ditshiku da txiviti txa kupandiseka kwakwe.

Isaya 44:26

ngani ni tsanisako dipswi da txithumi txakwe, kambe na tatisa makungo a sirumwa sakwe, ni wombako ka Jerusalema, ni txi khani: Ku na akwa kwako, se ka madhoropa a ka Judha ni khani: Mi na aketwa, ni ti to ani ni na wusa marumbi anu;

Sidilo 2:17

Mkoma Txizimu a hetisile makungo akwe, a mahile ngu ha a nga womba ngu kona; a kha hindula makungo akwe a kale. A hasute, asi divaleli, a tsakisile valala ngu kuwa kwako a txi va engetela mtamo.

Sidilo 2:13

Awe Jerusalema, ni kuninga wufakazi wa txani kani? Ni nga kudinganisa ni mani awe mwanana wa dihorana wa Jerusalema kani? Ni nga kufananisa ni mani kasi ku kuthavelela awe wotuma wa Siyoni kani? Nguko txilonda txako nja hombe nga linene; i mani a no kukalamukisa kani?

Jobe 12:17

Txa teka madhota na ma di handilwe, ni valamuli txa va xangisa.

Varoma 15:8

Na womba ti to Kristu a ti mahile mthumeli wa sithiva sa Vajudha, kasi kukombisa ditshuri da Txizimu ni kutsanisa sithembiso si si nga mahwa ka vatate vathu;

Luka 21:22

nguko masikuyo masiku a kupharela, kasiku totshe ti ti nga bhalwa ti hetiseka.

Marku 13:19

Nguko ka oneyo masiku ku nava ni sixaniso sa hombe ngutu, saku kukhukhela makhatoni ka ditiko di Txizimu txi ngadi vanga kala konkuwa, kha si khali ku va ho, kambe kha si na mbi nga vaho.

Matewu 24:21

nguko, keyo mbimo, kuxaniseka ku nava i di ka hombe ngutu, kova ku si zivi kuwonwa, kukhukhela kukhatani ka ditiko kala nyamsi, akuwa kambe ku no mbi nga va ni kumaheka kambe.

Matewu 5:18

Nguko kha ditshuri na mi gela ku khani: Ku na za ku txi pinda nzuma ni mafu, na txima ku sa pfhutwa ni m'bhalo wawumwewo hambi ni txisesana txidotho txa Mlayo kala totshe ti txi tatiseka!

Zakariya 1:8

Ni wusiku ni woni wamwamna a di gadhile dihantxhi do bhilivila, di di emile hagari ka mindonga ya mimurta, yi nga ti ti ka mkova wa hombe; se msana kwakwe ku ti ti ni mahantxhi o bhilivila, ni o bhilivilisa kunzihala, ni o basa.

Zakariya 1:6

Hambi keto, mapswi angu ni sileleto sangu, asi ni nga rumela ngu vaprofeti, sithumi sangu, kha sa va hokela vatate vanu kani? Se vona va to tshumela va txi kha vona: Mkoma wa Mabutho a Tiyimbi a mahile ti a nga ti lava kwathu, madingano ni tinzila tathu, ni mithumo yathu, se ngutu ene a nga hi mahisa tona.

Amosi 3:2

Ka totshe timwaya ta ha mafuni, ni zivile anu dwe; ngu koneho, ni na mi endela ngu mhaka ya wotshe wubihi wanu.

Joyeli 2:2

ditshiku da txidema ni kupandiseka, da marefu ni txidema txo hangalaka; ku nga wuronga wo hangalaka txitimwi ka mimango, mbathu va hombe va mtamo ngutu, ava kukhukhela ka kale, kha va khali ku nga vaho, hambi msana kwawe kha va na mbi vaho ka malembe matako, ka liveleko ni liveleko.

Ezekhiyele 13:6

Va wona kwa mbi nyawula ni kuhutetela ta makuhu, vale va ku kha vona: Mkoma a wombile; na kuve Mkoma kha va ruma; ve maha tile to ku na verelwe kumaheka ka tile ti nga wombwa.

Sidilo 4:6

Nguko wubihi wa vathu va ka kwathu, mbwa hombe kupinda wa Sodhoma, i ku m'ti wu wu nga mwalatwa ngu mbimwanyana, i si nga ngu diwoko da m'thu aniko da Txizimu.

Mavingu 8:16

Vathangeli ni va nduma va fumiswa ngu ngani, ina, ni votshe valamuli va ha mafuni.

Masalmo 148:11

M'dhumiseni, anu vafumeli va ditiko ni nanu motshenu vathu; motshenu tinduna ni valamuli va mafuni;

Masalmo 2:10

Konkuwa koko anu vafumeli, txharihani; gondani, anu valamuli va vathu.

1 Vafumeli 3:9

Ninga mbilu yo ziva ka txithumi txako, kasi kulamula vathu vako, ni kuziva ngu ditshuri kuhambanisa hagari ka ta tinene ni to biha; nguko i mani a ndi no lamula vathu vako vo talisa tiya kani?

Jeremiya 30:7

Yowe! Ani sikwangu! Ditshiku diya da hombe, kha ku na dimwani do fana nado! Kambe i mbimo ya dikhombo ka Jakobe; hambi keto, ka dona, a na huluka.

Jeremiya 32:23

va tota ve ta di khozisa, aniko kha va engisa dipswi dako, hambi kutsimbila ngu mlayo wako; ni totshe ti u nga ti va layile ku ti maha, kha va ti maha; uza u txi va humisela otshe makhombo awa.

Jeremiya 39:16

Tsula u txi ya gela Ebhedhi-Meleki Muetiyopiya, u txi khawe: Mkoma wa Mabutho a Tiyimbi, Txizimu txa Israyeli, a khene: Ni na tsanisa timhaka tangu ka didhoropa diya ngu wubihi, na i si nga ngu kutshurisa; ti na maheka masoni kwako kedo ditshiku.

Jeremiya 44:23

Ti komba ku mi hisile dibaselo, mi onhete Mkoma, kambe kha ma thava dipswi da Mkoma, kha ma tsimbila ngu sileleto ni wufakazi wakwe, mi humeletwe ngu dikhombo diya, nga ti ti wonekisako tona ni ka diya ditshiku.

Dhaniyeli 12:1

Se ka mbimo yoneyo, ku na humelela Migeli, mthangeli wa hombe, a wuselwako vanana va ditiko dako, kambe ku nava ni mbimo ya kuxaniseka, ko mbi khala kuhumelela, kukhukhela ku nga va ni mfumo kala ka mbimo yile; aniko ka yoneyo mbimo, vathu vako va na hulukiswa, votshe vale va no maneka va di bhatwe amu ka dibhuku.

Zakariya 7:12

Ina, va bangisile timbilu tawe ti fana ni marigwi a dhayimani, kasi ku va si engisi mlayo, ni mapswi awa Mkoma wa Mabutho a Tiyimbi a nga ti ma rumete ngu Moya wakwe, a txi thuma nga vaprofeti vo khata, ngumo ku nga ta ngu kona kuhenya ka hombe ka Mkoma wa Mabutho a Tiyimbi.

2 Vafumeli 22:16

Mkoma a womba tiya: Ni na tisa dikhombo ka wuwa wukhalo, ni ka vale va zumbako ka wona, i ku otshe mapswi a dibhuku dile di nga gondwa ngu mfumeli wa ka Judha.

Isaya 43:28

Ngu mhaka yeto ni na nyenyezisa vahombe va wukhalo wo sawuleka, kambe ni maha ti to Jakobe e loviswa, ni Israyeli kuva e rukwa.