Dhaniyeli 8:8 - Bhiblia Yo Sawuleka

⁸ Aniko mabhongwe a to tikulisa ngutu ta tinene; kambe a di ngadi mtamoni kwakwe ka hombe, litxheho lile la hombe li to funywa; se kumila mune wa tona ka wukhalo wa lona, ta hombe ni tona, ti kula ti di rendekete ka mune wa mimoya ya nzumani.

Dhaniyeli 8:8 Referans Kwoze

Dhaniyeli 7:2

Dhaniyeli a to womba a txi khene: Ni to wona amu ka txiwoniso txangu txa ha wusiku, mune wa mimoya ya nzumani yi txi vhilusa mati a Linene la hombe.

Mtuletelo 7:1

Msana ka tiya, ni to wona mune wa tingelozi ti di emile ka mune wa makhona a mafu, ti di ñote maphuho a mune a mafu, kasi ku di si peki diphuho ha mafuni, ha lineneni mwendo ha mndongani.

Dhaniyeli 8:22

kufunywa ka litxheho, ni kumila ka mune wa titxheho ka wukhalo wa lona, ti txhamusela ku, ku na wuswa mune wa mifumo ya ditikoni kumweko, kambe i si nga ngu mtamo wa dona.

Dhaniyeli 8:5

Se ni txi ngadi ni yi wonisisa, ni to wona mabhongwe a txi ta ngu didhawa da mswa-ditambo, e tshawunyeta txitimwi ka dotshe ditiko, kambe asi kandi hahatshi; se mabhongwe wule a ti ni litxheho la hombe ngu hagari ka maso.

Dhaniyeli 5:20

Aniko mbimo yi mbilu yakwe yi nga tikulisa, e bangisa msungo wakwe ngu wugwile, a to thaviswa ha txituluni kwakwe ka wukoma, e tekelwa ni wudhumo wakwe.

2 Makronika 26:16

Mbimo yile Uziya a nga wona ti to wukoma wakwe wu tsani, mbilu yakwe yi to khata kutikulisa, e ndaka Mlayo wa Mkoma Txizimu txakwe, a to wulela Nyumbani ka Mkoma e hisa dibaselo ha txiluveloni ka dibaselo.

Marku 13:27

Ene a na rumela tingelozi takwe, ti txi tshanganisa votshe vale va nga sawulwa, va otshe madhawa a mune, kukhukhela magemeta-mitshi ka mafu kala magemeta-mitshi ka nzuma.”

Matewu 24:31

Ene a na rumela tingelozi takwe ngu kuvetwa ka mpundu wa hombe, kasi kuramba vasawuleki vakwe ngu ka otshe maphambo a mune, kukhukhela magemeta-mitshi ka nzuma kala kumwani magemeta-mitshi ka yona nzuma.”

Dhaniyeli 11:4

Aniko ngako ene a di ngadi emile, mfumo wakwe wu na hoxotwa wu abaniswa ngu mune wa mimoya ya nzumani; kambe kha wu na mbi ningelwa ka liveleko lakwe, hambi mtamo wa kona kha wu na mbi fana ni wakwe, nguko mfumo wakwe wu na honyolwa wu ningela ka vamwani.

Dhaniyeli 7:6

Msana keto, ni to simama ni wonetela, ni wona tximwani txihari txo fana ni yingwe, txi di ni mune wa tibhapi ta sinyana makatani ka txona; kambe txi ti ti ni mune wa misungo, se txi to ningwa kufuma.

Dhaniyeli 4:31

Mbimo yile mfumeli a nga ti womba-womba, ku to pfala dipswi ngu nzumani, di txi kha dona: “Awe mfumeli Nebhukodhonosori, wa ziviswa ti taku mfumo wu thavisilwe kwako.”

Ezekhiyele 28:9

Kambe u na khawe masoni ka wule a no kudaya: Ani ni Txizimu kani? Kuve awe u m'thu, khu nga Txizimu, manzani ka wule a ku dayako.

Ezekhiyele 16:7

Ni kumahile u anda nga similwa sa txitingani, u kute, u mahile wa hombe, kambe u tshurile ngutu; titshumbu tako ti kute, ni misisi yako yi kute; aniko u sa fenengetwa, u ti ti tximbwiri.

Jeremiya 5:27

Nga txikavila txo tala ngu sinyana, ngu toneto ni tinyumba tawe ti tate ngu wuviyaku. Ngu kota ya ku va nga tikulisa ni ku tifumisa,

Esteri 9:4

Nguko Mordhekayi i ti ti wa hombe nyumbani ka mfumeli, ni wudhumo wakwe wu pfate ka otshe matiko a hombe; nguko wamwamna wule Mordhekayi a ti ti ya masoni ngu kukula.

Dhewuteronome 31:20

Nguko mbimo yi ni no va hokisa ka ditiko dile di khulungako masi ni wulombe, adile ni nga thembisa ngu txixambanyo, ka vatate vawe, vona va na dya va txi khura, va na ena, kambe va na tshumelela ka simwani sizimu, va txi si khozela, va txi ni nyenya va txi hambunyeta txitumelelano txangu.

Jeremiya 49:36

Ni na tisa txitimwi ka Elame, mune wa mimoya ya mune wa makhona a nzuma, se ni na yi hangalasa yi londisa mimoya yiya yotshe; kambe kha di na mbi vaho ditiko di va no mbi tutumela ka dona va ka Elame.

Dhaniyeli 8:7

Se ni to wona mabhongwe a txi hoka hafuhi ka hamba, a di henyile ngutu; se a to dhina hamba e funya titxheho ta yona ta timbidi, kambe hamba yi si ngani mtamo wo emisana nayo; se mabhongwe a to wisa hamba hahatshi, e yi kandetela ngu sitsendo; kha kwa maneka ni wammweyo wo hulukisa hamba ka mabhongwe.