Dhaniyeli 8:15 - Bhiblia Yo Sawuleka

¹⁵ Se ku to maheka taku, mbimo yile ani Dhaniyeli ni nga wona txiwoniso txiya, ni to lava ku txi pfisisa, se ku to woneka txo fana ni m'thu txi di masoni kwangu.

Dhaniyeli 8:15 Referans Kwoze

Dhaniyeli 10:16

Se tximwetxo txo fana ni vanana va vathu txi to gwesa txisofu txangu, sekoko ni to tula txisofu txangu ni womba-womba, ni txi khani ka wule a nga ti ti masoni kwangu: Nyamne wangu, ngu mhaka ya txiwoniso, ni pandisekile, ha koza ni guma ni mtamo.

Mtuletelo 1:13

Hagari ka sipande siya sa mtxhanu ni simbidi, ni to wona m'thu wokari wo fana ni Mwanana wa M'thu, na a di ambate nguwo yo lapha kala mikondoni, na a di yi sungile hakhana ngu libhande la nzalama.

Dhaniyeli 10:18

Se tximwetxo txo fana ni m'thu txi to ni gwesa txisofu da wumbidi, txi ni tsanisa.

Mtuletelo 13:18

Ahawa kulaveka wutxhari! Awu a ku ni kupfisisa a na tumbule txibalo txiya txa txikalani, nguko txibalo txiya txi womba ditina da m'thu: Txibalo txa kona i 666.

Marku 13:14

“Ngako mi txi wona manyala a kuthisa ma di zumbile ahawa ku si faneliko (awu a gondako a na pfisise), ka yoneyo mbimo, ava va ku Judheya va na tutumele mimangoni.

Marku 4:12

ti taku, ‘Hambi i di kuwona ve wona kambe va si wonisisi; hambi i di kuengisa ve engisa kambe va si pfisisi; kasiku va si thuki ve hunduluka, se ve divalelwa sionho.’ ”

Matewu 24:30

Sekoko ku na woneka txikombiso txa Mwanana wa M'thu nzumani; se totshe tihunzu ta ha mafuni ti na dila, ngako ti txi wona Mwanana wa M'thu a txi ta a di txitimwi ka marefu a nzumani ni mtamo ni wudhundo wa hombe.

Matewu 24:15

“Ngu konaho, mbimo yi mi no wona manyala a kuthisa, ma nga songolela kuwombwa ngu mprofeti Dhaniyeli ma di talete wukhalo wo sawuleka, (awu a gondako a na ti pfisise!)

Matewu 13:36

Sekoko ngako a di lekile mabutho, Jesu a to wulela nyumbani. Se vagondiswa vakwe ve tshuketela hafuhi kwakwe, va txi kha vona. “Hi txhamusele txidinganiso txa nyasafari wa thembweni.”

Dhaniyeli 12:8

Ani koko, ni ti pfite kambe kha na ti pfisisa, ngu konaho, ni ti khani: “Awe Nyamne wangu, ngu ahi magwito a timhaka tiya kani?”

Dhaniyeli 10:5

se ni to gula maso angu ni wona, ni to wona wamwamna wule a nga ti ambate syambalo sa linyu, a di sungile txiwunu txakwe ngu libhande la nzalama ho hehuka ya Ufazi.

Dhaniyeli 7:28

Txiwoniso txi gwitete hawa, se ngu kwangu ani Dhaniyeli, mapimo angu ma to ni xamalisa ngutu, ni khohe yangu yi to txitxa; aniko ni to veka timhaka keto mbiluni kwangu.

Dhaniyeli 7:13

Ka txiwoniso txangu txa wusiku, ni to wona txo fana ni mwanana wa m'thu, a txi ta ngu ka marefu a nzumani; se a to tshuketela ka didhota dile da kale, eza e hoka hafuhi ka dona.

Isaya 9:6

Nguko hi veleketwe mfana, hi ningilwe mwanana wa mfana; se wukoma wu txitimwi ka makata akwe; ditina dakwe a na dhanwa ku Didhota do Xamalisa, Txizimu txa Mtamo, Tate wa Mbimo Yotshe, Mkoma wa Kudikha.

Joxuwa 5:14

Se ene a to khene: “Ahim-him! Aniko konkuwa nita kota mthangeli wa dibutho da Mkoma.” Sekoko Joxuwa a to khizama e namisa khohe yakwe hahatshi, a txi mkhozela, e m'gela tiya: “U lava kuwomba txani, awe Nyamne wangu, ka txithumi txako kani?”

Dhaniyeli 8:1

Ngu dilembe da wuraru da kufuma ka mfumeli Bhelixazari, ani Dhaniyeli ni to wona txiwoniso, msana ka txile ni nga txi wona do khata.

Dhaniyeli 8:19

Se a to khene: Wona, ni na kuzivisa ti ti no humelela magwito ka mbimo ya kuhenya; nguko txiwoniso txi na tatiseka ngu mbimo yo emiselwa ya magwito.

Zakariya 1:9

Se ani ni ti khani: Awe nyamne wangu, mba mani vava kani? Se ngelozi yi yi nga ti ti womba-womba ni nani yi to kha yona: Ani ni na kukomba taku avava mbamani.