Dhaniyeli 8:2 - Bhiblia Yo Sawuleka

² Se ni to wona ka txiwoniso, (ni wona ku txi manheka, ti to ani ni ti didhoropani ka Xuxani, ditikoni ka Elame), ni to wona koko ka txiwoniso, ti to ni ti hafuhi ni mnambo wa Ulayi.

Dhaniyeli 8:2 Referans Kwoze

Esteri 1:2

ka ona masiku ale, mbimo yile mfumeli Asuwero a nga ti khalahatshile ka txikhalo txa wukoma wakwe, txi ku mkhokholani ka Susani,

Nehemiya 1:1

Mapswi a Nehemiya, mwana Hakaliya. Se ku to maheka taku, ka mtxima wa Kisilewu, ka dilembe da magumi mambidi, ni txi maneka Susani, mkhokholani,

Ezekhiyele 32:24

Koneyo waho Elame ni dotshe dibutho dakwe, di nga randela diyiva dakwe; votshe va to dayelwa, va txi wiswa ngu ditxhari; va relete hahatshi ngutu ka mafu; va wusile kuthava ha mafuni ka vo hanya, ve rwala tingana tawe kumweko ni vale va nga relela diphalani.

Jeremiya 25:25

Zimiri, ni votshe vafumeli va Elame, ni votshe vafumeli va Medhiya;

Esteri 2:8

Ku to maheka koko taku, mbimo yile txileleto txa mfumeli ni mlayo wakwe si nga ziviswa, kusengeletwa mahorana o tala mkhokholani ka Susani, hahatshi ka dianza da Hegayi, Esteri nene a to yiswa nyumbani ka mfumeli, hahatshi ka dianza da Hegayi, muwoneleli wa vavasikati.

Genesisi 14:1

Ka mbimo ya Amurafeli, mfumeli wa Sinari, ni Ariyoki, mfumeli wa Elasari, ni Kedhorolawomeri, mfumeli wa Elame, ni Tidhali, mfumeli wa Goyimi,

Genesisi 10:22

Vanana va Semi ngu vava: Elame, Asuri, Arifaxadhe, Ludhe ni Aramu.

Dhaniyeli 8:3

Se ni to gula maso angu ni wona, se ni wona hamba yile yi nga ti ni titxheho timbidi, yi nga ti ti masoni ka mnambo; se titxheho tile ta timbidi ti ti laphile, kambe limwelo li ti laphile ngutu kupinda limwani; aniko lile lo lapha ngutu li to mila ngu msana ka lile lo koma.

Dhaniyeli 7:15

Se ngu kwangu, ani Dhaniyeli, moya wangu wu to xaniseka mndani kwangu, ni siwoniso sangu si to ni xamalisa.

Dhaniyeli 7:2

Dhaniyeli a to womba a txi khene: Ni to wona amu ka txiwoniso txangu txa ha wusiku, mune wa mimoya ya nzumani yi txi vhilusa mati a Linene la hombe.

Isaya 21:2

Ni wonisilwe txiwoniso txo thisa: Mkanganyisi wa kanganyisa, ni mxaseli wa xasela. Kwelela awe Elamu, randela awe Medhi; ni malatile miketo yawe yotshe.

Isaya 11:11

Nguko ti na maheka tito, ka ditshiku donedo, a na nawuluta kambe dianza dakwe e teka miboti ya vathu vakwe vale va nga sala Asiriya, ni Egipta, ni Patro, ni Etiyopiya, ni Elame, ni Sinari, ni Hamati, ni sitondoloni ka linene.

Esteri 9:15

Se Vajudha vale va nga ti maneka Susani va to sengeletana ni vona, ngu ditshiku da digumi ni mune ka mtxima wa Adhari, ve daya 300 wa vavamna kona Susani; kambe kha va handa txilo.

Esteri 9:11

Ka ditshiku donedo da dimwedo, mfumeli a to ziviswa mtengo wa sirumbi sa mkhokholani ka Susani.

Esteri 8:15

Sekoko Mordhekayi a to khukha masoni ka mfumeli a di ambate syambalo sa wukoma sa mkuxe ni so basa, kambe a di ni m'bhoti wa hombe wa nzalama, ni dijasi da linyu yo hehuka da txiwunguwungu, se didhoropa da Susani di to kwangula di tsaka.

Mitengo 12:6

Se a txi khene: “Konkuwa engisani mapswi angu; ngako ku ti ni mprofeti, ani Mkoma, ni na ti wonekisa kwakwe ngu txiwoniso, ni womba-womba nayo ngu mloro.

Vahebheru 1:1

Txizimu, ngu sikhati so tala ni mamahelo o tala, txi wombawombile kale ka vatate vathu, ngu sisofu sa vaprofeti,

Esteri 7:6

Se Esteri a to khene: M'thu, mxanisi ni mlala ngene m'bihi wuwa Hamani! Sekoko Hamani a to dhuka masoni ka mfumeli ni ka msikati wa mfumeli.

Esteri 3:15

Ngu kuleleta ka mfumeli, sirumwa koko si to huma ngu kututuma, se mlayo wu huwelelwa mkhokholani ka Susani; se mfumeli kumweko ni Hamani va to khalahatsha ve sela; kambe didhoropa da Susani di to tala ngu pfilu-pfilu.

Mtuletelo 9:17

Amu ka txiwoniso txangu, ntengo wa mahantxhi ni vagadhi va ona, ni si wonisile tiya: Va ti ambate sikatawu so vhika ngu sona, so bhilivila nga mndilo, ni nkuxe nga jakinta ni halandi nga txivavula, misungo ya mahantxhi yi ti fana ni ya tingonyamo, se ngu mkanani ka ona ku txi huma mndilo ni wutshi ni txivavula.

Ezekhiyele 1:1

Se ku to maheka tito, ngu dilembe da wugumi ni mararu, ka mtxima wa wumune, ka ditshiku da wutxhanu ka mtxima, na ani ni di hagari ka tikhumbi, hafuhi ni mnambo wa Kebhari, yi to tuleka nzuma, se ani ni wona siwoniso sa Txizimu.

Dhaniyeli 8:1

Ngu dilembe da wuraru da kufuma ka mfumeli Bhelixazari, ani Dhaniyeli ni to wona txiwoniso, msana ka txile ni nga txi wona do khata.

Dhaniyeli 10:4

Se ngu ditshiku da magumi mambidi ni mune ka mtxima wo khata, ni di mabambe ka mnambo wa hombe wa Tigre;