Dhaniyeli 7:5 - Bhiblia Yo Sawuleka

⁵ Ni to simama ni wonetela, ni wona txihari txa wumbidi txo fana ni txingwingwi, txi di emile ngu didhawa dimwedo, txi di lumile timbavhu tiraru; se txi to gelwa tiya: Khukha u kakatxulela nyama yayingi.

Dhaniyeli 7:5 Referans Kwoze

Dhaniyeli 2:39

Se msana kwako, ku na wuka wumwani mfumo, wa wudotho ka wako, se mfumo wa wuraru mbwa simbi, awu wu no fumo txitimwi ka otshe mafu.

Hoseya 13:8

Nga txikakanka txo mwalalelwa ngu vanana, ni na va mana, ni va bhenula misiha ya timbilu tawe; koneyo ni na va phatulela ku nga ngonyamo; sihari so leva sa txitinga si na va vharulela.

Dhaniyeli 11:2

Se konkuwa, ni lava ku kugela ditshuri: Wona taku ku na maneka vafumeli vararu kona Persiya, aniko wa wumune a na va wa thomba yayingi kupinda votshe; kambe ngu mhaka ya tithomba takwe, a na kuzetela votshe kuve wukela mfumo wa Gresiya.

Dhaniyeli 5:28

Parisini: Mfumo wako wu abanisilwe, wu ningelwa ka Vamedhi ni Vapersiya.

Isaya 56:9

Anu motshenu sihari sa txitinga, anu motshenu sibanda sa txitinga, ngonani mi ta dya.”

Mavingu 17:12

I txhuko kumanana ni txibanda txo honyolwa vanana, kupinda kumanana ni txiphukuphuku amu ka wuphukuphuku wa txona.

2 Vafumeli 2:24

Se mbimo yile Elixa a nga tshembereka e wona msana, a to va ruketela ditinani ka Mkoma. Sekoko ku to huma singwingwi ngu mu ka txitxhotxhota, si vhandamulela vafana vale va mune wa magumi ni vambidi.

Mtuletelo 13:2

Txikalani txi ni nga txi wona txi ti fana ni yingwe, kambe minenge ya txona yi ti fana ni ya txingwingwi; m'dhonvu wa kona wu txi nga didomu da ngonyamo. Mwamilambo a to txi ninga mtamo wakwe, txikhalo txakwe txa wukoma, ni wukoma wa hombe.

Dhaniyeli 7:4

Txihari txo khata txi ti fana ni ngonyamo, kambe txi ti ni tibhapi ta digama; Ni to txi wonetela kala kuza tibhapi ta txona ti gwatelwa, se txi to gulwa, txi emiswa ha mafuni ngu minenge ya txona txi txi nga m'thu, txi ningwa mbilu ya m'thu.

Dhaniyeli 7:6

Msana keto, ni to simama ni wonetela, ni wona tximwani txihari txo fana ni yingwe, txi di ni mune wa tibhapi ta sinyana makatani ka txona; kambe txi ti ti ni mune wa misungo, se txi to ningwa kufuma.