Dhaniyeli 8:26 - Bhiblia Yo Sawuleka

²⁶ Se txiwoniso txa mixo ni txa minova, txile txi nga wombwa, nja ditshuri; awe koko, lema txiwoniso, nguko msana ka masiku amangi txi na hetiseka.

Dhaniyeli 8:26 Referans Kwoze

Dhaniyeli 10:1

Ka dilembe da wuraru da kufuma ka Siro, mfumeli wa Persiya, dipswi di to ziviswa ka Dhaniyeli, awule a dhanwako ngu ditina daku i Bhelixazari; aniko dipswi ndinene, di kombisa yimbi ya hombe, se ene a to pfisisa dipswi diya, se e mana kupfisisisa txiwoniso.

Dhaniyeli 12:9

Se ene a to khene: Tsula Dhaniyeli, nguko mapswi awa mavhatwe ni kulemwa kala ka mbimo yo gwita.

Dhaniyeli 12:4

Se awe, Dhaniyeli, vhala mapswi awa, u lema dibhuku diya, kala ka mbimo yo gwita; votala va na tutuma-tutuma va txiya kheya ni kheya, kambe wutxhari u na anda.

Dhaniyeli 10:14

Konkuwa ni tile ku ta ku gela ti ti no humelela ka vathu vako masiku a matako, nguko txiwoniso nja masiku a matako.

Mtuletelo 22:10

Se ngelozi yi engeta yi txi kha yona: “U nga sise ngu kulema mapswi a kuprofeta ka dibhuku diya, nguko mbimo yi hafuhi.

Ezekhiyele 12:27

Awe mwanana wa m'thu, wona taku va nyumba ya ka Israyeli, va kha vona: Txiwoniso txi a txi wonako wuwa, nja masiku amangi, kambe a profeta ngu timbimo ti tiku kule.

Mtuletelo 10:4

Mbimo yi si nga dhinda singwalangwanda sa mtxhanu ni simbidi, ani ni ti ti lava kubhala, aniko ni to engisa dipswi da kuta ngu nzumani di txi kha dona: “Veketa malengo a tile ti nga wombwa ngu mtxhanu wa singwalangwanda ni simbidi, u nga ma bhale.”

Isaya 24:22

Se ma na tshanzuketelwa kufana ni vo ñolwa, amu diphalani, kambe ma na khotelwa mkorani, ma na tsayiswa msana ka masiku amangi.

Dhaniyeli 11:2

Se konkuwa, ni lava ku kugela ditshuri: Wona taku ku na maneka vafumeli vararu kona Persiya, aniko wa wumune a na va wa thomba yayingi kupinda votshe; kambe ngu mhaka ya tithomba takwe, a na kuzetela votshe kuve wukela mfumo wa Gresiya.