Dhaniyeli 6:22 - Bhiblia Yo Sawuleka

²² Txizimu txangu txi rumete Ngelozi ya txona yi ta vhala sisofu sa tingonyamo, kasiku ti si ni mahi txilo, nguko ni manekile ni si na mnandu masoni ka Txizimu; hambi masoni kwako, awe mfumeli, kha ni khali kumaha wubihi ni wawumwewo.

Dhaniyeli 6:22 Referans Kwoze

2 Timoti 4:17

Aniko Mkoma a ni emete, a txi ni tsanisa, kasiku dipswi di txi txhumayelwa ngu ngani, ngu kuhetiseka, ti to di txi mana kuengiswa ngu votshe vamatiko. Ani ni hulukisilwe ka txisofu txa ngonyamo.

Vahebheru 11:33

Vona, ngu likholo, va xute matiko, va lamute ngu kululama, va mani asi va nga ti thembisilwe sona, va vhate sisofu sa tingonyamo,

Mithumo 12:11

Se ene, ngako a di ambulukile, a to khene: “Konkuwa se na tiziva ngu ditshuri ti to Mkoma a rumete ngelozi yakwe yi ta ni hulukisa manzani ka Herodha ni kuwonelelani ka dibutho da Vajudha.”

Mithumo 24:16

Ngu konaho, yotshe mbimo ni khutalako kutsimbila ngu nzila yo lulama masoni ka Txizimu ni ka vathu.”

Masalmo 84:11

Nguko Mkoma liwoningo lathu ni m'vhikeli wathu; ene wa randa ni kudhunda avale va hanyako ngu kululama kha va lambeli ni txa tximwetxo tximaha txa txinene.

Mika 7:7

Ani koko, ni verela ka Mkoma; ni na verela ka Txizimu txa kuhanyiswa kwangu; Txizimu txangu txi na ni engisa.

Dhaniyeli 3:28

Se Nebhukodhonosori a to womba, a txi khene: Ku na bongwe Txizimu txa Xadreke, ni Mixake, ni Abhedhi-Nego, txile txi nga rumela Ngelozi ya txona ku ta hulukisa sithumi sa txona, sile si nga themba ka txona, nguko kha va lava kulondisa dipswi da mfumeli, ve tumela kuningela mmidi yawe, kasiku va si thumeli hambi kukhozela tximwani txizimu txokari, hahanze ka Txizimu txawe.

Masalmo 31:14

Aniko themba yangu yi kwako, Mkoma; se ani ni huwelela ti to awe u Txizimu txangu!

1 Samuwele 17:37

A to khene kambe Dhavhidha: Mkoma a ni hulukisile manzani ka ngonyamo ni ka ursu; ene a na ni hulukisa manzani ka Mufilista wuwa. Sekoko Sawule a to khene ka Dhavhidha: Tsula, Mkoma a nave ni nawe!

Mitengo 20:16

Athu hi to dila ka Mkoma, se ene a to engisa mapswi athu, e rumela mtumi wakwe wuta hi humisa Egipta. Se konkuwa hiho aha Kadhesi, ka m'ti wuwa wu kuho ha m'hinganoni ni ditiko dako.

Mithumo 27:23

Nguko ka wona wusiku wuwa, Ngelozi ya Txizimu, atxi ani ni lumbako txona, atxi ni txi thumelako, yi ti wonekisile kwangu, wusiku wuwa,

Dhaniyeli 6:23

Sekoko mfumeli a to tsaka ngutu, e rumisa ti taku Dhaniyeli e humiswa diphalani ka tingonyamo; ngu kumaha keto, Dhaniyeli a to humiswa diphalani, se ve mana ti taku kha dawiswa ni ka kudhoto, nguko a ti khotwe ka Txizimu txakwe.

Isaya 63:9

Ka kotshe kuxaniseka kwawe, ngene a nga xaniswa, se Ngelozi yile yi ku masoni kwakwe yi to va huanyisa; ngu lirando lakwe ni wumbilu wakwe, a to va tirula, se e va teka ni ku va tsimbitisa ka otshe masiku a kaleko.

Isaya 3:10

Gelani va vo lulama ti to va katekile, nguko va na dya mihando ya mithumo yawe.

Masalmo 118:28

Awe u Txizimu txangu, se ani na ku bonga; awe u Txizimu txangu, ani ni na huwelela wuhombe wako.

