Dhaniyeli 7:20 - Bhiblia Yo Sawuleka

²⁰ se ni timhaka ta digumi da titxheho, ni txi txhehwana txi txi nga huma hagari ka tona, masoni ka txona ku nga wa tiraru, txitxhehwana txa kona txi ti ni maso, ni txisofu txo womba-womba mapswi o guleka ngutu, txo tsana kupinda vangana va txona.

Dhaniyeli 7:20 Referans Kwoze

Dhaniyeli 7:23

A to womba ku khene: Txihari txa wumune i mfumo wa wumune wa ha mafuni, wule wu no hambana ni yotshe mifumo; wu na khadamula otshe mafu, wu ganyatela ngu mikondo, ni kuphatulela.

Dhaniyeli 7:8

Se ni txi nga di ni wonetela titxheho eto, ni to wona limwani la lidotho li txi huma ngu hagari ka timwani, masoni ka tile tiraru to khata di nga dulwa; se ka litxheho e lo ku ti ni maso o fana niya m'thu, ni txisofu txi nga ti womba-womba mapswi o guleka ngutu.

Dhaniyeli 7:11

Sekoko ni to simama ni wona, ngu mhaka ya mpfumawulo wa mapswi a hombe ma nga wombwa ngu litxheho; ni to wonetela kala kuza txihari txi txi dawa, se mmidi wa txona wu gangelwa wu ningelwa ti to wuhiswa ngu mndilo.

Mtuletelo 12:3

Ngu msana ku to woneka tximwani txidiwukiso nzumani: Mwamilambo wa hombe ngutu, wo bhilivila a di ni mtxhanu wa misungo ni mimbidi, ni digumi da titxheho, se misungo yi ti ni mibhoti yotshelele.

Dhaniyeli 7:7

Msana keto, ni toya masoni ngu kuwona siwoniso sa wusiku, ni to wona txihari txa wumune, txo thisa ngutu ni kuxamalisa, txa mtamo ngutu, txi nga ti ni makwasa a hombe a tisimbi; txona txi ti ti khadamula ni kuphatulela, txi ganyatela ngu mikondo asile si nga tisala; txi ti hambana ni sotshe sihari sile si nga khata si humelela na txi si se vaho txona, kambe txi ti ni digumi da titxheho.

Dhaniyeli 7:19

Sekoko ni to navela kuziva ditshuri madingano ni txihari txa wumune, txi nga ti hambani ni sotshe sihari, txo thisa ngutu, txa makwasa a simbi ni siyala sa txikete; txi sikotako kukhadamula ni kuphatulela, txi ganyetela si si salako ngu mikondo ya txona;

Dhaniyeli 7:21

Ni to wonetela, ni wona litxheho lonelo li txi lwa ni vasawuleki, li va xula.