Dhaniyeli 7:2 - Bhiblia Yo Sawuleka

² Dhaniyeli a to womba a txi khene: Ni to wona amu ka txiwoniso txangu txa ha wusiku, mune wa mimoya ya nzumani yi txi vhilusa mati a Linene la hombe.

Dhaniyeli 7:2 Referans Kwoze

Mtuletelo 7:1

Msana ka tiya, ni to wona mune wa tingelozi ti di emile ka mune wa makhona a mafu, ti di ñote maphuho a mune a mafu, kasi ku di si peki diphuho ha mafuni, ha lineneni mwendo ha mndongani.

Mtuletelo 17:15

Ngelozi yi to engeta yi txi kha yona: Mati yawa u nga ma wona, ahawa digelegele di nga khala kona, i matiko ni mabutho a vathu, mifumo ni tidimi.

Matewu 24:31

Ene a na rumela tingelozi takwe ngu kuvetwa ka mpundu wa hombe, kasi kuramba vasawuleki vakwe ngu ka otshe maphambo a mune, kukhukhela magemeta-mitshi ka nzuma kala kumwani magemeta-mitshi ka yona nzuma.”

Jeremiya 49:36

Ni na tisa txitimwi ka Elame, mune wa mimoya ya mune wa makhona a nzuma, se ni na yi hangalasa yi londisa mimoya yiya yotshe; kambe kha di na mbi vaho ditiko di va no mbi tutumela ka dona va ka Elame.

Dhaniyeli 2:19

Sekoko txihunja txi to wonekiswa ka Dhaniyeli, amu ka mloro, ni wusiku; se Dhaniyeli a to dhumisa Txizimu txa nzumani.

Dhaniyeli 7:7

Msana keto, ni toya masoni ngu kuwona siwoniso sa wusiku, ni to wona txihari txa wumune, txo thisa ngutu ni kuxamalisa, txa mtamo ngutu, txi nga ti ni makwasa a hombe a tisimbi; txona txi ti ti khadamula ni kuphatulela, txi ganyatela ngu mikondo asile si nga tisala; txi ti hambana ni sotshe sihari sile si nga khata si humelela na txi si se vaho txona, kambe txi ti ni digumi da titxheho.

Dhaniyeli 7:13

Ka txiwoniso txangu txa wusiku, ni to wona txo fana ni mwanana wa m'thu, a txi ta ngu ka marefu a nzumani; se a to tshuketela ka didhota dile da kale, eza e hoka hafuhi ka dona.

Dhaniyeli 8:2

Se ni to wona ka txiwoniso, (ni wona ku txi manheka, ti to ani ni ti didhoropani ka Xuxani, ditikoni ka Elame), ni to wona koko ka txiwoniso, ti to ni ti hafuhi ni mnambo wa Ulayi.

Dhaniyeli 8:8

Aniko mabhongwe a to tikulisa ngutu ta tinene; kambe a di ngadi mtamoni kwakwe ka hombe, litxheho lile la hombe li to funywa; se kumila mune wa tona ka wukhalo wa lona, ta hombe ni tona, ti kula ti di rendekete ka mune wa mimoya ya nzumani.

Dhaniyeli 11:4

Aniko ngako ene a di ngadi emile, mfumo wakwe wu na hoxotwa wu abaniswa ngu mune wa mimoya ya nzumani; kambe kha wu na mbi ningelwa ka liveleko lakwe, hambi mtamo wa kona kha wu na mbi fana ni wakwe, nguko mfumo wakwe wu na honyolwa wu ningela ka vamwani.

Zakariya 6:5

Se ngelozi yi to ni xamula yi txi kha yona: Ayiya i mune wa mimoya ya nzumani, yi humako ngu mu yi nga ti ti kona masoni ka Mkoma wa mafu otshe.

Isaya 17:12

Dikhombo ka dibutho da hombe da vathu vale va bhongako, nga ti ti bhongisako tona tinene, ni kudhuma ka matiko, ma dhumako kufana ni kudhuma ka mati o tala!

Jeremiya 51:42

Linene li gulekile kupinda Bhabhilona, li txi mfenengeta ngu mavimbi amangi.