Dhaniyeli 5:6 - Bhiblia Yo Sawuleka

⁶ Sekoko khohe ya mfumeli yi to kwalala ngu kuthava, ni mapimo akwe ma to vhinganyeka; tinyonga takwe ti txi hololo, ni mazolo akwe me gumulana.

Dhaniyeli 5:6 Referans Kwoze

Nahume 2:10

A na sala i ti diphanga, a di gumile, i di marumbi; se mbilu ya bhibhika, ni mazolo ma dhudhumela, kambe wotshe msana wa panda; ni tikhohe tawe votshe ta kwalala.

Dhaniyeli 7:28

Txiwoniso txi gwitete hawa, se ngu kwangu ani Dhaniyeli, mapimo angu ma to ni xamalisa ngutu, ni khohe yangu yi to txitxa; aniko ni to veka timhaka keto mbiluni kwangu.

Ezekhiyele 7:17

Otshe manza ma na guma mtamo, kambe otshe mazolo ma na jomba mati.

Dhaniyeli 4:5

Se ni to lora mloro wu wu nga ni dhukisa; se maalakanyo angu ni siwoniso si to ni xanisa ni di m'bhedhuni.

Ezekhiyele 21:7

Ina mbimo yile va no kha vona: U hefemuteka ngu kutxani kani? Awe u na khawe: Ngu mhaka ya ti tatiphya titako; se totshe timbilu ti na tsivala, otshe manza ma na karala, wotshe moya wu na xomuleka, ni otshe mazolo ma na txutxeka me maha mati; wona taku tata, kambe ti na maheka, kuwomba Mkoma Txizimu.

Masalmo 69:23

Maso awe ma na phume, kasiku va si woni; siwunu sawe si na zumbe si txi dhudhumela.

Dhaniyeli 4:19

Sekoko Dhaniyeli awule ditina dakwe i ku Bheltexezari, a to xamala, a txi dwee, ngu ora yimweyo, a txi karateka mapimoni kwakwe. Se mfumeli Nebhukodhonosori a to womba, a txi khene: “Bheltexezari, u nga karateke ngu mhaka ya mloro, hambi txhamuselo ya wona.” Bheltexezari a to xamula a txi khene: Nyamne wangu, mloro wuwa wu na wukele vale va ku nyenyako, ni txhamuselo ya wona, ka valala vako.

Vahebheru 12:12

Ngu toneto, guletani manza anu a kukarala ni mazolo anu a kurereka.

Dhaniyeli 3:19

Sekoko Nebhukodhonosori a to tala ngu kuhenya, se khohe yakwe yi to thuvika yi wukela Xadreke, Mixake, ni Abhedhi-Nego; a to rumisa ti to txikho txi onzetelwa kupinda mtxhanu wa sikhati ni simbidi sa tolovelo.

Dhaniyeli 2:1

Ka dilembe da wumbidi da kufuma ka Nebhukodhonosori, Nebhukodhonosori a to lora miloro yokari, se moya wakwe wu to karateka, kuza kuhangalaka ni wukohe wakwe.

Isaya 35:3

Tsanisani manza o karala, ni kutsanisa mazolo o rereka.

Isaya 5:27

Kha ku na mbi va ni kukarala hagari kwawe, hambi kurereka; kha ku na wu a no khudhahela, hambi kuotela; kha va na mbi txhatxha tibhande siwununi kwawe, hambi kubhenula tingoti ta tikathula tawe.

Masalmo 22:14

Ni fana ni mati ma thekelako; otshe marambu angu ma nguda-nguda. Mbilu yangu yi fana ni phula, ayi yi nyivilikako mndani kwangu.

Dhaniyeli 5:5

Ngu mbimo yoneyo, ku to woneka titiho ta dianza da m'thu ti txi bhala, masoni ka phande ya malambu, ka diseta do basa da nyumba ya wukoma; se mfumeli a ti ti wona dianza di di nga ti bhala.

Jeremiya 50:43

Mfumeli wa Bhabhilona a pfite nduma yawe, se ma so hololo manza akwe, e ñolwa ngu xomulo, kupanda, nga ka wamsikati a hefemulako.