Dhaniyeli 5:3 - Bhiblia Yo Sawuleka

³ Sekoko va to tisa siya sa nzalama, asile si nga ti tekilwe ka dithepele da Nyumba ya Txizimu, yi yi nga ti ti Jerusalema, se mfumeli ni vahombe vakwe, ni vavasikati vawe ni sigango sawe, va to sela ngu sona vhinya.

Dhaniyeli 5:3 Referans Kwoze

Dhaniyeli 5:2

Ngako Bhelxazari a di khatile kusela vhinya, a to rumela taku kutiswa siya sa nzalama ni silivhela, sile tate wakwe Nebhukodhonosori, a nga ti si thavisile dithepeleni ka Jerusalema, kasi ku mfumeli ni vahombe vakwe, ni vasikati vawe, ni sigango sawe, ve sela ngu sona vhinya.

Dhaniyeli 5:4

Va to sela vhinya ve dhumisa sizimu sawe sa nzalama, sa silivhela, sa koporo, sa tisimbi, sa tiphande, ni sa marigwi.

Dhaniyeli 5:23

Kambe u ti kulisile masoni ka Mkoma wa nzumani, nguko siya sa Nyumbani ka Mkoma si wuyisilwe masoni kwako, se awe, ni vahombe vako, ni vasikati vako, ni sigango sako, mi sete vhinya ngu sona; Hahanze keto, u to khozela sizimu sa silivhela, ni nzalama, sa koporo, sa tisimbi, sa tiphande, ni sa marigwi, si si woniko, si si engisako, si si zivako; aniko Txizimu txi wutomi wako, ni tinzila tako totshe, si ku manzani ka txona, khwa txi dhumisa.

Valamuli 19:1

Ku to maheka kambe ka ona masiku ale, ku nga ti si nga ni mfumeli ka Israyeli, taku ku txi maneka wamwamna wa Mlevhi, a nga ti ti luvela madhawani ka mmango wa ka Efrayime, a to ti tekela wamsikati wa txikaba, wa Bhetlehema ka Judha.

2 Makronika 36:18

Se siya sotshe sa Nyumbani ka Mkoma, sa hombe ni sa sidotho, ni thomba ya Nyumbani ka Mkoma, ni thomba ya mfumeli ni ya vathangeli vakwe, sotshe a to teka e tsula naso Bhabhilona.

Isaya 5:14

Ngu toneto, dithitha di engetete kunavela ka dona, di asamile txisofu txa dona kupinda mpimo, wudhumo wawe ni vathu vawe, ni kubomba kwawe, ni votshe vale va tsakako va na ngirimela ka dona.

Jeremiya 50:28

Ngu dona dipswi da vale va nga thava ve huma ditikoni ka Bhabhilona, ku va va txi ya zivisa Siyoni kuphota ka Mkoma, Txizimu txathu, kuphota ka mbimo yakwe.

Hoseya 2:8

Ene koko, kha tizivi ti to ani ni mnigile sakudya, ni dosi, ni mafura, kambe ni muengetete silivhela ni nzalama, sile va nga maha ngu sona txithombe txa Bhahali.

Habhakuki 1:11

Sekoko, va na pinda kufana ni moya, ve kanda, se va txi ti ninga m'nandu, va txi kha vona mtamo wa txizimu txawe.

Malakiya 1:12

Aniko anu ma di nyenyezisa, ngako mi txi khanu: Meza ya Mkoma yi nyenyezile, ni siya sa yona, sakudya sa kona, sa eyiseka.

1 Vatesalonika 5:3

Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.