Biblia Todo Logo
Bib sou entènèt

- Piblisite -




Dhaniyeli 6:26 - Bhiblia Yo Sawuleka

26 Ni leleta ti to ka madhawa otshe a mfumo wangu, vathu ve na dhudhumele ni kuthava masoni ka Txizimu txa Dhaniyeli; nguko txona nji Txizimu txi hanyako, txi zumbako kala kupinduka, kambe mfumo wa txona kha wu na khundumuswa; ni kufuma ka txona kha ku na mbi va ni magwito.

Gade chapit la Kopi




Dhaniyeli 6:26
39 Referans Kwoze  

Aniko kugumani ka masiku ale, ani Nebhukodhonosori, ni to gula maso angu ni wona nzumani, se mapimo angu ma to wuya. Koneko ni to bonga Nyatxitimwi, ni dhumisa ni kulisa wule a hanyako ngu yotshe mbimo, nguko kufuma kwakwe ngu fuma ko mbi gwita, ni mfumo wakwe bwa liveleko ni liveleko.


A na fuma yotshe mbimo ka nyumba ya Jakobe, se mfumo wakwe kha wu na mbi va ni magwito.”


Se a to ningwa kufuma, ni wudhumo, ni mfumo, kasi ku votshe vathu, matiko, ni tidimi si mthumela; kufuma kwakwe ngu fuma ka kwa mbi gwita, kha ku na mbi pinda, kambe mfumo wakwe, ngu wona wokha wa kwa mbi khundumuswa.


Sikombiso sakwe nza hombe, ni sidiwukiso sakwe nza hombe ngutu ta tinene! Mfumo wakwe kha wu na mbi guma, ni kufuma kwakwe nga liveleko ni liveleko.


Ani koko na veka mthetho, awu votshe vathu, matiko, tidimi, va no womba wubihi ngu Txizimu txa Xadreke, ni Mixake, ni Abhedhi-Nego, va na gangelwe, ni tinyumba takwe ti na mahwe matala; nguko kha ku na tximwani txizimu txi sikotako kuhulukisa kufana ni txiya.


Aniko ka masiku a vafumeli vale, Txizimu txa nzumani txi na wusa mfumo wu wu no mbi dhuka wu khundumuswa; se mfumo ewo kha wu na mbi pinda wuya ka vamwani vathu, wu na balisela ni kuheta yotshe mifumo eyo, kambe wu na zumba ngu ha ku sigwitiko.


Mkoma wa fuma txitimwi ka ndambi; Mkoma a na fuma kala kupinduka!


Thumelani Mkoma Txizimu ngu txithavo, mi txi mtsakela ngu kudhudhumela.


Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”


Ni ka wukhalo wu ku nga ti wombilwe taku: ‘Kha mi nga vathu vangu’, va na dhanwa taku: ‘Vanana va Txizimu txa kuhanya.’ ”


Nguko ani Mkoma, kha ni txitxi; ngu mhaka yeto, anu vanana va ka Jakobe, kha mi loviswi.


Ngu kumaha keto, mtengo wa vanana va ka Israyeli u na nga mtxhefa wa lineneni, awule wu si pimwiko mwendo kubalwa; se ku na maheka tito, ka wukhalo wu va nga gelwa ku kha vona: Anu kha mi nga vathu vangu, va na kha vona: Anu mi vanana va Txizimu txi txi hanyako.


Se mfumo, ni mtamo, ni wuhombe wa mifumo hahatshi ka yotshe nzuma si na ningelwa ka vathu vo sawuleka va Nyatxitimwi; mfumo wawe mfumo wa kwa mbi guma, ni yotshe mitamo yi na mthumela ni ku muengisa.


Aniko Mkoma Txizimu txa ditshuri, Txizimu txi txi hanyako, Mfumeli wa kupindukela; mafu ma dhudhumela kuhenyani kwakwe, matiko kha ma na kuema masoni ka txiviti txakwe.


Ani sivangwa si sa mune si hanyako si to womba si txi kha sona: “Amen.” Se madhota ma to khizama ma txi khozela.


madhota awa a magumi mambidi ni mune ma ti ti khizama masoni ka wule a nga khalahatsha ha txikhaloni ka wukoma, kasi ku me khozela ene awule a hanyako, kala kupinduka, me veka mibhoti ya ona hahatshi, masoni ka txikhalo txa wukoma, me kwangula, ma txi kha ona:


Sotshe sihiwa sa lisima, sotshe siningo sa kuhetiseka, si ta ngu txitimwi, si txi txhika ngu ka Tate wa liwoningo, awu a ku si nga ni kutxitxa, awu kuwoninga kwakwe ku ku si nga ni kutxitxa ku txi maha txidema.


