Dhaniyeli 8:27 - Bhiblia Yo Sawuleka

²⁷ Se ani Dhaniyeli, ni to guma mtamo, ni lwala masiku okari; sekoko ni to wuka ni maha mithumo ya mfumeli; kambe ni xamalisilwe ngu mhaka ya txiwoniso, aniko ku si nga ni m'thu wu a txi pfisisako.

Dhaniyeli 8:27 Referans Kwoze

Dhaniyeli 7:28

Txiwoniso txi gwitete hawa, se ngu kwangu ani Dhaniyeli, mapimo angu ma to ni xamalisa ngutu, ni khohe yangu yi to txitxa; aniko ni to veka timhaka keto mbiluni kwangu.

Habhakuki 3:16

Ni di ti engisile ani, mndani kwangu kudhuka, ngu dipswi dakwe txisofu txangu txi dhudhumete; kuwulete kusina marambuni kwangu, se ni dhudhumela mndani kwangu; na humula ani ka ditshiku do pandiseka, ngako ni txi nata lwa ni vathu vale va nota hi hoxota.

Dhaniyeli 10:16

Se tximwetxo txo fana ni vanana va vathu txi to gwesa txisofu txangu, sekoko ni to tula txisofu txangu ni womba-womba, ni txi khani ka wule a nga ti ti masoni kwangu: Nyamne wangu, ngu mhaka ya txiwoniso, ni pandisekile, ha koza ni guma ni mtamo.

Dhaniyeli 10:8

Ni to sala nokha koko, ni wona txiwoniso txiya txa hombe, ni guma mtamo; ni kutshura kwangu ku to hunduka kumaha kutsivala, se kha na sala ni mtamo ni wa wudotho.

Dhaniyeli 8:7

Se ni to wona mabhongwe a txi hoka hafuhi ka hamba, a di henyile ngutu; se a to dhina hamba e funya titxheho ta yona ta timbidi, kambe hamba yi si ngani mtamo wo emisana nayo; se mabhongwe a to wisa hamba hahatshi, e yi kandetela ngu sitsendo; kha kwa maneka ni wammweyo wo hulukisa hamba ka mabhongwe.

Dhaniyeli 8:2

Se ni to wona ka txiwoniso, (ni wona ku txi manheka, ti to ani ni ti didhoropani ka Xuxani, ditikoni ka Elame), ni to wona koko ka txiwoniso, ti to ni ti hafuhi ni mnambo wa Ulayi.

Dhaniyeli 5:14

Ni khala kupfa va txi womba ngu ngawe, ti taku moya wa sizimu wuho kwako, ni ti taku liwoningo ni mapimo, ni wutxhari wa hombe ngutu si maneka kwako.

1 Samuwele 3:15

Se Samuwele a to otela kala di txitxa, sekoko a to tula matimba a Nyumba ya Mkoma; kambe Samuwele a ti ti thava kugela Eli mloro wuwa.

Dhaniyeli 4:19

Sekoko Dhaniyeli awule ditina dakwe i ku Bheltexezari, a to xamala, a txi dwee, ngu ora yimweyo, a txi karateka mapimoni kwakwe. Se mfumeli Nebhukodhonosori a to womba, a txi khene: “Bheltexezari, u nga karateke ngu mhaka ya mloro, hambi txhamuselo ya wona.” Bheltexezari a to xamula a txi khene: Nyamne wangu, mloro wuwa wu na wukele vale va ku nyenyako, ni txhamuselo ya wona, ka valala vako.

Dhaniyeli 8:17

Aniko a to ta hafuhi ni ha ni nga ti kona, se a txi ngadi a txi ta ni to wa ngu khohe yangu ngu kuthava; kambe ene a to khene kwangu: Pfisisa awe mwanana wa m'thu, nguko txiwoniso txiya txi na tatiseka ngu mbimo yo gwita.