Dhaniyeli 8:25 - Bhiblia Yo Sawuleka

²⁵ Se ngu wuzivi wakwe kambe, a na humelelisa wukanganyisi manza kwakwe, se mbiluni kwakwe a na tikulisa, ngu mhaka ya kuthutha a na lovisa votala e wukela mthangeli wa vathangeli, kambe a na funywa na i si nga ngu diwoko da m'thu.

Dhaniyeli 8:25 Referans Kwoze

Dhaniyeli 8:11

Se li li to ti tikulisa kala ka mthangeli wa dibutho; li mu tekela mphaxo wo hiswa wa ditshiku ni ditshiku, li wisa hahatshi wukhalo wakwe wo sawuleka.

Mtuletelo 17:14

Va na lwa ni Txinvutana, aniko Txinvutana txi na va xula, nguko txona i Mkoma wa vakoma ni Mfumeli wa vafumeli, se kumweko natxo kambe va na xula, avale va nga dhanwa, avale va nga sawulwa, ni makholwa.”

Jobe 34:20

Vona, ngu mbimoanyana vafa; se hambi hagari ka wusiku vathu va xaniswa, ve pinda, ni va mtamo ngutu va tekwa, va si ti lweli.

Dhaniyeli 11:45

A na gwimba matenda akwe a wukoma hagari ka Linene la hombe, ka mmango wo sawuleka wo tshura ngutu, kambe a naya gwitelwa, kupwateka ni wo m'vhuna.

Dhaniyeli 7:26

Aniko wulamuli wu na tsana, se vona va na teka mfumo wakwe, va txi wu khundumusa ni ku wu hangalasa do gwita.

Dhaniyeli 7:8

Se ni txi nga di ni wonetela titxheho eto, ni to wona limwani la lidotho li txi huma ngu hagari ka timwani, masoni ka tile tiraru to khata di nga dulwa; se ka litxheho e lo ku ti ni maso o fana niya m'thu, ni txisofu txi nga ti womba-womba mapswi o guleka ngutu.

Sidilo 4:6

Nguko wubihi wa vathu va ka kwathu, mbwa hombe kupinda wa Sodhoma, i ku m'ti wu wu nga mwalatwa ngu mbimwanyana, i si nga ngu diwoko da m'thu aniko da Txizimu.

Jeremiya 48:26

Mleviseni nguko a ti kulisile masoni ka Mkoma; Mowabhi a na tshumelela ka makosa akwe, se ene a na xaniswa.

Mithumo 12:23

Kambe kunukunuko, Ngelozi ya Mkoma yi to peka Herodha, nguko kha dhumisa Txizimu. Se a to dyiwa ngu timbungu, efa.

Mtuletelo 19:16

Kubhatwe ditina ha nguwoni kwakwe ni ha nyongani kwakwe: “Mfumeli wa vafumeli, Mkoma wa vakoma!”

2 Vatesalonika 2:3

Mi nga thuke mi txi kanganyiswa ni ka kudhoto ngu m'thu, nguko ku sinzi kumaha eto, kuthanga ku na vaho kutshumelela msana, ni kuwoneka ka m'thu wa txionho, mwanana wa kulova,

2 Vatesalonika 2:8

Se konako, a na wonekiswa ha kubasani m'bihi; se Mkoma Jesu a na mfuvisa ngu ku mfuteta ngu txisofu txakwe e m'lovisa ngu kuphatima ka kuta kwakwe.

Dhaniyeli 9:25

Tizive u pfisisa, kukhukhela kuhumani ka txileleto txa kutshumetela ni kuaketa Jerusalema kala ka Mesiya, Mthangeli, ku nava ni mtxhanu wa mavhiki ni mambidi, ni mtxhanu wa magumi ni dimwedo a mavhiki ni mavhiki mambidi, magondo ni madhoropa si na aketwa; kambe ngu mbimo ya xomulo.

Dhaniyeli 11:12

Se di txi kula dibutho, mbilu yakwe yi na ti kukumukisa; aniko, hambi ku ku no dawelwa mazana-zana a vathu, kha na mbi xula.