Dhaniyeli 7:25 - Bhiblia Yo Sawuleka

²⁵ Se a na womba mapswi o wukela Nyatxitimwi, e hangalasa vasawuleki va Nyatxitimwi, kambe a na phemberusa timbimo ni milayo; vasawuleki va na ningelwa manzani kwakwe ngu mbimo yokari, ni timbimo, ni hafu ya mbimo.

Dhaniyeli 7:25 Referans Kwoze

Mtuletelo 12:14

Kambe ene a to amukela mabhapi a mambidi a ngungwa ya hombe kasiku e purumela txiwulani, eya ka wukhalo wu wu nga ti lulamisetwe ene, kasi kuzumba a txi phamelwa kona sakudya, kule ni mnyoka, mbimo yimweyo, timbimo timbidi ni hafu ya mbimo.

2 Vatesalonika 2:4

awu a kanetako ni kutiguleta txitimwi ka sotshe si si dhanwako ku i Txizimu, ni si si khozelwako, e za eya khalahatsha ngu wutumbu Dithepeleni ka Txizimu, a txi ti womba ku ene i Txizimu.

Dhaniyeli 12:7

Se ni to pfa wamwamna wule a nga ambala syambalo sa linyu, a nga ti ti emile txitimwi ka mati a mnamboni, mbimo yi a nga guleta dianza dakwe da txinene, ni dianza dakwe da txibhabha e komba nzumani, se a to xambanya ngu wule a hanyako ngu ha ku si gwitiko, ti to msana ka mbimo yokari, ka timbimo ni ka hafu ya mbimo, ni mbimo yile va nova va di hetile kuhoxota mtamo wa vathu vo sawuleka, totshe timhaka tiya ti nava ti di humelete.

Mtuletelo 12:6

Se wamsikati e thava e tsula txiwulani, ahawa a nga ti lulamisetwe wukhalo ngu Txizimu, kasi kuve zumba ve mphamela sakudya mndani ka txipimo txa 1.260 wa masiku.

Dhaniyeli 2:21

Ngu txona txi hundulusako timbimo ni sikhati; txa thavisa ni kuveka vafumeli ha situluni kwawe; ngu txona txi ningako wuzivi ka sizivi ni wutxhari ka titxhari.

Mtuletelo 18:24

Se mndani kwako ku manekile mnoha wa vaprofeti ni wa vasawuleki, ni wa votshe va nga dawa ha mafuni.

Dhaniyeli 7:20

se ni timhaka ta digumi da titxheho, ni txi txhehwana txi txi nga huma hagari ka tona, masoni ka txona ku nga wa tiraru, txitxhehwana txa kona txi ti ni maso, ni txisofu txo womba-womba mapswi o guleka ngutu, txo tsana kupinda vangana va txona.

Isaya 37:23

U sote mani, niku u ruketete mani kani? Niku u kwangute u txi wukela mani, kambe u gulete mani maso kani? U wukete Msawuleki wa Israyeli!

Dhaniyeli 7:8

Se ni txi nga di ni wonetela titxheho eto, ni to wona limwani la lidotho li txi huma ngu hagari ka timwani, masoni ka tile tiraru to khata di nga dulwa; se ka litxheho e lo ku ti ni maso o fana niya m'thu, ni txisofu txi nga ti womba-womba mapswi o guleka ngutu.

Mtuletelo 17:6

Se ni to wona ti to wamsikati a ti levile ngu mnoha wa vasawuleki ni mnoha wa tifakazi ta Jesu. Ngako ni txi mu wona ni to tala ngu kuxamala ngutu.

Mtuletelo 14:12

Atiya ngu tona ti tsanisako kuhonisela ka vasawuleki, ava va veketako sirumo sa Txizimu ni likholo la Jesu.

Dhaniyeli 11:28

Sekoko a na tshumelela ditikoni kwakwe ni thomba yayingi, se mbilu yakwe yi na wukela txitumelelano txo sawuleka; kambe a na maha ti a no ti lava, aniko e tshumelela ditikoni kwakwe.

Mtuletelo 16:6

Nguko avava ngako va nga theketa mnoha wa vasawuleki ni vaprofeti, na nawe u va ningile mnoha ve sela. Va ni fanelo yeto.

