Dhaniyeli 5:28 - Bhiblia Yo Sawuleka

²⁸ Parisini: Mfumo wako wu abanisilwe, wu ningelwa ka Vamedhi ni Vapersiya.

Dhaniyeli 5:28 Referans Kwoze

Dhaniyeli 6:28

Dhaniyeli wuwa, koko, a to humelela ka mbimo ya kufuma ka Dhariyo ni ya kufuma ka Siro, Mupersa.

Isaya 13:17

Wonani, ani ni na va wusela Vamedhi, ava va si khataliko ngu silivhela, hambi kuva ni mhaka ngu nzalama.

Dhaniyeli 5:31

Se Dhariyo wa lixaka la Vamedhi a to teka wukoma, a di ni tanga ya mtxhanu wa magumi ni dimwedo ni malembe mambidi.

Isaya 21:2

Ni wonisilwe txiwoniso txo thisa: Mkanganyisi wa kanganyisa, ni mxaseli wa xasela. Kwelela awe Elamu, randela awe Medhi; ni malatile miketo yawe yotshe.

Dhaniyeli 9:1

Ngu dilembe do khata da Dhariyo, mwana Asuwero, wa ditiko da Vamedhi, wule a nga ti mahilwe mfumeli txitimwi ka mfumo wa Vakaldheya.

Dhaniyeli 8:20

Hamba yile u nga yi wona ya titxheho timbidi, mbafumeli va Medhiya ni va Persiya;

Mithumo 2:9

Vaparta, Vamedhi, Vaelamita, vaaki va Mesopotamiya va kuhuma Judheya ni Kapadhokiya, va Ponto ni Aziya,

Dhaniyeli 6:8

Konkuwa koko, awe mfumeli, tsanisa txileleto, u sayina mibhalo, kasiku txi si txitxwi, madingano ni mlayo wa Vamedhi ni wa Vapersa, wu si dinganiko kutxitxwa.

2 Makronika 36:23

Siro mfumeli wa Persiya a khene: Mkoma Txizimu txa nzumani, a ni ningile yotshe mifumo ya ha mafuni, e ni rweka mthumo wo mu akela nyumba kona Jerusalema, ditikoni da Judha. Ni wuhi a kuho hagari kwanu, ka votshe vathu vakwe, a na kwelele eya Jerusalema, se Mkoma, Txizimu txakwe txi na va ni nene.

Isaya 47:11

Ngu kumaha keto, txitimwi kwako, ku nata dikhombo, di u no mbi ziva mu di tako ngu kona, se kuhaxulwa ko ngeko, ku nata txitimwi kwako, kambe khu na mbi sikota ku kuretha; nguko ku nata tximwi kwako ngu txidhukisa, kuxasela ka txihuhuri, kaku khu na mbi sikota ku kuziva.

Jeremiya 25:13

Ni na maha kedo ditiko totshe timhaka ti ni nga womba ka dona, totshe tiya ti nga bhalwa ka diya dibhuku, ati Jeremiya a nga profeta ngu otshe matiko awa.

Jeremiya 51:28

Sawulekisani matiko kupinda ene, vafumeli va Medhiya, vathangeli va tiyimbi ni votshe vafumeli vawe, ni dotshe ditiko di va di fumako.

Dhaniyeli 2:32

Msungo wa txithombe txile i ti ti wa nzalama yo hehuka; khana ni mawoko a txona nza silivhela; mrumbu ni tinyonga ta txona i ti sa koporo;

Dhaniyeli 2:39

Se msana kwako, ku na wuka wumwani mfumo, wa wudotho ka wako, se mfumo wa wuraru mbwa simbi, awu wu no fumo txitimwi ka otshe mafu.