Dhaniyeli 6:7 - Bhiblia Yo Sawuleka

⁷ Votshe vathangeli va mfumo, vafumeli ni vafumeli va ditiko, vathangeli va yimbi, ni vafumeli va matiko a hombe, va to sunga txikungo, kasi kuveka txileleto txa wukoma ni kutsanisa mlayo wuwa, waku: Ni wuhi wuwa mndani ka magumi mararu a masiku a no maha txikombelo ka txizimu txokari mwendo ka m'thu wokari, na i si nga kwako, awe mfumeli, a na rinzwe diphalani ka tingonyamo.

Dhaniyeli 6:7 Referans Kwoze

Masalmo 59:3

nguko a va va ni riyelako, va wukela muhefemulo wangu, vathu va mtamo va maha sikungo so ni wukela, ni sa hambunyeta txilo hambi kuve ni mnandu, awe Mkoma.

Dhaniyeli 3:27

Se tinganakana, ni tinduna, ni vafumeli, ni vathangeli va yimbi ya mfumeli, va to sengeletana ve wonetela vavamna vava, se va to wona taku mndilo kha wa mana mtamo txitimwi ka mimidi yawe; aha ko hambi msisi ni wawumwewo wa ha msungo kwawe wu sahya, hambi majasi awe kha ma txitxa, hambi kununga ka mndilo ku si pfali kwawe.

Dhaniyeli 3:6

Se ni wuhi a no lamba kukhizama e txi khozela, ka mbimo yoneyo a na rinzwa mndani ka txikho txa mndilo wu wu turako ngutu.

Dhaniyeli 3:2

Mfumeli Nebhukodhonosori a to sengeleta tinganakana, ni va vafumeli ni vathangeli, ni valamuli, ni vaxayisi va timale, ni madhota, ni vathangeli va mabutho a yimbi, ni votshe vafumeli va matiko a hombe, kasiku ve ta tsakela txithombe, txi mfumeli Nebhukodhonosori a nga ti txi emisile.

Masalmo 62:4

Mi alakanya wurena dwe mi thumisa makuhu kufela kudaya. Ma dhumisa ngu txisofu txanu, aniko ngu mbilu ma ruketela.

Johani 12:10

Se vaphaxeli va hombe va to maha txikungo txa kudaya nene Lazaro.

Marku 15:1

Ni mixo, vaphaxeli va hombe va to tshangana ve maha txikungo kumweko ni madhota ni vabhali ni dotshe Dibanza. Sekoko, va di sungile Jesu, va to mteka ve tsula veya mningela ka Pilato.

Matewu 26:4

Konaho va to ya sunga txikungo txa kuñola Jesu, kasi ku m'daya.

Matewu 12:14

Aniko Vafarisi va to huma veya txikungoni kasi kuya langana ti to va na m'dayisa kutxani.

Masalmo 10:9

A fana ni ngonyamo yi ku diphalani ka yona; ene wa riya milawu kasi kubzweta txisiwana; mbimo yi a txi bzwetako wa txi ruruvisa, e txi ndinda ngu mlawu wakwe.

Nahume 2:12

Ngonyamo yi ti ti phatulela asi si nga ti dingana vanana va yona, kambe yi ti ti kama makolo a sihari kasi kuya ninga tingonyamo ta mikati, ni ku tata dizumbo da yona ngu mipfimba, ni maphala a yona ngu so xotwa.

Mika 6:5

Anu vathu vangu, alakanyani makungo a Bhalake, mfumeli wa Mowabhi, ni ti a nga mxamula Bhalahamu, mwana Bheyori, kukhukhela Sitime kala Giligali; kasi ku mi ziva wululamo wa Mkoma.

Dhaniyeli 3:11

se ni wuhi a no mbi khizama e txi khozela, a na rinzwa mndani ka txikho txa mndilo wu wu turako ngutu.

Masalmo 94:20

Awe khu sikoti kusengela ni valamuli vo biha, nguko evo va teka wubihi va txi wu maha mlayo.

Masalmo 2:2

Vafumeli va mafu va wukile, vakoma va maha txikungo hagari kwawe txa kuwukela Mkoma Txizimu, ni kuwukela Mkoma wule txona txi nga msawula.

Masalmo 83:5

Votshe va mahile txikungo ngu mbilu yimweyo txo kuwukela; ve pfana kasi kulwa ni nawe.

Dhaniyeli 6:16

Sekoko mfumeli a to leleta ti taku kutiswa Dhaniyeli, e rinzwa diphalani ka tingonyamo. Se mfumeli a to womba ka Dhaniyeli, a txi khene: “Txizimu txako, a txi u txi thumelako mbimo yotshe txi na kuhulukisa!”

Masalmo 59:5

Awe koko Mkoma, Txizimu txa Mabutho a Tiyimbi, Txizimu txa Israyeli, wuka u tsayisa otshe matiko: U ngave ni wumbilu ka ni wihi wa votshe vale va mahako kubiha.

Dhaniyeli 2:4

Se Vakaldheya va to kha vona ka mfumeli ngu txisiriya: Awe mfumeli, hanya kala kupinduka! Hi gela mloro athu sithumi sako, hi na wutxhamusela.

Dhaniyeli 6:22

Txizimu txangu txi rumete Ngelozi ya txona yi ta vhala sisofu sa tingonyamo, kasiku ti si ni mahi txilo, nguko ni manekile ni si na mnandu masoni ka Txizimu; hambi masoni kwako, awe mfumeli, kha ni khali kumaha wubihi ni wawumwewo.