Dhaniyeli 7:18 - Bhiblia Yo Sawuleka

¹⁸ Kambe va sawuleki va Nyatxitimwi va na amukela mfumo, kambe va na lumbwa ngu mfumo ngu ha ku si gwitiko, ni kala kupinduka ni kala kupinduka.

Dhaniyeli 7:18 Referans Kwoze

Dhaniyeli 7:27

Se mfumo, ni mtamo, ni wuhombe wa mifumo hahatshi ka yotshe nzuma si na ningelwa ka vathu vo sawuleka va Nyatxitimwi; mfumo wawe mfumo wa kwa mbi guma, ni yotshe mitamo yi na mthumela ni ku muengisa.

Mtuletelo 5:10

Ngu vona u mahete Txizimu txathu, mfumo wa vaphaxeli, se vona va na fuma ha mafuni.”

Mtuletelo 20:4

Konako ni to wona sikhalo sa wukoma. Se avava va nga ti khalahatshile ka sona va to ningwa mtamo wo lamula. Ni to wona kambe mimoya ya vale va nga wilwa misungo ngu mhaka ya wufakazi wa Jesu ni Dipswi da Txizimu; ni vale va nga mbi khizamela txikalani ni txithombe txa txona. Kambe kha va amukela txixambanyo txa txona ha timbanza kwawe mwendo manzani kwawe. Vona va tshumete ve hanya ve fuma kumweko ni Kristu, txipimo txa 1.000 wa malembe.

Dhaniyeli 7:22

Kala kuza di txita didhota da kale, se ku txi ta ningelwa wulamulo ka vasawuleki va Nyatxitimwi; kambe ku to hoka mbimo yi vasawuleki va nga amukela mfumo.

Masalmo 45:16

Awe mfumeli, vanana vako ngu vona va no kutsiveta ha txikhaloni ka wukoma atxi va nga ti khalahatshile ka txona vakale vako; u na va veka ve maha tinduna tako ka matiko otshe.

Vaefesu 1:3

Txi na dhumiswe Txizimu Tate wa Mkoma wathu Jesu Kristu, txi nga hi katekisa ngu makatekwa a moya wa nzumani, ngu ka Kristu.

Mtuletelo 3:21

Ka wu a xulako ni na mninga kateko yo khalahatsha kumweko ni nani ha txikhaloni kwangu ka wukoma, kufana ni nani ni nga xula, se ni nga khalahatsha kumweko ni Tate wangu ha txikhaloni kwakwe ka wukoma.

Vaefesu 6:12

nguko kha hilwi ni nyama ni mnoha, aniko hilwa ni mimoya yo biha yi ku txitimwi mpfhukani, ni tinduna, ni vafumi ni vakoma va va fumako ka ditiko diya da txidema.

Luka 1:33

A na fuma yotshe mbimo ka nyumba ya Jakobe, se mfumo wakwe kha wu na mbi va ni magwito.”

1 Vakorinto 6:2

Ina kha mi tizivi ti to vasawuleki ngu vona va no lamula ditiko, kani? Se ngako ditiko di txi na lamulwa ngu nganu, ina kha mi nga ni fanelo yo lamula timhaka ta tidotho, kani?

Mtuletelo 22:5

Kha ku na mbiswa ku di ni wusiku; ni wammweyo kha na mbiswa e lava kuwoninga ka dilambu, hambi kuwoninga ka ditambo, nguko Mkoma Txizimu a na va woninga, se vona va na fuma ngu ha ku si gumiko.

Masalmo 49:14

Va siketwe kufa kufana ni tinvuta, se lifo li na maha m'dyisi wawe; va na mitwa ngu lifo kufana ni sihari; mtamo wawe wu na mitwa wu txi txakutelwa ngu dithuna.

Isaya 14:2

Se vathu va na va amukela ve va yisa makhaloni kwawe, sekoko nyumba ya va ka Israyeli, yi na va fumela, amu ditikoni ka Mkoma, veva tikhumbi ta txiwamna ni ta txisikati. Va na maha tikhumbi ta vale va nga ti va mahile tikhumbi, ni kufumela vale i nga ti vaxanisa vawe.

Dhaniyeli 7:14

Se a to ningwa kufuma, ni wudhumo, ni mfumo, kasi ku votshe vathu, matiko, ni tidimi si mthumela; kufuma kwakwe ngu fuma ka kwa mbi gwita, kha ku na mbi pinda, kambe mfumo wakwe, ngu wona wokha wa kwa mbi khundumuswa.

Dhaniyeli 7:17

Sihari siya sa hombe i ku mune, i mune wa vafumeli, va no maneka ha mafuni.

Dhaniyeli 7:25

Se a na womba mapswi o wukela Nyatxitimwi, e hangalasa vasawuleki va Nyatxitimwi, kambe a na phemberusa timbimo ni milayo; vasawuleki va na ningelwa manzani kwakwe ngu mbimo yokari, ni timbimo, ni hafu ya mbimo.

Obhadhiya 1:17

Kambe mmangoni ka Siyoni ku nava ni vahuluki, se mmango wu na va wo sawuleka; va nyumba ya ka Jakobe va na teka tithomba tawe.