Dhaniyeli 8:19 - Bhiblia Yo Sawuleka

¹⁹ Se a to khene: Wona, ni na kuzivisa ti ti no humelela magwito ka mbimo ya kuhenya; nguko txiwoniso txi na tatiseka ngu mbimo yo emiselwa ya magwito.

Dhaniyeli 8:19 Referans Kwoze

Habhakuki 2:3

Nguko txiwoniso njo dingana mbimo yokari, se kala magwito txi na womba-womba, kha txi na mbi hemba; ngako txiwoniso txi txi swela, txi verele, nguko kha ditshuri txi nata, kha txi na mbi swela.

Mtuletelo 17:17

Nguko Txizimu txi si ningile mbilu ya kumaha makungo a txona, ngu mapimo mamwani: Kuningela wukoma wa digelegele ka txikalani, kala kuza mapswi a Txizimu me hetiseka.

Dhaniyeli 11:27

Kambe vafumelivo vavambidi va na va ni mbilu yo maha kubiha, ni kuwomba makuhu; ene koko kha na mbi kula, nguko magwito ma na zivaneka ngu mbimo ya kona.

Mtuletelo 15:1

Ni to wona kambe nzumani tximwani txikombiso txa hombe txa kuxamalisa: Mtxhanu wa tingelozi ni timbidi kumweko ni mtxhanu wa mitungu ni yimbidi, yo gwitisa, nguko ngu yona ku na hetiseka kuhenya ka Txizimu.

Mtuletelo 11:18

Mifumo yi ti ti kwatile, aniko kuhenya kwako kuhokile, i mbimo yo lamula vafi, I mbimo yo ninga hakhelo ka vaprofeti sithumi sako, ni ka vasawuleki vako va va thavako ditina dako, vavadotho ni vahombe, I mbimo kambe ya kufuvisa avava va nga onhisa mafu.”

Mtuletelo 10:7

Aniko ka masiku yawa ku no engiswa dipswi da ngelozi ya wutxhanu ni timbidi, mbimo yi ngelozi yi no veta mpundu wa yona, konako msisalo wa Txizimu wu na va wu di hetisekile, madingano ni ti txona txi nga zivisa ka sithumi sa txona, i ku vaprofeti.”

Mtuletelo 1:1

Awuwa i Mtuletelo wa Jesu Kristu, awu Txizimu txi nga mninga, kasiku e kombisa ka sithumi sakwe ati ti fanelako kumaheka kunukunukuwa. Kristu a zivisile timhaka tiya ngu kurumela ngelozi yakwe ka txithumi txakwe Johani,

Dhaniyeli 8:23

Kambe magwito ka kufuma kwakwe, mbimo yi vaonhi va no heta kufuma, ku na huma mfumeli wa khohe yo thisa, wa wutxhari wo ziva ngutu kutxhamusela sihunja.

Luka 21:23

Va nava ni dikhombo va sirumbu ni va kumamisa ka oneyo masiku! Nguko ku nava ni kuxaniseka ka hombe ha mafuni, ni kuhenyelwa ku na wela ditiko diya.

Masalmo 102:13

Wuka, Mkoma, telwa ngu wumbilu ngu Siyoni; se i mbimo ya ku m'divalela! Txi hokile txikhati txa kona!

Dhaniyeli 12:4

Se awe, Dhaniyeli, vhala mapswi awa, u lema dibhuku diya, kala ka mbimo yo gwita; votala va na tutuma-tutuma va txiya kheya ni kheya, kambe wutxhari u na anda.