Dhaniyeli 8:12 - Bhiblia Yo Sawuleka

¹² Se dibutho di to ningelwa ka lona, kumweko ni mphaxo wa ditshiku ni ditshiku, ngu mhaka ya si hambunyeto; se li to wisa ditshuri ha mafuni; li humelela ka mithumo ya lona.

Dhaniyeli 8:12 Referans Kwoze

Jeremiya 12:1

Wa kululama ngutu ngawe, Mkoma, hambi ni txo kanetisana ni nawe; hambi keto, ni na bhula ni nawe ngu malamulelo ako. Ngu kutxani va kubiha ve humelela kani? Va kateka ngu kutxani votshe va va nga mbi thembeka kani?

Isaya 59:14

Ngu kumaha keto, kulamulwa ku tshumelete msana, ni kululama ku ti vekile kule; nguko ditshuri di gutilwe tiruwani, se kululama kha ku sikoti kuwulela.

Mtuletelo 13:7

Txi ningilwe mtamo kambe wo lwa ni vasawuleki, txi va xula; txi ningilwe wukoma wotshe txitimwi ka totshe tixaka, matiko, tidimi ni mifumo.

Dhaniyeli 11:28

Sekoko a na tshumelela ditikoni kwakwe ni thomba yayingi, se mbilu yakwe yi na wukela txitumelelano txo sawuleka; kambe a na maha ti a no ti lava, aniko e tshumelela ditikoni kwakwe.

Dhaniyeli 8:4

Ni to wona ti to hamba yi dhinela kukomba mswa-ditambo, ni wuphemba, ni wulambwe; kambe ku si na txihari ni txa tximwetxo txo tshuketa hafuhi ka yona, hambi m'thu wo dingana kuhuluka ka hamba; yona yi ti maha madingano ni kuranda ka yona, kambe yi ti ti kulisa.

Masalmo 119:142

Kululama kwako kha ku na magwito ni mlayo wako, mbwa ditshuri yotshe mbimo.

Masalmo 119:43

Ni ninge kuwomba ditshuri yotshe mbimo, nguko ani ni themba sileleto sako.

Jobe 12:6

Matenda a vaxaseli ma humute; kambe vale va lwisako Txizimu kha va tsani; Txizimu txa va ninga sotshe manzani kwawe.

1 Samuwele 23:9

A di ti zivile koko, Dhavhidha ti to Sawule wa maha makungo o biha o mwukela, a to khene ka Abhiyatari, mphaxeli: Tisa efodhe ahawa!

Masalmo 28:5

Vona kha va khatali ngu tile Mkoma a nga ti maha, kambe kha va wonisisi mithumo yakwe ya hombe; ngu mhaka ya eto, a na va tsayisa, a txi va lovisa kala kupinduka.

Dhaniyeli 7:21

Ni to wonetela, ni wona litxheho lonelo li txi lwa ni vasawuleki, li va xula.