Dhaniyeli 8:3 - Bhiblia Yo Sawuleka

³ Se ni to gula maso angu ni wona, se ni wona hamba yile yi nga ti ni titxheho timbidi, yi nga ti ti masoni ka mnambo; se titxheho tile ta timbidi ti ti laphile, kambe limwelo li ti laphile ngutu kupinda limwani; aniko lile lo lapha ngutu li to mila ngu msana ka lile lo koma.

Dhaniyeli 8:3 Referans Kwoze

Dhaniyeli 8:20

Hamba yile u nga yi wona ya titxheho timbidi, mbafumeli va Medhiya ni va Persiya;

Dhaniyeli 10:5

se ni to gula maso angu ni wona, ni to wona wamwamna wule a nga ti ambate syambalo sa linyu, a di sungile txiwunu txakwe ngu libhande la nzalama ho hehuka ya Ufazi.

Zakariya 6:1

Se ni to gula kambe maso angu, ni wona mune wa sikotxikani, si txi huma ngu hagari ka mimango yimbidi, mimango yiya i ti ti mimango ya txikete.

Zakariya 5:9

Se ni to guleta maso angu ni wona, ku to huma vavasikati vambidi, ve wusa moya ngu tibhapi tawe, nguko va ti ti ni tibhapi to nga ta nyawukolwe; se va to guleta efa hagari ka mafu ni nzuma.

Zakariya 5:5

Se ku to huma ngelozi yile yi nga ti ti womba-womba ni nani, yi txi ta kha yona: Guleta konkuwa maso ako, u wona ti to nji txani txi txi humako.

Zakariya 5:1

Ni to engeta kambe ni gula maso angu, ni wona, ni to wona dibhuku do puruma.

Zakariya 2:1

Ni tshumete kambe ni guleta maso angu, se ni wona wamwamna, a nga ti ti ni ngoti manzani, yo pima ngu yona.

Zakariya 1:18

Se ni gute maso angu, ni wona mune wa titxheho.

Dhaniyeli 7:5

Ni to simama ni wonetela, ni wona txihari txa wumbidi txo fana ni txingwingwi, txi di emile ngu didhawa dimwedo, txi di lumile timbavhu tiraru; se txi to gelwa tiya: Khukha u kakatxulela nyama yayingi.

Dhaniyeli 6:28

Dhaniyeli wuwa, koko, a to humelela ka mbimo ya kufuma ka Dhariyo ni ya kufuma ka Siro, Mupersa.

Dhaniyeli 5:31

Se Dhariyo wa lixaka la Vamedhi a to teka wukoma, a di ni tanga ya mtxhanu wa magumi ni dimwedo ni malembe mambidi.

Dhaniyeli 2:39

Se msana kwako, ku na wuka wumwani mfumo, wa wudotho ka wako, se mfumo wa wuraru mbwa simbi, awu wu no fumo txitimwi ka otshe mafu.

Jeremiya 51:11

Guvani tingove tanu, longiselani ngu ditshuri sitxhangu sanu; Mkoma a wusile moya wa vamidhiyani; nguko a lwela kuhasamula Bhabhilona; ina, nguko akuwa ngu kona kupharela ka Mkoma, ngu pharela ka mbimo ya kona.

Isaya 44:28

ni wombako ngu Siro, ni txi khani: M'dyisi wangu, a na maha totshe ti ti ni tsakisako; a txi khene kambe ka Jerusalema: U na aketwa; se ni ka dithepele a txi khene: Ti akete.

Isaya 21:2

Ni wonisilwe txiwoniso txo thisa: Mkanganyisi wa kanganyisa, ni mxaseli wa xasela. Kwelela awe Elamu, randela awe Medhi; ni malatile miketo yawe yotshe.

Isaya 13:17

Wonani, ani ni na va wusela Vamedhi, ava va si khataliko ngu silivhela, hambi kuva ni mhaka ngu nzalama.

Esteri 1:3

ka dilembe da wuraru da kufuma kwakwe, a to ramba votshe vathangeli vakwe ni sithumi sakwe (mitamu a Persiya ni Medhiyani, ni vathangeli va hombe va matiko a hombe, va ti ti ho masoni kwakwe),

Ezra 4:5

Se va to xavelela madhota o dingana kuthidhelisa mhaka yawe, ka otshe masiku a Siro, mfumeli wa Persiya, kala kufumani ka Dhariyo, mfumeli wa Persiya.

Ezra 1:2

Mkoma, Txizimu txa nzuma, a ni ningile yotshe mifumo ya ha mafuni; se a ni rwekile ku mu akela nyumba kona Jerusalema, i ku kona Judha.

1 Makronika 21:16

Se ngako Dhavhidha a di guletile maso akwe, a to wona Ngelozi ya Mkoma, yi di ngu hagari ka mafu ni nzuma, ni ditxhari do swomolwa manzani ka yona, yi di di nawulutile txitimwi ka Jerusalema; sekoko Dhavhidha ni madhota, va ti fenengete tinguwo ta masaka, ve khizama ve namisa tikhohe hahatshi.

Joxuwa 5:13

Se ku to maheka taku, ngako Joxuwa a di hafuhi ni Jeriko, a to gula maso akwe a txi wona, a to wona wamwamna wokari, a di emile masoni kwakwe, na a di ni ditxhari manzani kwakwe, se Joxuwa a to tshuketa kwakwe, a txi m'gela tiya: “U mmweyo wathu mwendo u mmweyo wa valala vathu kani?”

Mitengo 24:2

Se Bhalahamu a to gula maso e wona Vaisrayeli, va di zumbile ka matenda awe, ngu tinyumba tawe, se Moya wa Txizimu wu tota txitimwi kwakwe.

Mtuletelo 5:6

Ngu toneto, hagari ka txikhalo txa wukoma kumweko ni mune wa sivangwa so hanya, ni madhota, ni woni Txinvutana txi di emile, nga txi to bhaywa. Txi ti ni mtxhanu wa titxheho ni timbidi, ni mtxhanu wa maso ni mambidi, i ku mtxhanu wa Mimoya ni yimbidi ya Txizimu, yi nga rumwa ka dotshe ditiko.

Mtuletelo 13:11

Msana keto, ni to wona tximwani txikalani txi txi huma ngu mafuni: Txi ti ni titxheho timbidi nga txinvutana, kambe txi ti womba-womba nga mwamilambo.

Dhaniyeli 8:2

Se ni to wona ka txiwoniso, (ni wona ku txi manheka, ti to ani ni ti didhoropani ka Xuxani, ditikoni ka Elame), ni to wona koko ka txiwoniso, ti to ni ti hafuhi ni mnambo wa Ulayi.