Dhaniyeli 6:20 - Bhiblia Yo Sawuleka

²⁰ A di hokile diphalani, a to dhana Dhaniyeli ngu dipswi da kuxaniseka, a txi khene: Dhaniyeli, awe txithumi txa Txizimu txi txi hanyako! Ina Txizimu txako txi u txi thumelako masiku otshe, txi sikoti ku kuhulukisa ka tingonyamo, kani?

Dhaniyeli 6:20 Referans Kwoze

Vahebheru 7:25

Ngu kota yeto, ene wa sikota kuhanyisa, ka mbimo yihi ni yihi, votshe vale va tshuketelako ngu ngene ka Txizimu, nguko ene wa hanya yotshe mbimo kufela ku va kombelela.

Dhaniyeli 6:27

Txizimu txa hanyisa ni kuhulukisa, txa maha sikombiso ni si xamaliso nzumani ni ha mafuni; Ngu txona txi nga hulukisa Dhaniyeli ka mtamo wa tingonyamo.

1 Makronika 16:11

Lavani Mkoma ni mtamo wakwe; lavani khohe yakwe yotshe mbimo.

Dhaniyeli 6:16

Sekoko mfumeli a to leleta ti taku kutiswa Dhaniyeli, e rinzwa diphalani ka tingonyamo. Se mfumeli a to womba ka Dhaniyeli, a txi khene: “Txizimu txako, a txi u txi thumelako mbimo yotshe txi na kuhulukisa!”

Dhaniyeli 3:17

Wona taku Txizimu txathu, a txi athu hi txi thumelako, ngu txona txi no hi hulukisa; txona txi na hi hulukisa txikhoni ka mndilo wu wu turako ngutu, ni manzani kwako, awe mfumeli.

Jakobe 1:25

Kasi awu a khutalako ngu kugonda mlayo wa kuhetiseka wa wuthuseki, e wu simamela, asi ti mahi muengisi wo divala, aniko a veketako ati wona wu rumako, eyo a katekile ka tile a ti mahako.

2 Vakorinto 1:10

I ku txona txi nga hi hulukisa, ngu txona kambe txi no hi hulukisa ka phango ya hombe ya lifo; ka txona hi vekile themba yiyo, txi na hi hulukisa yotshe mbimo.

Luka 18:1

Jesu a engetile a txi mahela vagondiswa vakwe txifananiso, kasi kuwomba ti to ka laveka kukhongela yotshe mbimo, va si rereki:

Luka 1:37

Nguko ka Txizimu ti walo to tandeka.”

Hoseya 12:6

Awe koko, hundulukela ka Txizimu txako; veka wunene ni kululama, kambe verela ka Txizimu txako, ngu ha ku si gwitiko.

Dhaniyeli 3:15

Se konkuwa koko, mi txi lava kuhuluka, mbimo yi mi no pfa diguwa da mpundu, ni sitende ni tingoma ni makhombela ni titshodi, ni wa totshe tixaka ta sivetaveta, khizamani mi khozela txithombe txile ni nga txi maha, mi na va mi txi maha kwati; aniko ngako mi si txi khozeli, mi na rinzwa ka mbimo yoneyo, mndani ka txikho txa mndilo wu wu turako ngutu; se ngu txihi Txizimu txi nga sikotako ku mi txhatxhisa manzani kwangu kani?

Jeremiya 32:17

O! Mkoma Txizimu! Ngawe u nga maha nzuma ni mafu ngu mtamo wako wa hombe ni diwoko dako di nga nawulutwa; kha ku na txilo txi tandako kwako:

Masalmo 73:23

Hambi keto ni ni nawe yotshe mbimo; awe wa ni setela ngu diwoko.

Mitengo 11:23

“Kambe Mkoma a to khene ka Mosi: Ina diwoko da Mkoma di komile kani? Awe verela, konkuwa, u na wona ti to dipswi dangu, di na maheka mwendo kha di na mbi maheka.”

Genesisi 18:14

Ina txi ho txo tandeka ka Mkoma kani? Ka dilembe di di tako, ngu yona yiya mbimo, ni na wuya kambe kwako, se Sara a na va a di ni mwanana wa dizambi.

Judha 1:24

Ka txona Txizimu txi ku ni mtamo wo mi xayisa kasi ku mi si khuvekiswi, ni ku mi heleketa txi mi hokisa mi di tsakile, na mi si nga ni txionho masoni ka wudhumo wa txona,

2 Timoti 1:12

Ngu toneto, ni xanisekelako tona. Aniko kha ni na tingana, nguko ani na m'ziva awu ni thembako ene, na tiziva ngu ditshuri ti to ene ana ni mtamo wa kuveketa asi a nga ni vekela manzani kwangu, kala kedo ditshiku.

Vakolosa 4:2

Simamani mi khongela, mi txi khutalela kona mikombeloni, na mi txi bonga,

Varoma 2:7

Txi na ninga wutomi wo mbi na magwito, ava vo simama kumaha ta tinene, ngu kulava wudhumo ni lisima ni wutomi wo mbi guma, ngu kutimisela ka mithumo yo tshura;

Mithumo 6:4

Kasi athu hi na khutala hi txi ti ningetela ka mthumo wa kukhongela ni kutxhumayela.”

Masalmo 146:2

Ni na dhumisa Mkoma, ni txi ngadi ni hanya; ni na embelela kudhumisa ka Txizimu txangu, ni txi ngadi ni hanya.

Masalmo 119:112

Mbilu yangu yi pimisile kuxayisa milayo yako; eyo yi na va hakhelo yangu kala kupinduka.

Dhaniyeli 6:19

Se mfumeli a to wuka ni mixo ngu kukuluveta, eya diphalani ka tingonyamo.

Dhaniyeli 6:26

Ni leleta ti to ka madhawa otshe a mfumo wangu, vathu ve na dhudhumele ni kuthava masoni ka Txizimu txa Dhaniyeli; nguko txona nji Txizimu txi hanyako, txi zumbako kala kupinduka, kambe mfumo wa txona kha wu na khundumuswa; ni kufuma ka txona kha ku na mbi va ni magwito.