Dhaniyeli 7:10 - Bhiblia Yo Sawuleka

¹⁰ Ku to huma mnambo wa mndilo ngu masoni kwakwe; vathu va magumi a mazana ve di thumela, ni magidi-gidi a vathu ma ti masoni ka dona; se ku to khalahatsha valamuli, se ku txi tulwa mabhuku.

Dhaniyeli 7:10 Referans Kwoze

Isaya 30:27

Wonani taku, ditina da Mkoma dita ngu kule, di txi tura ngu txiviti txakwe, di hangalasa wutshi wo phuma; txisofu txakwe txi tate ngu kuhenya, ni lidimi lakwe li fana ni mndilo wo tshokomisa;

Dhewuteronome 33:2

“A to khene koko: Mkoma a tile ngu Sinayi, a kwelete na a txi ta ngu Seyiri; a woningile a di mmangoni ka Parani, a txi ta ni 10.000 wa vasawuleki; txinene kwakwe ku ti ti ni mndilo wa mlayo.

Mtuletelo 5:11

Konako ni woni txiwoniso, ni engisile kambe mapswi a tingelozi ta tingi, ti di randete txikhalo txa wukoma, kumweko ni sivangwa si si hanyako ni madhota-mtengo wa tona i ti makhulu-khulu ni makhulu-khulu ni mazana a mazana a ku ambi balwa.

Masalmo 50:3

Txizimu txathu txi nata, kambe kha txi na mbi ta malala; masoni ka txona kuhuma mndilo wo hisa ngutu, ka otshe madhawa a txona, ku na ni txihuhuri txa mtamo.

Masalmo 68:17

Sikotxikani sa Txizimu magumi mambidi a ma 1.000 a ma 1.000 ni ma 1.000; Mkoma a tile ngu Sinayi a txi ta wukhaloni ko sawuleka.

Judha 1:14

Enoki, i ku wa wutxhanu ni vambidi kukhukhela ka Adhamu, a profetile ngu vona vava, a txi khene: “Wonani, Mkoma wata kumweko ni mabutho akwe o sawuleka, a mazanazana,

Matewu 25:31

“Mbimo yi a nota Mwanana wa M'thu ni wudhumo wakwe, kumweko ni tingelozi takwe, ene a nata khalahatsha ha txikhaloni kwakwe ka wukoma.

Isaya 30:33

Nguko txikho txi lulamisilwe kukhukhela nyamnova, ina, kululamisetwe mfumeli; ene a lulamisile ngu kutshimisa ni kuanamisa; mtamo wakwe mndilo, kambe wu ku ni tikhuni to tala; kufuteta ka Mkoma ko fana ni ka mnambo wa txivavula, ku na txi dhivela.

1 Vafumeli 22:19

Sekoko Mikaya a to khene: Engisa koko dipswi da Mkoma: Ni woni Mkoma a di khahatshile ka txikhalo txakwe txa wukoma, kambe dotshe dibutho da nzumani, di ti hafuhi ni nene, ngu didhawa kwakwe ka txinene, ni didhawa kwakwe ka txibhabha.

Dhaniyeli 7:22

Kala kuza di txita didhota da kale, se ku txi ta ningelwa wulamulo ka vasawuleki va Nyatxitimwi; kambe ku to hoka mbimo yi vasawuleki va nga amukela mfumo.

Vahebheru 12:22

Aniko, anu mi tshuketete ka mmango wa Siyoni, didhoropani ka Txizimu txi txi hanyako, Jerusalema wa nzumani, ka tingelozi ta mazana ni mazana, ati ti ku hagari ka msaho.

Zakariya 14:5

Se mi na tutuma ngu mkova wa mimango yangu (nguko mkova wa mmango wu na hoka kala Azeli), se mi na tutumisa ku nga tile mi nga tutumisa tona, ngu kuzinginika ka mafu, ka masiku a Uziya, mfumeli wa ka Judha; sekoko a nata Mkoma, Txizimu txangu, ni votshe vasawuleki, awe Mkoma.

Dhaniyeli 7:26

Aniko wulamuli wu na tsana, se vona va na teka mfumo wakwe, va txi wu khundumusa ni ku wu hangalasa do gwita.

Vahebheru 1:14

Ina tingelozi totshe hi nga mimoya yi yi thumako mithumo, ayi yi nga rumelwa kuthumela avale va fanelako kuamukela thomba ya kuhanyiswa, kani?

Mtuletelo 11:18

Mifumo yi ti ti kwatile, aniko kuhenya kwako kuhokile, i mbimo yo lamula vafi, I mbimo yo ninga hakhelo ka vaprofeti sithumi sako, ni ka vasawuleki vako va va thavako ditina dako, vavadotho ni vahombe, I mbimo kambe ya kufuvisa avava va nga onhisa mafu.”

2 Makronika 18:18

A to khene kambe: Engisani dipswi da Mkoma koko. Ani ni woni Mkoma a di khalahatshile txikhaloni txakwe txa wukoma, ni dotshe dibutho da yimbi ya ni nzumani, di di emile didhawani da txinene ni da txibhabha.

Masalmo 18:8

Wu humile wutshi ngu tithonvuni ka txona ku txi huma mndilo wa luhya ngu txisofuni ka txona; kuhuma kambe ni makala a mndilo wo tura.

Dhaniyeli 12:1

Se ka mbimo yoneyo, ku na humelela Migeli, mthangeli wa hombe, a wuselwako vanana va ditiko dako, kambe ku nava ni mbimo ya kuxaniseka, ko mbi khala kuhumelela, kukhukhela ku nga va ni mfumo kala ka mbimo yile; aniko ka yoneyo mbimo, vathu vako va na hulukiswa, votshe vale va no maneka va di bhatwe amu ka dibhuku.

Jobe 25:3

Ina mabutho a txona ma ni mtengo kani? Niku i mani wule asi hokelwiko ngu liwoningo la txona kani?

Masalmo 103:21

Dhumisani Mkoma anu mabutho a nzumani, anu sithumi sakwe mi mahako kuranda kwakwe!