Dhaniyeli 7:16 - Bhiblia Yo Sawuleka

¹⁶ Ni to tshuketa ka mmweyo wa vale va nga ti hafuhi, ni kombela kuziva ditshuri da totshe tiya. Se a to womba e ni zivisa txhamuselo ya tona tiya.

Dhaniyeli 7:16 Referans Kwoze

Mtuletelo 5:5

Aniko didhota dimwedo di ni malatile di txi kha dona: “U nga dile. Wona, ngonyamo ya lihunzu la Judha, Mkoloti wa lixaka la Dhavhidha, yi xute, ngu konaho ya sikota kutula dibhuku ni kukwamula sixambanyo sa dona sa mtxhanu ni simbidi.”

Zakariya 2:3

Se wona taku, ngelozi yi yi nga ti ti womba-womba ni nani yi to khukha, kukhukha yimwani ngelozi yi yi hingeta.

Dhaniyeli 7:10

Ku to huma mnambo wa mndilo ngu masoni kwakwe; vathu va magumi a mazana ve di thumela, ni magidi-gidi a vathu ma ti masoni ka dona; se ku to khalahatsha valamuli, se ku txi tulwa mabhuku.

Zakariya 3:7

A womba tiya Mkoma wa Mabutho a Tiyimbi: U txi tsimbila ngu tinzila tangu, u xayisa sileleto sangu, ngawe u no lamula nyumba yangu, ni kuxayisa mitendela yangu, ni na kuninga wukhalo hagari ka awa ma kuho hawa.

Dhaniyeli 9:22

Se a to ni laya, e womba kwangu, a txi khene: Dhaniyeli, konkuwa ni tile ku ta kumaha upfisisa txiwoniso txako.

Dhaniyeli 7:17

Sihari siya sa hombe i ku mune, i mune wa vafumeli, va no maneka ha mafuni.

Dhaniyeli 8:17

Aniko a to ta hafuhi ni ha ni nga ti kona, se a txi ngadi a txi ta ni to wa ngu khohe yangu ngu kuthava; kambe ene a to khene kwangu: Pfisisa awe mwanana wa m'thu, nguko txiwoniso txiya txi na tatiseka ngu mbimo yo gwita.

Zakariya 1:19

Kambe ni to wotisa ka ngelozi yile yi nga ti ti womba-womba ni nani, ni txi khani: Njitxani txiya kani? Se yi to kha yona kwangu: Atiya nditxheho tile ti nga hangalasa Judha, ni Israyeli, ni Jerusalema.