Dhaniyeli 5:5 - Bhiblia Yo Sawuleka

⁵ Ngu mbimo yoneyo, ku to woneka titiho ta dianza da m'thu ti txi bhala, masoni ka phande ya malambu, ka diseta do basa da nyumba ya wukoma; se mfumeli a ti ti wona dianza di di nga ti bhala.

Dhaniyeli 5:5 Referans Kwoze

Dhaniyeli 4:31

Mbimo yile mfumeli a nga ti womba-womba, ku to pfala dipswi ngu nzumani, di txi kha dona: “Awe mfumeli Nebhukodhonosori, wa ziviswa ti taku mfumo wu thavisilwe kwako.”

Vakolosa 2:14

txi pfhutile mibhalo ya dipapilo da minandu yathu, adi di nga ti bhaletwe ku hi mangalela masoni ka mlayo; di fuvisilwe dipapilodo ngu ku di bethela ha txihambanoni.

Jobe 20:5

litsako la vaonhi kha li sweli, ni kutsaka ka vakanganyisi nga mbimonyana kani?

Dhaniyeli 5:15

Titxhari ni tiñanga ti tisilwe masoni kwangu kasi ku ta gonda mibhalo yiya, ni ku ni gela txhamuselo ya kona; aniko kha va sikota ku ni ninga txhamuselo ya mapswi awa.

Dhaniyeli 5:8

Sekoko titxhari totshe ta mfumeli ti to wulela; aniko kha ta sikota kugonda mibhalo, hambi kugela mfumeli txhamuselo ya kona.

Dhaniyeli 4:33

Ka mbimo yoneyo, ku to tatiseka dipswi txitimwi ka Nebhukodhonosori, a to thaviswa hagari ka vathu, e dya mwasi kufana ni tihomu, se mmidi wakwe wu nakaniswa ngu mwando wa nzumani, kala kuza mapfhepfheleti akwe me kula kufana ni mitenga ya digama, siyala sakwe si fana ni siyala sa sinyana.

Mavingu 29:1

M'thu wule a ku a txi kawukwa ko tala e ti bangisa msungo, a na phatulwa ngu txikuluveta, asi kalamuki.

Dhaniyeli 5:4

Va to sela vhinya ve dhumisa sizimu sawe sa nzalama, sa silivhela, sa koporo, sa tisimbi, sa tiphande, ni sa marigwi.

Dhaniyeli 5:6

Sekoko khohe ya mfumeli yi to kwalala ngu kuthava, ni mapimo akwe ma to vhinganyeka; tinyonga takwe ti txi hololo, ni mazolo akwe me gumulana.

Jeremiya 50:43

Mfumeli wa Bhabhilona a pfite nduma yawe, se ma so hololo manza akwe, e ñolwa ngu xomulo, kupanda, nga ka wamsikati a hefemulako.