Dhaniyeli 8:5 - Bhiblia Yo Sawuleka

⁵ Se ni txi ngadi ni yi wonisisa, ni to wona mabhongwe a txi ta ngu didhawa da mswa-ditambo, e tshawunyeta txitimwi ka dotshe ditiko, kambe asi kandi hahatshi; se mabhongwe wule a ti ni litxheho la hombe ngu hagari ka maso.

Dhaniyeli 8:5 Referans Kwoze

Dhaniyeli 8:21

Aniko mabhongwe wa matoya ngutu i mfumeli wa Gresiya; se litxheho la hombe li li ku hagari ka maso akwe, mfumeli wo khata;

Dhaniyeli 11:3

Ngu msana, ku na humelela mfumeli wa ndena, wu a no fumela ngu mtamo wa hombe, na a txi maha kuranda kwakwe.

Dhaniyeli 8:8

Aniko mabhongwe a to tikulisa ngutu ta tinene; kambe a di ngadi mtamoni kwakwe ka hombe, litxheho lile la hombe li to funywa; se kumila mune wa tona ka wukhalo wa lona, ta hombe ni tona, ti kula ti di rendekete ka mune wa mimoya ya nzumani.

Dhaniyeli 7:6

Msana keto, ni to simama ni wonetela, ni wona tximwani txihari txo fana ni yingwe, txi di ni mune wa tibhapi ta sinyana makatani ka txona; kambe txi ti ti ni mune wa misungo, se txi to ningwa kufuma.

Dhaniyeli 2:39

Se msana kwako, ku na wuka wumwani mfumo, wa wudotho ka wako, se mfumo wa wuraru mbwa simbi, awu wu no fumo txitimwi ka otshe mafu.

Dhaniyeli 2:32

Msungo wa txithombe txile i ti ti wa nzalama yo hehuka; khana ni mawoko a txona nza silivhela; mrumbu ni tinyonga ta txona i ti sa koporo;

Dhaniyeli 8:6

Se a toya ka hamba yile ya titxheho timbidi, ayile ani ni nga ti yi woni masoni ka mnambo; se a to tutuma ngu mtamo wakwe wotshe.