Dhaniyeli 5:7 - Bhiblia Yo Sawuleka

⁷ Mfumeli a to ruma, ngu mtamo, ti to kudhanwa tiñanga, ni Vakaldheya, ni vahuti; mfumeli a to womba ka titxhari ta Bhabhilona, a txi khene: “Awule a no gonda mibhalo yiya, e ni gela txhamuselo ya kona, a na ambekwa nguwo yo bhilivila, ni liketani la nzalama mkoloni kwakwe, se a na maha mfumeli wa wuraru amu ka mfumo wangu.”

Dhaniyeli 5:7 Referans Kwoze

Dhaniyeli 5:29

Sekoko Bhelxazari a to leleta ti taku Dhaniyeli e ambekwa nguwo yo bhilivila, ni liketani la nzalama mkoloni kwakwe, ve zivisa ti taku ngene a no maha mfumeli wa wuraru wa mfumo.

Dhaniyeli 5:16

Ani koko, ni pfite ti taku awe wa sikota kutxhamusela ni kuthavisa kukanakana; se konkuwa, u txi sikota kugonda mibhalo yiya ni ku ni gela txhamuselo ya yona, wu na ambekwa nguwo yo bhilivila, ni liketani la nzalama mkoloni kwako, se u na va mfumeli wa wuraru amu ka mfumo wangu.

Dhaniyeli 2:48

Sekoko mfumeli a to kulisa Dhaniyeli, e mninga siningo sasingi sa hombe, e m'veka kuva mfumeli wa ditiko dotshe da Bhabhilona, ni kuva mfumeli wa hombe wa totshe titxhari ta Bhabhilona.

Dhaniyeli 2:6

Kambe ngako mi txo ni gela mloro wangu, ni txhamuselo ya kona, ni na mi ninga siningo, ni sibongelo, ni wudhumo wa hombe; ngu kumaha keto, ni geleni mloro wangu, ni txhamuselo ya kona.

Dhaniyeli 2:2

Se mfumeli a to dhana titxhari, ni vahuti, ni vanyatixolwe, ni va Vakaldheya kasiku ve ta txhamusela mfumeli, mloro wakwe; se vona va to ta tikombisa masoni ka mfumeli.

Ezekhiyele 16:11

Ni ku bombisile ngu so tshura, ni ku ambekile masinda mawokoni, ni wusekenya mkoloni.

Isaya 47:13

U ti karalisile ngu kuxaxuwa kotala; va na wuke koko konkuwa, avale va pimako nzuma, vale va nga ti wonetela tinyeleti, va va hutako kumeka ka mtxima, va na ku hulukise ka ti ti nota txitimwi kwako.

Dhaniyeli 4:14

yi txi kwangula ngutu yi txi kha yona: Gangani mndonga, mi tshatulela madhavi ya wona; zuzani mazokoro ya wona mi hangalasa ni mihando ya kona; Sihari si si zumbako hahatshi ka wona si na hangalake, ni sinyana si na hume madhavini ka wona.

Ndando ya Tindando 1:10

Mathama ako ma tsurisetwe ngu siketiketi, ni thamo yako ngu wusekenya.

Mavingu 1:9

Nguko sona si na va m'bhoti wa wunene ha msungo kwako, ni wusekenya thamoni kwako.

Esteri 3:1

Msana keto, timhaka, mfumeli Asuwero a to kulisa Hamani, mwana Hamedhata, muagagi, se e m'guleta; e m'veka ka wukhalo txitimwi ka votshe vathangeli vale a nga ti navo.

1 Samuwele 17:25

va txi kha vona: Ina mi mwoni wamwamna wule a kwelelako kani? Se a kwelete ku ta ruketela va ka Israyeli. Ku na maheka tito, awule a no m'daya, mfumeli a na mninga thomba yayingi ngutu, e mninga ni mwanana wakwe wa dihorana, ni kumaha ti taku nyumba ya tate wakwe yi txhatxheka ko diha khupo kona Israyeli.

Mitengo 24:11

Se konkuwa thava u tsula ka wukhalo wako; ani ni ti ti khani ni na kudhunda ngutu; aniko wona taku, Mkoma a ku tsivete wudhumo wuwa.

Mitengo 22:17

Nguko ani ni na ku mahela wudhumo wa hombe, totshe ti u no ni gela, ni na ti maha. Ngu konaho, ngono u ta ni lwela ka va vathu.”

Mitengo 22:7

Sekoko madhota a Vamowabhi ni madhota a Vamidhiyani, ma to tsula ni siningo so tsakisa manzani kwawe; ma to hoka ka Bhalahamu, me ya xawutela timhaka ta Bhalake.

Genesisi 41:8

Se ku to maheka taku, ni mixo, mbilu ya Faro yi maneka yi di ha kukaratekani ka hombe, se e dhana votshe vanyamsoro ni vanyatixolo va ditiko da Egipta, e va xawutela miloro yi a nga va nayo, aniko ni wammweyo kha sikota ku yi txhamusela.

Eksodha 7:11

Konako Faro a to ramba titxhari ni vanyamsorwo. Se tona titxhari ta ditikoni ka Egipta ti to maha toneto ngu wutxhari wa tona.

Jeremiya 50:35

Di nata ditxhari txitimwi ka Vakaldheya, kuwomba Mkoma, ni txitimwi ka Bhabhilona, ni txitimwi ka vathangeli vawe, ni txitimwi ka titxhari tawe.

Dhaniyeli 1:4

mazambi a kwa mbi na wulima ni wawumwewo, a tikhohe totshura, o tala ngu wutxhari, o txhariha amu ko gonda, va mapimo amu ka wuzivi, a ma sikotako kumaha mithumo ya nyumbani ka mfumeli, ve gondiswa kubhala ni kuwombawomba lidimi la Vakaldheya.

Dhaniyeli 1:20

Ka timhaka totshe ta wutxhari ni mapimo ka tile mfumeli a nga va wotisa, a to mana ti taku va pinda ngu ka digumi, totshe tiñanga ni titxhari tile ti nga titiho ka mfumo wakwe wotshe.

Dhaniyeli 2:27

Dhaniyeli a to xamula masoni ka mfumeli, a txi khene: Txihunja txi mfumeli a txi lavako, kha ku na titxhari, mwendo vahuti, hambi tiñanga, va nga sikotako kutxhamusela ka mfumeli.

Dhaniyeli 5:11

Mfumoni kwako ku ni wamwamna wokari, a ku ni moya wa sizimu so sawuleka; eyo ka masiku a tate wako ku manekile kwakwe liwoningo, mapimo, ni wutxhari wo fana ni wutxhari wa sizimu. Se mfumeli Nebhukodhonosori, tate wako, ina, tate wako, awe mfumeli, a to m'veka kuva mthangeli wa titxhari, tiñanga, Vakaldheya ni vahuti.

Dhaniyeli 5:15

Titxhari ni tiñanga ti tisilwe masoni kwangu kasi ku ta gonda mibhalo yiya, ni ku ni gela txhamuselo ya kona; aniko kha va sikota ku ni ninga txhamuselo ya mapswi awa.