Dhaniyeli 4:25

U na thaviswa hagari ka vathu, se u hanya ni sihari sa txitinga, se si na kumaha wudya mwasi kufana ni tihomu, wu nakaniswa ngu mwando wa nzumani; kambe ku na pinda mtxhanu wa timbimo ni timbidi txitimwi kwako, kala kuza wuziva ti to Nyatxitimwi wa fuma txitimwi ka mifumo ya vathu, ni kuninga kufuma ka wule amu randako.

Dhaniyeli 4:32

Se u na thaviswa hagari ka vathu, u ya zumba ni sihari sa txitinga; va na kumaha udya mwasi kufana ni tihomu, kuza kupinda mtxhanu wa timbimo ni timbidi, an'ze wuziva ti taku Nyatxitimwi wa fuma txitimwi ka mifumo ya vathu, kambe wa ninga ni wihi wu a mrandako.

2 Vatesalonika 2:3

Mi nga thuke mi txi kanganyiswa ni ka kudhoto ngu m'thu, nguko ku sinzi kumaha eto, kuthanga ku na vaho kutshumelela msana, ni kuwoneka ka m'thu wa txionho, mwanana wa kulova,

2 Vatesalonika 2:8

Se konako, a na wonekiswa ha kubasani m'bihi; se Mkoma Jesu a na mfuvisa ngu ku mfuteta ngu txisofu txakwe e m'lovisa ngu kuphatima ka kuta kwakwe.

Dhaniyeli 3:26

Sekoko Nebhukodhonosori a to tshuketa haditimbani ka txikho txa mndilo wo tura ngutu; e kwangula a txi khene: “Xadreke, Mixake, Abhedhi-Nego, anu sithumi sa Txizimu Nyatxitimwi, humani, ngonani kheno!” Sekoko Xadreke, Mixake ni Abhedhi-Nego va to huma ngu hagari ka mndilo.

Dhaniyeli 4:2

Ni to wona ti to ndinene kwangu ku ni mi komba sikombiso ni sidiwukiso si Txizimu, Nyatxitimwi, txi ni mahelako.

Dhaniyeli 4:17

Kulamula kuwa kuyelana ni mthetho wa vawoneleli, se kuruma kuwa ngu kule ka mlayo wa vasawuleki; Kasiku va va hanyako ve ziva ti taku Nyatxitimwi wa fuma txitimwi ka mifumo ya vathu, kambe wa ninga ni wuhi a mrandako, kala ka m'thu wa hahatshi ngutu.

Dhaniyeli 7:18

Kambe va sawuleki va Nyatxitimwi va na amukela mfumo, kambe va na lumbwa ngu mfumo ngu ha ku si gwitiko, ni kala kupinduka ni kala kupinduka.

Dhaniyeli 8:14

Se a to khene kwangu: Kala 2.300 wa mixo ni minova, se wukhalo wo sawuleka wu na sawulekiswa.

Hoseya 7:16

Vona va wuya, kambe kha va wuyeli Nyatxitimwi. Va ti mahile kufana ni wulaho wo kanganyisa; vathangeli vawe va dawa ngu ditxhari, ngu mhaka ya wulala wa lidimi lawe; atiya ti nava txisekiso ditikoni ka Egipta.

Dhaniyeli 8:9

Se ka limwelo la tona ku to mila txitxhehwana, txi kula ngutu, txi rendekela wulambwe, ni wutxani, ni ditikoni ko tshura.

Dhaniyeli 8:11

Se li li to ti tikulisa kala ka mthangeli wa dibutho; li mu tekela mphaxo wo hiswa wa ditshiku ni ditshiku, li wisa hahatshi wukhalo wakwe wo sawuleka.

Dhaniyeli 9:27

Aniko ene a na tsanisa txitumelelano ni votala ngu divhiki dimwedo; se ka hafu ya divhiki a na emisa miphaxo ni miningelo ya sakudya; muhoxoti a nata ngu tibhapini ka vanyenyeki, kambe eto ngu ha ku sigwitiko; ni sile si nga emiswa si na theketwa txitimwi ka muxaseli.