Masalmo 38:21

Mkoma, u nga ni leke! Txizimu txangu, u nga ve kule ni nani!

Masalmo 34:7

Ngelozi ya Mkoma ya vhikela avale va mthavako yi va hulusa ka tiphango.

2 Makronika 32:21

Sekoko Mkoma a to rumela ngelozi ku ta heta votshe vavamna va mtamo, ni vathangeli ni vathangeli va wugoveloni ka mfumeli wa Asiriya; se Senakeribhe a to tshumela ngu tingana eya ditikoni kwakwe. A di wulete nyumbani ka sizimu sakwe, vathu va nyumba yakwe va to m'daya koneho ngu ditxhari.

Dhaniyeli 6:20

A di hokile diphalani, a to dhana Dhaniyeli ngu dipswi da kuxaniseka, a txi khene: Dhaniyeli, awe txithumi txa Txizimu txi txi hanyako! Ina Txizimu txako txi u txi thumelako masiku otshe, txi sikoti ku kuhulukisa ka tingonyamo, kani?

2 Samuwele 22:7

Na ni di kupandisekani kwangu ni dhani Mkoma, kambe ni dite ka Txizimu txangu; ene a engisile dipswi dangu a di dithepeleni kwakwe, ni kudila kwangu kuhokile tinzeveni kwakwe.

2 Vakorinto 1:12

Nguko wudhumo wathu ngu wuwa: Wufakazi wa livhalo lathu waku, hi hanyile hagari ka vathu, ngu ditshuri ni kuthembeka ka Txizimu, na i si nga ngu wutxhari wa vathu, aniko ngu makatekwa a Txizimu, hi hanyile ha mafuni ngutu-ngutu kumweko ni nanu.

Matewu 27:46

Kambe ngu txikhati txa wutxhanu ni mune, Jesu a to kwangula ngu dipswi da hombe, a txi khene: “Eli, Eli, lama sabaktani, kani?” Ati ti wombako ku: “Txizimu txangu, Txizimu txangu, u ni lekete txani kani?”

Masalmo 26:6

Na samba manza angu, kasi kukomba ti to kha ni nga ni mnandu, se na tshuketa hafuhi ka txiluvelo txako, Mkoma,

1 Samuwele 26:18

A to khene kambe: Ngu kutxani nyamne wangu e tutumisa txithumi txakwe nga tiya kani? Nji txani ni nga onha koko, kani? Ni ku wubihi muni wu kuho kwangu kani?

Genesisi 40:15

nguko, ni to pfhukulwa ditikoni ka Vahebheru; hambi ni kona hawa kha na maha txilo txo biha, txa kuza ni ta wuletwa diphalani muwa.”

Vahebheru 1:14

Ina tingelozi totshe hi nga mimoya yi yi thumako mithumo, ayi yi nga rumelwa kuthumela avale va fanelako kuamukela thomba ya kuhanyiswa, kani?

Jeremiya 37:18

Sekoko Jeremiya a to wotisa ka mfumeli Zedhekiya, a txi khene: Kasi ni to kuonhela txani, ni sithumi sako, ni vathu vava, miza mi txi ni khotela kani?

Dhaniyeli 6:4

Sekoko vathangeli ni vafumeli, va to lava nzila yo wukela Dhaniyeli ngu mhaka ya mfumo; kambe kha va mana nzila hambi mnandu ni wawumwewo; nguko ene a ti thembekile, aniko kwakwe kha kwa maneka wubihi mwendo mnandu.

1 Vafumeli 13:28

Se a to tsula eya mana txirumbi txa kona txi di kwapa-kwapa hanzila, se mbongola ni ngonyamo si di emile hafuhi ni txirumbi; ngonyamo yi sa mita mmidi, hambi kuphatulela mbongola.

Dhaniyeli 6:7

Votshe vathangeli va mfumo, vafumeli ni vafumeli va ditiko, vathangeli va yimbi, ni vafumeli va matiko a hombe, va to sunga txikungo, kasi kuveka txileleto txa wukoma ni kutsanisa mlayo wuwa, waku: Ni wuhi wuwa mndani ka magumi mararu a masiku a no maha txikombelo ka txizimu txokari mwendo ka m'thu wokari, na i si nga kwako, awe mfumeli, a na rinzwe diphalani ka tingonyamo.