Dhaniyeli 7:27 - Bhiblia Yo Sawuleka

²⁷ Se mfumo, ni mtamo, ni wuhombe wa mifumo hahatshi ka yotshe nzuma si na ningelwa ka vathu vo sawuleka va Nyatxitimwi; mfumo wawe mfumo wa kwa mbi guma, ni yotshe mitamo yi na mthumela ni ku muengisa.

Dhaniyeli 7:27 Referans Kwoze

Masalmo 72:11

Vafumeli votshe va na ti namisa masoni kwakwe; yotshe mifumo yi na mthumela!

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

Luka 1:33

A na fuma yotshe mbimo ka nyumba ya Jakobe, se mfumo wakwe kha wu na mbi va ni magwito.”

Dhaniyeli 7:14

Se a to ningwa kufuma, ni wudhumo, ni mfumo, kasi ku votshe vathu, matiko, ni tidimi si mthumela; kufuma kwakwe ngu fuma ka kwa mbi gwita, kha ku na mbi pinda, kambe mfumo wakwe, ngu wona wokha wa kwa mbi khundumuswa.

Masalmo 22:27

Vathu va yotshe mifumo va na alakanya Mkoma; ngu ka otshe madhawa a ditiko va na wuya kwakwe. Totshe tihunzu ti na mkhozela.

Dhaniyeli 7:18

Kambe va sawuleki va Nyatxitimwi va na amukela mfumo, kambe va na lumbwa ngu mfumo ngu ha ku si gwitiko, ni kala kupinduka ni kala kupinduka.

Dhaniyeli 2:44

Aniko ka masiku a vafumeli vale, Txizimu txa nzumani txi na wusa mfumo wu wu no mbi dhuka wu khundumuswa; se mfumo ewo kha wu na mbi pinda wuya ka vamwani vathu, wu na balisela ni kuheta yotshe mifumo eyo, kambe wu na zumba ngu ha ku sigwitiko.

Isaya 9:7

Kuanda ka kufuma ni kudikha kwakwe, kha ku na mbi va ni magwito txitimwi ka txikhalo txa wukoma txa Dhavhidha, ni ka mfumo wakwe, kasi kutsanisa ni kuseketela ngu wulamuli ni kululama, kukhukhela konkuwa, kala kupinduka; lirando la Mkoma wa Mabutho a Tiyimbi, a na maha eto.

Masalmo 145:13

Mfumo wako mfumo wa kala kupinduka; kufuma kwako kuhoka ka totshe tiveleko.

Masalmo 86:9

Mkoma, awe u mahile mifumo yotshe, se yona mifumo ya ta masoni kwako yi ta dhumisa ditina dako.

Mtuletelo 19:16

Kubhatwe ditina ha nguwoni kwakwe ni ha nyongani kwakwe: “Mfumeli wa vafumeli, Mkoma wa vakoma!”

Dhaniyeli 7:22

Kala kuza di txita didhota da kale, se ku txi ta ningelwa wulamulo ka vasawuleki va Nyatxitimwi; kambe ku to hoka mbimo yi vasawuleki va nga amukela mfumo.

Mtuletelo 17:14

Va na lwa ni Txinvutana, aniko Txinvutana txi na va xula, nguko txona i Mkoma wa vakoma ni Mfumeli wa vafumeli, se kumweko natxo kambe va na xula, avale va nga dhanwa, avale va nga sawulwa, ni makholwa.”

Zakariya 14:9

Se Mkoma a na maha mfumeli txitimwi ka otshe mafu, ka ditshiku donedo, mmwani a na va Mkoma, se mmwani a na va ditina dakwe.

Isaya 54:3

Nguko u na nava u txiya ka dianza da txinene, se liveleko lako li na lumbwa ngu matiko, li txi wusa madhoropa ale ma nga sala i di marumbi.

Mtuletelo 22:5

Kha ku na mbiswa ku di ni wusiku; ni wammweyo kha na mbiswa e lava kuwoninga ka dilambu, hambi kuwoninga ka ditambo, nguko Mkoma Txizimu a na va woninga, se vona va na fuma ngu ha ku si gumiko.

Johani 12:34

Vathu va dibutho va to xamula va txi kha vona: “Hi ti engisile amu ka Mlayo ti to Mesiya a na vaho kala kupinduka. Se u wombisa kutxani awe ti to Mwanana wa M'thu a fanete kuguletwa, kani? Mwanana wa M'thu wuwa ngu mani kani?”

Obhadhiya 1:21

Se ku na wuka vahanyisi mmangoni ka Siyoni, ku ta thethisa va mmangoni ka Esawu; se wukoma wu na va wa Mkoma.

Dhaniyeli 4:34

Aniko kugumani ka masiku ale, ani Nebhukodhonosori, ni to gula maso angu ni wona nzumani, se mapimo angu ma to wuya. Koneko ni to bonga Nyatxitimwi, ni dhumisa ni kulisa wule a hanyako ngu yotshe mbimo, nguko kufuma kwakwe ngu fuma ko mbi gwita, ni mfumo wakwe bwa liveleko ni liveleko.

Mtuletelo 20:4

Konako ni to wona sikhalo sa wukoma. Se avava va nga ti khalahatshile ka sona va to ningwa mtamo wo lamula. Ni to wona kambe mimoya ya vale va nga wilwa misungo ngu mhaka ya wufakazi wa Jesu ni Dipswi da Txizimu; ni vale va nga mbi khizamela txikalani ni txithombe txa txona. Kambe kha va amukela txixambanyo txa txona ha timbanza kwawe mwendo manzani kwawe. Vona va tshumete ve hanya ve fuma kumweko ni Kristu, txipimo txa 1.000 wa malembe.

1 Vakorinto 15:24

Magwito ka totshe, ngu mbimo yi Kristu a no tshumela e ningela Mfumo ka Txizimu Tate, msana ka kuva a di fuvisile kotshe kufuma, ni wotshe wukoma ni yotshe mitamo.

Mtuletelo 11:1

Msana keto, va to ni ninga litshava lo fana ni ndonga, va txi ni gela va txi kha vona: “Khukha u txi pima Dithepele da Txizimu, ni txiluvelo kumweko ni va va khozelako kona.

Isaya 14:2

Se vathu va na va amukela ve va yisa makhaloni kwawe, sekoko nyumba ya va ka Israyeli, yi na va fumela, amu ditikoni ka Mkoma, veva tikhumbi ta txiwamna ni ta txisikati. Va na maha tikhumbi ta vale va nga ti va mahile tikhumbi, ni kufumela vale i nga ti vaxanisa vawe.

Dhaniyeli 6:26

Ni leleta ti to ka madhawa otshe a mfumo wangu, vathu ve na dhudhumele ni kuthava masoni ka Txizimu txa Dhaniyeli; nguko txona nji Txizimu txi hanyako, txi zumbako kala kupinduka, kambe mfumo wa txona kha wu na khundumuswa; ni kufuma ka txona kha ku na mbi va ni magwito.