Dhaniyeli 7:6 - Bhiblia Yo Sawuleka

⁶ Msana keto, ni to simama ni wonetela, ni wona tximwani txihari txo fana ni yingwe, txi di ni mune wa tibhapi ta sinyana makatani ka txona; kambe txi ti ti ni mune wa misungo, se txi to ningwa kufuma.

Dhaniyeli 7:6 Referans Kwoze

Mtuletelo 13:2

Txikalani txi ni nga txi wona txi ti fana ni yingwe, kambe minenge ya txona yi ti fana ni ya txingwingwi; m'dhonvu wa kona wu txi nga didomu da ngonyamo. Mwamilambo a to txi ninga mtamo wakwe, txikhalo txakwe txa wukoma, ni wukoma wa hombe.

Hoseya 13:7

Ni na fana ni ngonyamo kwawe, ni mbzingamela hanzila kufana ni yingwe.

Dhaniyeli 10:20

Se a nje khene: Ina wa tiziva ti ni telako tona kwako kani? Ani ni na tshumela ni yalwa ni mthangeli wa Persiya, se ni txi na heta, a nata mthangeli wa Gresiya.

Dhaniyeli 7:4

Txihari txo khata txi ti fana ni ngonyamo, kambe txi ti ni tibhapi ta digama; Ni to txi wonetela kala kuza tibhapi ta txona ti gwatelwa, se txi to gulwa, txi emiswa ha mafuni ngu minenge ya txona txi txi nga m'thu, txi ningwa mbilu ya m'thu.

Dhaniyeli 2:39

Se msana kwako, ku na wuka wumwani mfumo, wa wudotho ka wako, se mfumo wa wuraru mbwa simbi, awu wu no fumo txitimwi ka otshe mafu.

Ezekhiyele 17:3

U txi khawe: Mkoma Txizimu a khene: Digama da hombe, da tibhapi ta hombe, da maphapho a hombe, do tala ngu mitenga ya mixowo yo hambanela, di tile Libhanoni, di ta teka didhavi do lapha ngutu da mkedhari.

Dhaniyeli 7:5

Ni to simama ni wonetela, ni wona txihari txa wumbidi txo fana ni txingwingwi, txi di emile ngu didhawa dimwedo, txi di lumile timbavhu tiraru; se txi to gelwa tiya: Khukha u kakatxulela nyama yayingi.