Dhaniyeli 6:4 - Bhiblia Yo Sawuleka

⁴ Sekoko vathangeli ni vafumeli, va to lava nzila yo wukela Dhaniyeli ngu mhaka ya mfumo; kambe kha va mana nzila hambi mnandu ni wawumwewo; nguko ene a ti thembekile, aniko kwakwe kha kwa maneka wubihi mwendo mnandu.

Dhaniyeli 6:4 Referans Kwoze

1 Pedro 3:16

Mi fanete kumaha tiya ngu mbilu ya kululama, kasiku, hambi ka tile va wombako kubiha ngu nganu, ve thelwa tingana, avale va wombako kubiha ngu dihanyo danu ka Kristu.

Vafilipiya 2:15

kasiku mi va mi si nga ni txisolo na mi di basile, mi va vanana va Txizimu vo mbi na nzambwa, hagari ka liveleko lo soholoka, na li di xangile; mi fanete kuphatima hagari kwawe, nga malambu ha mafuni;

1 Pedro 2:12

Wutomi wanu hagari ka va va si kholwiko, wu nave wa wunene ngutu, kasi ku ngako va txi mi lumbeta, kuva mi di vabihi, vona va na yi ziva mithumo yanu ya yinene, se ve dhumisa Txizimu ka ditshiku da kuta ka txona.

Luka 20:20

Se va to baramela Jesu, ve rumela sinyengwani, si nga txi ti maha vathu vo lulama, kasiku mkhakheta ka dipswi dokari, ti to va na mningela ka wulamuli, ni ka mtamo wa mfumeli.

Titosi 2:8

thumisa dipswi da dinene, adiya di ku si nga ni dikhwiti, di si sikotiko kukambulwa, kasiku mlala, ngako asi mani txilo txo soleka kwathu, a na wiswa tingana.

Matewu 27:18

Nguko a tiziva ti to va mu ningete ngu livengo.

Jeremiya 20:10

Nguko ni pfite kungungurukela ka vavangi: Kuho kuthava ka otshe madhawa! “Wombani, hi na mmangala!” Votshe vale va ku ni kuthutha ni nani, va verela kuwa kwangu, va txi kha vona: “Mwendo a nga tumela kukujetelwa, sekoko hi na mxuthula, kuva hi pharela kwakwe.”

1 Timoti 5:14

Ngu toneto, ni navela ti to tinoni ti ku ngadi tiphya ti tekwa, ti veleka vanana, ti wonda mwaya, ti si tuleli mlala nzila yo womba kubiha ngu wukhongeli.

Ekleziyaste 4:4

Kambe ni to wona ti to wotshe mthumo, ni kotshe ku ti ningela kuthumani, si tisa kubavelwa ka m'thu, ngu mwakelani wakwe. Eto ni tona mbukanganyisi, ni kuxaniseka ka moya.

Mavingu 29:27

Muonhi njinyenyeko ka wule wo lulama, se nene wule wa tinzila ta tinene njinyenyeko ka muonhi.

Valamuli 14:4

Aniko tate wakwe ni mame wakwe, va ti si ti zivi ti to atiya ti txi ta ngu ka Mkoma; nguko a ti ti lava nzila ya kutsayisa Vafilista, ngako ka yona yile mbimo, Vafilista va ti ti fuma txitimwi ka Israyeli.

Genesisi 43:18

Sekoko vavamna vale va to dhuka, ngako va txi heleketwa m'tini ka Josefa, va txi kha vona: “Mwendo i nga va mhaka ya male yile hi nga tshumela nayo dile do khata masakani kwathu, akuwa va hi tisako hawa; va lava ku hi ñola, va txi hi xanisa, va txi hi maha tikhumbi tawe, ni timbongola tathu.”

2 Vakorinto 11:12

Ati ni ti mahako ni na zumba ni txi ti maha, kasi kusiwukisa vale va lavako kutiguleta ngu nduma yo fana ni yi athu hi ku nayo.

Johani 19:4

Sekoko Pilato a to huma kambe, e va gela tiya: “Wonani, na mu humisa hahanze kufela ku mi ti wona ti to kha ni mani mnandu ni wawumwewo kwakwe.”

Luka 22:2

vaphaxeli va hombe ni vabhali va ti lava nzila ya tiya va no dayisa tona Jesu, nguko va ti thava vathu.

Matewu 26:4

Konaho va to ya sunga txikungo txa kuñola Jesu, kasi ku m'daya.

Dhaniyeli 3:8

Se ka mbimo yoneyo, ku to tshuketa vavamna vokari va Vakaldheya ve ta mangalela Vajudha.

Jeremiya 18:23

Aniko, awe Mkoma, wa txi ziva txikungo txawe, txo xota ku ni daya. U nga divalele wubihi wawe, hambi kupfhita txionho txawe masoni kwako. Va na humbwe va txi wa masoni kwako, va mahele eto ngu mbimo ya kuhenya kwako.

Jeremiya 18:18

Sekoko va to kha vona: “Ngonani hi ta maha txikungo txo wukela Jeremiya; nguko vaphaxeli kha va na mbi tandeka ku hi ninga m'layo, hambi txhari ku hi ninga wusungukati, hambi vaprofeti ku hi ninga dipswi. Ngonani hi na ya muhika ngu tidimi tathu, hi si khataleli timhaka takwe.”

1 Samuwele 22:14

Se Ayimeleki a to xamula ka mfumeli, a txi khene: I mani a kuho hagari ka sotshe sithumi sako, wo thembeka kufana ni Dhavhidha, mwane wa mfumeli, wo engisa ni kudhundeka nyumbani kwako kani?

1 Samuwele 18:14

Se Dhavhidha a to tsimbila ngu kululama ka totshe tinzila takwe, aniko Mkoma a ti ti ni nene.

Luka 20:26

Se kha va sikota ku m'bzweta ngu mapswi dipswi dokari masoni ka vathu; va to xamala xamulo yakwe, va so kaye.

Jeremiya 29:7

Lavani kuthutha ka didhoropa di mi no yiswa ka dona; mi txi di khongelela ka Mkoma, nguko kuthutha ka dona, mi na va ni kuthutha.

Dhaniyeli 6:22

Txizimu txangu txi rumete Ngelozi ya txona yi ta vhala sisofu sa tingonyamo, kasiku ti si ni mahi txilo, nguko ni manekile ni si na mnandu masoni ka Txizimu; hambi masoni kwako, awe mfumeli, kha ni khali kumaha wubihi ni wawumwewo.

Genesisi 41:38

Se Faro a to khene ka sithumi sakwe: “Ina hi nga mmana mmwani m'thu wo nga wuwa, awu moya wa Txizimu wu ku kwakwe kani?”

1 Samuwele 12:4

Sekoko va to kha vona: Khu ya hi dyelela ngu txilo, kambe khu ya hi xanisa, hambi kuteka tximaha txokari txa manzani ka m'thu.

Dhaniyeli 5:12

Ngu kumaha keto ku to maneka ka Dhaniyeli moya wa wunene, wa wuzivi, wa mapimo, wo txhamusela miloro, kutxhamusela masambala, ni kuthavisa kukanakana, keyo mfumeli a nga mninga ditina daku i Bhelxazari; konkuwa koko a na dhanwe Dhaniyeli, se ene a ta ninga txhamusela.