Dhaniyeli 7:21 - Bhiblia Yo Sawuleka

²¹ Ni to wonetela, ni wona litxheho lonelo li txi lwa ni vasawuleki, li va xula.

Dhaniyeli 7:21 Referans Kwoze

Dhaniyeli 12:7

Se ni to pfa wamwamna wule a nga ambala syambalo sa linyu, a nga ti ti emile txitimwi ka mati a mnamboni, mbimo yi a nga guleta dianza dakwe da txinene, ni dianza dakwe da txibhabha e komba nzumani, se a to xambanya ngu wule a hanyako ngu ha ku si gwitiko, ti to msana ka mbimo yokari, ka timbimo ni ka hafu ya mbimo, ni mbimo yile va nova va di hetile kuhoxota mtamo wa vathu vo sawuleka, totshe timhaka tiya ti nava ti di humelete.

Mtuletelo 17:14

Va na lwa ni Txinvutana, aniko Txinvutana txi na va xula, nguko txona i Mkoma wa vakoma ni Mfumeli wa vafumeli, se kumweko natxo kambe va na xula, avale va nga dhanwa, avale va nga sawulwa, ni makholwa.”

Dhaniyeli 8:24

Se mtamo wakwe wu na tsana, na i si nga ngu mtamo wakwe apune; kambe a na haxula ngu kuxamalisa, e bhindula e maha kuranda kwakwe; a na lovisa tindena ni ditiko do sawuleka.

Mtuletelo 17:6

Se ni to wona ti to wamsikati a ti levile ngu mnoha wa vasawuleki ni mnoha wa tifakazi ta Jesu. Ngako ni txi mu wona ni to tala ngu kuxamala ngutu.

Mtuletelo 19:19

Se ni to wona txikalani txi di tshangani kumweko ni vafumeli va ha mafuni, ni sikwata sawe sa masotxhwa, kasi kutalwa ni m'gadhi wa dihantxhi ni mtxawa wakwe wa masotxhwa.

Dhaniyeli 8:12

Se dibutho di to ningelwa ka lona, kumweko ni mphaxo wa ditshiku ni ditshiku, ngu mhaka ya si hambunyeto; se li to wisa ditshuri ha mafuni; li humelela ka mithumo ya lona.

Dhaniyeli 11:31

Se ku na huma mitamo yokari yi txiya kwakwe, yi txiya nyenyezisa wukhalo wo sawuleka ni mikhokhola, kambe yi na fuvisa miphaxo ya ditshiku ni ditshiku, yi na veka tximaha txa kudhukisela ka hombe.

Dhaniyeli 7:20

se ni timhaka ta digumi da titxheho, ni txi txhehwana txi txi nga huma hagari ka tona, masoni ka txona ku nga wa tiraru, txitxhehwana txa kona txi ti ni maso, ni txisofu txo womba-womba mapswi o guleka ngutu, txo tsana kupinda vangana va txona.

Dhaniyeli 8:9

Se ka limwelo la tona ku to mila txitxhehwana, txi kula ngutu, txi rendekela wulambwe, ni wutxani, ni ditikoni ko tshura.