Dhaniyeli 8:21 - Bhiblia Yo Sawuleka

²¹ Aniko mabhongwe wa matoya ngutu i mfumeli wa Gresiya; se litxheho la hombe li li ku hagari ka maso akwe, mfumeli wo khata;

Dhaniyeli 8:21 Referans Kwoze

Dhaniyeli 11:3

Ngu msana, ku na humelela mfumeli wa ndena, wu a no fumela ngu mtamo wa hombe, na a txi maha kuranda kwakwe.

Dhaniyeli 10:20

Se a nje khene: Ina wa tiziva ti ni telako tona kwako kani? Ani ni na tshumela ni yalwa ni mthangeli wa Persiya, se ni txi na heta, a nata mthangeli wa Gresiya.

Dhaniyeli 8:20

Hamba yile u nga yi wona ya titxheho timbidi, mbafumeli va Medhiya ni va Persiya;

Dhaniyeli 8:22

kufunywa ka litxheho, ni kumila ka mune wa titxheho ka wukhalo wa lona, ti txhamusela ku, ku na wuswa mune wa mifumo ya ditikoni kumweko, kambe i si nga ngu mtamo wa dona.

Dhaniyeli 11:2

Se konkuwa, ni lava ku kugela ditshuri: Wona taku ku na maneka vafumeli vararu kona Persiya, aniko wa wumune a na va wa thomba yayingi kupinda votshe; kambe ngu mhaka ya tithomba takwe, a na kuzetela votshe kuve wukela mfumo wa Gresiya.

Dhaniyeli 2:39

Se msana kwako, ku na wuka wumwani mfumo, wa wudotho ka wako, se mfumo wa wuraru mbwa simbi, awu wu no fumo txitimwi ka otshe mafu.

Dhaniyeli 7:6

Msana keto, ni to simama ni wonetela, ni wona tximwani txihari txo fana ni yingwe, txi di ni mune wa tibhapi ta sinyana makatani ka txona; kambe txi ti ti ni mune wa misungo, se txi to ningwa kufuma.

Zakariya 9:13

Nguko ni dombile Judha kwangu, ni tata Efrayime ngu wulaho; ni na wusa vanana vako awe Siyoni, veya lwisa vanana vako awe Gresiya! Se ni na kuveka ku nga ditxhari da ndena.