Nguko, Txizimu txathu, i mndilo wu wu hisako.


U nga hi leke hi txi wa kudukwani, kambe hi thuse ka m'bihi.” [Ngukuva Mfumo mbwako, ni mtamo ni wudhumo kala kupinduka. Amen.]


A di hokile diphalani, a to dhana Dhaniyeli ngu dipswi da kuxaniseka, a txi khene: Dhaniyeli, awe txithumi txa Txizimu txi txi hanyako! Ina Txizimu txako txi u txi thumelako masiku otshe, txi sikoti ku kuhulukisa ka tingonyamo, kani?


Kuanda ka kufuma ni kudikha kwakwe, kha ku na mbi va ni magwito txitimwi ka txikhalo txa wukoma txa Dhavhidha, ni ka mfumo wakwe, kasi kutsanisa ni kuseketela ngu wulamuli ni kululama, kukhukhela konkuwa, kala kupinduka; lirando la Mkoma wa Mabutho a Tiyimbi, a na maha eto.


Mkoma a na fuma ngu ha ku si gwitiko; Txizimu txako, awe Siyoni, nja liveleko ni liveleko. Dhumisani Mkoma.


Mmidi wangu wa dhudhumela ngu dizowa masoni kwako, ngu txithavo txi ni ku natxo ka mithetho yako!


Se txithumi txako txi ti dayiseto ngonyamo mwendo ursu; ni na mahisa toneto ka Mufilista wuwa wa kwa mbi yiswa wukwerani kufana ni tximwetxo txa sihari, ngu kule a nga ruketela mabutho a tiyimbi a Txizimu txi txi hanyako.


Sekoko Dhavhidha a to womba ka vavamna vale a nga ti ti navo, a txi khene: Mi na mmahela txani wamwamna wule a no daya Mufilista wuwa, e thavisa txiruko txitimwi ka Israyeli kani? Kasi i mani Mufilista wuwa, wa kwa mba yiswa wukwerani, wo a nga ruketela mabutho a yimbi a Txizimu txo hanya kani?


Nguko i mani a nga engisa, kufana ni nathu, dipswi da Txizimu txi txi hanyako, txi txi womba-womba hagari ka mndilo, e tama a txi hanya kani?


Nguko, ngu vona vapune va xawutelako ati mi nga hi amukelisa tona, ni ti mi nga hindukisa tona, mi txi leka sithombe, mi txi namarela ka Txizimu, kufela ku mi txi thumela Txizimu txi txi hanyako, na i di txa ditshuri;


kha txi thumelwi ngu manza a vathu, txi txi nga txo pwata txilo, nguko txona txipune ngu txona txi ningako sotshe ka votshe, wutomi ni kuhefemula ni sotshe simaha .


Aniko ni na mi kombisa awu mi fanelako ku mu thava. Thavani awu, msana ka kudaya mmidi, a ku ni mtamo wa kutshotsha m'thu mndiloni. Ina, ani na mi gela, thavani eneyo.”


Nguko dianza dangu di mahile sotshe simaho siya, se sotshe simaha siya si to mahwa, kuwomba Mkoma; aniko wonani awu ni no muwona: Ka txisiwana, ni wule wo xaniseka moyani, kambe a dhudhumelako masoni ka dipswi dangu.


Ni wihi a kuho hagari kwanu, ka votshe vathu vakwe, Txizimu txakwe txi nave ni nene, a na kwelele eya Jerusalema, i ku kona Judha, eya aka Nyumba ya Mkoma, Txizimu txa Israyeli; nguko ene Njizimu txi zumbako Jerusalema.


“Kambe ani nipune, mfumeli Aritasasta, na ruma ka votshe vaxayisi va tithomba va ku mtxhatuko ka mnambo taku, ni tihi tile a no mi kombela mphaxeli Ezra, mabhalani wa Mlayo wa Txizimu txa nzumani, ti na mahwe ngu kukuluveta.”


Moya wangu wu ni ditora do lava Txizimu, Txizimu txo hanya! Ditshiku muni ni no ya wona khohe ya Txizimu kani?


Swiv nou:

Piblisite


Piblisite