Dhaniyeli 5:25 - Bhiblia Yo Sawuleka

²⁵ Mibhalo yi yi nga bhalwa koko, ngu yiya: “Mene, Mene, Tekele, Parisini.”

Dhaniyeli 5:25 Referans Kwoze

Dhaniyeli 5:24

Sekoko di tile ngu ka Txizimu dianza dile di nga bhala mibhalo yiya.

Dhaniyeli 5:26

Txhamuselo ya kona ngu yiya: Mene: Txizimu txi bate masiku a mfumo wako, txi ma heta.

1 Samuwele 28:19

Se Mkoma a na kuningela awe ni va ka Israyeli manzani ka Vafilista, mangwana awe ni vanana vako mi na va ni nani; kambe wugovelo wa va ka Israyeli, Mkoma a na wu ningela manzani ka Vafilista.

2 Makronika 21:12

Sekoko mprofeti Eliya a to bhalela Jehoramu, a txi khene: Mkoma, Txizimu txa tate wako Dhavhidha a khene: U lekile kutsimbila ngu tinzila ta Josafati tate wako ni ta Asa mfumeli wa Judha,

Isaya 14:11

Kutikulisa kwako ku wisilwe ka diphala do hokoma, kumweko ni diguwa da timbila tako, se timbungu ti na maha ditaho ni txifenegelo txako.

Isaya 47:11

Ngu kumaha keto, txitimwi kwako, ku nata dikhombo, di u no mbi ziva mu di tako ngu kona, se kuhaxulwa ko ngeko, ku nata txitimwi kwako, kambe khu na mbi sikota ku kuretha; nguko ku nata tximwi kwako ngu txidhukisa, kuxasela ka txihuhuri, kaku khu na mbi sikota ku kuziva.

Jeremiya 27:7

Otshe matiko ma na mthumela, ene ni mwanana wakwe ni mtukulu wakwe, kala ku txi hoka mbimo ya ditiko dakwe, ngu msana keto nene a na khoziswa, ngu matiko amangi ni vafumeli va hombe.

Habhakuki 2:7

Ina kha va na mbi tekela kukhukha avale va no kuluma kani? Ina kha va na mbi vhumuka avale va no kudhudhumelisa kani? Ni ku mwendo awe kha va na mbi kumaha thomba yawe kani?

Luka 1:51

A thumile ta hombe ngu diwoko dakwe, a hangalasile ava va nga txi ti kukumukisa ka mialakanyo ya timbilu tawe.

Luka 12:20

Aniko Txizimu txi to mu gela txi txi kha txona: ‘Diphuphuluwe, ka wona wusiku wu, moya wako wu na lawa. Se tithomba ti u nga sengeletela, ti na sala ni mani kani?’