Dhaniyeli 6:13 - Bhiblia Yo Sawuleka

¹³ Sekoko va to xamula masoni ka mfumeli, va txi kha vona: Dhaniyeli i ku mmweyo wa vale va nga tiswa ngu ditikoni ka Judha, kha kuengisi, awe mfumeli, hambi txileleto txi u nga sayina; ati mahela mikombelo yakwe kuraru ngu ditshiku.

Dhaniyeli 6:13 Referans Kwoze

Dhaniyeli 3:12

Ku ni vavamna vokari va Vajudha, avale u nga va veka ku ve thangela mabhindu a didhoropa da Bhabhilona: Xadreke, Mixake ni Abhedhi-Nego; vavamna vava, awe mfumeli, kha va kuxoniphi, kha va thumeli sizimu sako, hambi txithombe txa nzalama txile u nga txi emisa, kha va txi khozeli.

Mithumo 5:29

Aniko Pedro ni vamwani Vapostoli va to xamula, va txi kha vona: “Ti ni fanelo ngutu kuengisa Txizimu kupinda kuengisa vathu.

Dhaniyeli 2:25

Sekoko Ariyoki a to kuluveta e yisa Dhaniyeli masoni ka mfumeli a txi khene kwakwe: Ni mani mmweyo hagari ka vanana va tikhumbi ta ka Judha, awu a no txhamusela mloro wa mfumeli.

Dhaniyeli 5:13

Sekoko Dhaniyeli a to yiswa masoni ka mfumeli. Mfumeli a to womba, atxi khene ka Dhaniyeli: Ngawe Dhaniyeli, wule wa tikhumbi ta ka Judha, atile mfumeli, tate wangu, a nga wuya na to ngu Judha kani?

Esteri 3:8

Se Hamani a to khene ka mfumeli Asuwero: Ku ni vathu va nga hangalaka, ve abanela ngu matiko otshe a hombe, a mfumo wako, vathu vava milayo yawe yi hambanako ni milayo ya votshe vathu, va si londetiko milayo ya mfumeli; ngu kumaha keto, kha ti vhuni txilo ku mfumeli e va leka ve zumba.

Dhaniyeli 1:6

Se hagari kwawe ku ti maneka, ka vanana va ka Judha, Dhaniyeli, Hananiya, Misayeli ni Azariya.

Mithumo 17:7

se Jasoni a va amukete m'tini kwakwe, kasi vona votshe va kanyisa mlayo wa Khezari, va txi kha vona waho mmwani mfumeli, i ku Jesu!”

Dhaniyeli 3:8

Se ka mbimo yoneyo, ku to tshuketa vavamna vokari va Vakaldheya ve ta mangalela Vajudha.

Dhaniyeli 3:11

se ni wuhi a no mbi khizama e txi khozela, a na rinzwa mndani ka txikho txa mndilo wu wu turako ngutu.