Dhaniyeli 8:4 - Bhiblia Yo Sawuleka

⁴ Ni to wona ti to hamba yi dhinela kukomba mswa-ditambo, ni wuphemba, ni wulambwe; kambe ku si na txihari ni txa tximwetxo txo tshuketa hafuhi ka yona, hambi m'thu wo dingana kuhuluka ka hamba; yona yi ti maha madingano ni kuranda ka yona, kambe yi ti ti kulisa.

Dhaniyeli 8:4 Referans Kwoze

Dhaniyeli 11:16

Sekoko awule a nota ku ta mu wukela a na maha madingano ni kuranda kwakwe, kha ku na wu a no ema masoni kwakwe; se a na maneka ka ditiko do dhundeka, a na lovisa ngu dianza dakwe.

Dhaniyeli 11:36

Se mfumeli wuwa a na maha madingano ni kuranda kwakwe, a na tiguleta, e tikulisa txitimwi ka sotshe sizimu; a na womba-womba wubihi ngu Txizimu txa sizimu, kambe a na humelela an'ze magwito ka kuhenya; nguko ti ti nga vekiswa ti na maheka.

Dhaniyeli 8:7

Se ni to wona mabhongwe a txi hoka hafuhi ka hamba, a di henyile ngutu; se a to dhina hamba e funya titxheho ta yona ta timbidi, kambe hamba yi si ngani mtamo wo emisana nayo; se mabhongwe a to wisa hamba hahatshi, e yi kandetela ngu sitsendo; kha kwa maneka ni wammweyo wo hulukisa hamba ka mabhongwe.

Mika 5:8

Se miboti ya ka Jakobe yi na va hagari ka matiko, hagari ka vathu vavangi, kufana ni ngonyamo hagari ka sihari sa txitinga, ku nga txingonyamoana hagari ka mitxhambi ya tinvuta, ngako txi txi pinda, txi na ti ganyatela ni ku ti phatulela, ku si maneki ni wo ti lwela.

Dhaniyeli 7:5

Ni to simama ni wonetela, ni wona txihari txa wumbidi txo fana ni txingwingwi, txi di emile ngu didhawa dimwedo, txi di lumile timbavhu tiraru; se txi to gelwa tiya: Khukha u kakatxulela nyama yayingi.

Dhaniyeli 5:30

Ka wona wusiku wule, Bhelxazari, mfumeli wa Vakaldheya a to dawa.

Dhaniyeli 5:19

Se ngu mhaka ya wuhombe wule txi nga mninga, votshe vathu, matiko ni tidimi va ti dhudhumela ni kuthava masoni kwakwe. A ti ni mtamo wo daya vathu ni waku va leka ve hanya, a tikulisa ni kuveka hahatshi ni wuhi a nga ti mlava.

Ezekhiyele 34:21

Ta woneka taku ngu didhawa ni dikata, ma ti rethetela tinvuta, kambe ngu titxheho tanu ma dhinetela tile ta kwa mbi na mtamo, kala miza mi txi tihangalasa hahanze,

Masalmo 50:22

Engisani ta tinene, anu mi divalako Txizimu; kasiku ni si mi phatuleli, ku si maneki ni wammweyo wo mi hulukisa.

Masalmo 7:2

Va nga thuka va txi ni vharulela nga ngonyamo, va txi ni bhenulela, ku txi pwateka ni wammweyo wa ku ni vhuna.

Jobe 10:7

Awe wa tiziva ngu kumweko taku, ani kha ni nga m'bihi; kambe kha nga ho ni wammweyo wa ku ni thavisa manzani kwako.

Dhewuteronome 33:17

Ene ana ni wudhumo wa didhuna da matiwula, titxheho takwe ti fana ni titxheho ta nyari; ngu tona a na lovisa votshe vathu ngu txikhati tximwetxo, kala magwito ka mafu; ngu vona i ku 10.000 wa va ka Efrayime, ni vava i ku magumi a mazana a va ka Manasi.”

1 Vafumeli 22:11

Se Zedhekiya, mwana Kenahani, a to ti mahela titxheho ta simbi, a txi khene ka Akabe: Mkoma Txizimu a khene: U na dayela Vasiro ngu tona txitheho tiya, uza u va heta.

Masalmo 44:5

Hi xula valala vathu ngu mtamo wako, ngu ditina dako ha ganyatela vaxanisi vathu.